الحركات اللي موجودة بمنتدى الحياة الزوجية شنو تنفع

وعليكم السلام ورحمة الله وبركاته
بارك الله فيكي أختي
بالنسبه لي .. لما عاد زوجي من السفر بعد مدة: 5 أيام
جهزت الصالون إلي في بيت أهلي وطفيت الأنوار
وفي بداية الصالون رتبت الطاولات جنب بعض وفرشت مفرشه حمرا عليها
والكيك والعصير ومعجنات وحطيت شموع حولهم على شكل قلب ...طبعا كله فوق الطاوله
جهزت الحمام الله يعزك .. وملابس ومنشه
وجهزت انشوده بدايتها آهات على شان أشغلها أول مايدخل كانت بالكمبيوتر حطيت خلفياتها متحركه
شكلها حلو في ظلام الصالون
ولبست لبس أحمر أول مره يشوفه
المهم...
لما جاء مره فرح وكمان حسيت وكأني ما زلت مملكه
وهو قالي ايش هذا هو احنا مملكين
صراحه كان يوم حلو ورومانسي ذكرنا بأيام الملكه وحلاوتها
والفضل يعود لله ثم لإقتباسي من افكار الفراشات
جزاهم الله كل خير

شوقتوني اتزوج عشان اسوي بلاوي و اخبل زوجي بالحركات الرومانسيه و الأفكار...
يالله يا بنات..شاركو في هالموضووع و كل وحده تقول شو اللي طبقته..و شو رد فعل زوجها

مراحب للجميع ///////
انا سويت حق زوجي وايد اشياء من المنتدى والصراحه كلهم يستانس عليهم بس اكثر شي حبيته كنت مسافره مع اهلي 5ايام اهو ماقدر عشان ظروف شغله ما سمحت المهم طولت عليكم /// قبل ما اطلع من البيت اول شي كتبتله رساله وحطيتها عالتسريحه وكتبت على اوراق عبارات ولزقتهم بكل مكان بالبيت يعني عند ليتات الصاله كتبت (ادري ان البيت ظلمه من غيري)
وعند باب غرفة النوم موتنساني يالغالي واشياء كثيره خليت البيت كله اوراق ////بس اهو كان مستانس حده
وسوري عالاطاله

أنا ما تزوج بعد
الله يزوجني ويزوج كل البنات من الرجال اللي ببالهم
بصراحة ما كنت اتوقع أن الكلام الحلو يجيب نتيجه
أنا بس جربت على أبوي كل حركة يسويها وكل شغل أقول له يعطيك العافية جزاك الله خير الله لا يحرمنا منك
وجابت نتيجة خيالية
إذا كان معصب يهدى لما يشوفني وإذا جاء يتكلم يحاول أنه ما يضايقني
على قولته لأني حساسة
الله لا يحرمني منه ويجمعني به في الجنه هو وأمي وأخواني واحبابي
ويحفظ للجميع والديهم ويجزيهم خير
<< الكلمة الطيبة صدقة >>

قوة بنات
مرة بغيت أفاجأ زوجي بشغلة يستانس منها وفي نفس الوقت كنت متخوفة من ردة فعله ..
فكرت إني أحجز بفندق راقي وحلو والحمدلله قدرت أحصل على جناح ببلاش ، وكان وقتها زوجي راد من السفر ، فقلت له أنا خلاص حجزت في الفندق الفلاني ، قال تمام بس ما ذكرت له إنه ببلاش وإنه المفروض تكون هدية من عندي ولما وصلنا قريب الفندق قلت له ترى الحجز ببلاش بس ألحين لا تسألني شلون وشنو سويتي ومدري شنو .. فقلت له كان لازم أنبهك قبل ما توصل الكاونتر علشان لازم تعلمهم إنه ببلاش وعن طريق شخص معين يشتغل هناك وعلشان بعد ما يستغلونها فرصة وياخذون عليك قيمة الجناح وتخرب مفاجأتي ،،
الحمدلله أهو تقبل الوضع وإستانس وايد ، لكن في الفندق سألني مرة ثانية شلون حجزتي ههه وعقب علمته أنا شنو سويت ،،، ثاني يوم طلعنا السوق وشرالي هدايا وايد
وعساكم عالقوة
.

هلا.. موضوع جدا حلو.. بصراحة أنا جربت شغلتين..
الأولى .. كان زوجي مسافر فغيرت اسمي بتلفونه وحطيته اشتقتلك باللغة الانجليزية (I missed u) وبصراحة زوجي من أول حاطلي نغمة خاصة فيني.. طبعا لما اتصلت عليه طلع (I missed u) فكانت مفاجأة حلوة بالنسبة له..
للآن طبعا مع انها صارله تقريبا 8 أشهر بس رفض زوجي انه يغيره.. طبعا مفكرة أنا أغيرها لكلمة ثانية حلوة لأنه مسافر الأسبوع القادم باذن الله تعالى..
الحركة الثانية.. في عيد ميلاده العام الماضي كان طالع .. فاستغليت فرصة ورحت على غرفة الجلوس لصقت بيها كلها بالونات بلألوان حلوة ومتناسقة وفيها طبعا أحرف أسمائنا.. وشغلا حلوة.. حطيت طاولة بالنص وفرشت عليها فرشة حلوة وورد طبيعي وشريت كيكة صغيرة وجدا حلوة مع بعض الأكلات الخفيفة (يعني عشا خفيف مرة وحدة) وعصاير طبعا.وحطيت بعد الهدية مغلفة بشكل حلو... نيمت ابنتي طيف .. ولبست لبس نوم أحمر شكل (فراشة) جدا روعة وخفيف وفيه لمعة حلوة.. وطبعا شموع بريحة حلوة..
لمن وصل تفاجأ جدا بالحركة وطبعا تتوقعون النتيجة...
في عيد ميلاده هذي السنة ما سويت حركة بس حطيتله هدية وبطاقة حلوة تحت مخدته ولما راح ينام تفاجأ فيها بس بصراحة عتب علي لأن كان متوقع أسويله شي مبهر مثل السنة اللي قبلها ..
وفي عيد زواجنا الأسبوع الماضي هو عزمني على مطعم وكان بروحه متفق مع المطعم يحطولنا شموع وعشا حلو وكيكة.. بصراحة أذهلني ما توقعته يسويها... ومن رجعنا طبعا كان حاطلي هديتي بالتسريحة جنب عطوراتي ومغلفة جدا حلو مع ورد.. أما أنا فحطيتله الهدية مع ملابسه أول ما يفتح الدولاب يحصلها..
بصراحة المنتدى هذا أحلى موقع دخلته بالنت والله يبارك في جميع المشتركات والمشرفات العزيزات..

سافر زوجي اول مره قبل فتره وسويتله الحركه الي اقص ورقات صغيره فيها كلام حلو واحط كل وحده في مكان بالجنطه ولما رجع قالي قمت ادور مثل المينون ههه بكل مكان
حلوه

شوشتي المنكوشة الله يحبب زوجك فيكي
دلوعة الامارات الله يزوجك واحد يموت فيك ولا يرفضلك طلب
حلوة الحركة ياأم البتول
ريمه صدقتي الحركات الرومانسية والعاطفية تنفع مع أي شخص تربطنا عاطفة بيه
العقيق تستاهلين الهدية
أم طيف تسلمين عالمرور والحركات الحلوة
الاسطورية ههه حلو الوحده تجنن رجالها بهالحركات تراها روعة
ومثل ماقلت فعلا الحركات هذه لها تأثير كبير بالحياة الزوجية وبتغيير الزوج والله التجارب تثبت
اسأل مجرب

مايعجبوني البنات الي يقولون زوجي مايتقبل او عادي عنده ... بالعكس لما تعودين زوجج على الحركات والمفاجات اكيد راح يتأقلم عليها ويحبها وراح يفقدها اذا وقفتي عنها... بس مو ولع بعدين يصير الشي عادي عنده ... كل وحده تعرف متى تقدر تفاجئ زوجها وعارفه متى تتقبل نفسيته... خبركم الرجال عمليين واحنا رومانسين ...