الخبيرات في الاسماك والفيليه يتفضلوو

والله جالسه انتظر
يسلموو اللي مروا بدوون ردوود

مالي خبرة في الفيليه المقلي
لكن بالفرن دايما اسويه
اول شي تغسلي الفيليه و تصفيه كويس من الموية طبعا و حاولي تصفيه كويس لو تضغطي عليه بيدك عشان لا يطلع موية كتير في الفرن
بعدين تتبليه بملح و فلفل اسود و بهارات و ليمون و تخليه فترة في التتبيل عادة انا لما اسويه للغدا اتبله من الليل و اخليه في الثلاجة
بعدين تحطيه في صينية فيها كمية زيت كافية و على وجه الفيليه شرايح بصل و طماطم و فلفل رومي حسب رغبتك
و تغطي الصينية بقصدير و تدخليها الفرن و تكون الحرارة من تحت و بعد ما يستوي تكشفي القصدير و تولعي الفرن من فوق عشان ينشف الوجه شوية
و تقدميه من رز و سلطة حسب رغبتك
جربيه و قوليلي ايش رايك و ان شالله يعجبك
و بألف عافية

انا اعمله مقلي اول شي تبيله بتوابل السمك اذا موجوده عندك اذا لا ؟ بهريه بملح وليمون او خل وفلفل اسود وكمون وكزبره واوريغانو اذا عندك اي بهار تحبيه وشويه كركم وشويه ثوم بودره اذا ماعندك ثوم مهروس تبيله قبله بكم ساعه او افضل من الليل عشان التوابل تمسك في السمك وبعدين جيبي دقيق غمسي فيها السمك بعد التتبيله وبعدين عليه بيض مخفوق وبعدين على بقسماط اذا ماعند بقسماط ارجع تاني للدقيق او كورن فلكس مجروش او شوفان كويكر وبعدين
اقليه في زيت مو غزير يعني حطي في صاج البيض زيت حق اصابعين واقليه فيها واعملي جنبه شويه بطاطس مقلي ورز ابيض مع شعيريه وسلطه الحمر او سلطه الطماطم
سلطه الحمر
تمر هندي تغليه في مويه على النار وبعدين تصفيه يصير المويه لا خفيف ولاتقيل عادي
تحطيه في الخلاط مع طماطمتين وثوم وكزبره طازه وملعقه كمون وكزبره ناشف وملح وتخلطه وتقدمه مع الفيليه
وبالهنا والعافيه

والله حبيبتي اعمله بنفس طريقة روز ويكون روعه ومرة خفيف ع المعده مع رز السمك اللي بالبصل والسطة الخضرا بالبصل م الف هنا

انا اصلحه مقلي
تتبيلته في الخلاط تحطي طماطم وبصل وثوم وعصير ليمون وخل وملح وتخلطيها وتحطيها على السمك الفيليه وبعدين تظيفي بهارات سمك وليمون اسود مطحون وزيت زيتون وتخليها حق ربع ساعه ثم تقلبيها بدقيق ثم ببيض ثم ببقسماط ثم تقليها بزيت حق سبع دقايق لكل وجه والنار متوسطه
اذا ماعندك بقسماط حطي توست بالفرن على شبك الفرن بعد تشيلي اطرافه وشغلي عليه النار هاديه الين ينشف ثم اطحنيه وتقدري تصلحيه بصامولي تقطعيه شرائح وبنفس طريقة التوست
على فكره التتبيله تصلح كمان للدجاج اللي بتشويه على الفحم
وكمان فيه طريقه انك تجيبي قصدير وتفرشي عليه شرائح بصل وطماطم وفلفل رومي وترشيه بملح وبهار ثم تحطي السمك فوقه ثم ترشيه مره ثانيه بملح وبهار ثم طبقه من شرائح البصل والطماطم والفلفل البارد ثم ترشي ملح وفلفل وتقفلي القصدير تجيبي الاطراف المتقابله وتقفليه ثم تحطي قصدير ثاني وتلفيه فيه ثمتحطيه في صينيه وبالفرن او على جمر وتقلبيه بعد فتره
اتمنى اكون افدتك

:
^rose^
الله يجزاك خير اكيد راح اعملها وارد لك خبر يسلموو حبيبتي وانا بعد افضل مشوي بالفرن:و2

rayanxv
الله يكتب اجرك وينور دربك بصراحه افكارك عجبتني فكرة الرز بالشعيريه والصلصه
راح اسويها وراح اخذ بتتبيلاتكم بس مشوي يسلمو

ريتاج الكعبه
يسلمو قلبي ع المرور