الدونات

الله يعطيكم العافيه يا حلوين ما قصرتو

كيف الطريقه ودي اعرف

طريقة الدونات المقلي والدونات بالفرن
بسم الله نبدأ..
//
اولا : لازم نعجن العجينة اللي راح نسوي فيها الدونات <<.. اوه احلفي..
عجينتي المعتمدة في كل شي وروعة وبيضا وزي القطن.. :
ماشاء الله ..
3 اكواب دقيق الكويت / 3 ملاعق كبيرة هرمية حليب بودرة / فنجان قهوة سكر / ملعقة كبيرة خميرة فورية..
ملعقة صغيرة بيكنج بودر / رشة ملح / <<.. طبعا هذي المقادير الجافة نخلطها
مع بعض بالملعقة .. وبعدين نسوي حفرة في نص المقادير ونصب فيها
بيالة شاي زيت / كوب ماء دافيء..
ونلاحظ الماء لازم يكون دافيء مو حار ولا بارد عشان الخميرة..
والافضل تكون الخميرة طازجة او من الفريزر..
طيب
بعدين نجلس نعجن ونعجن ونعجن .. والعجينة بتكون شوي تلزق لاتضيفين لا دقيق ولا ماي
لا استمري في العجن..
لانها كذا حتطلع لك زي القطنه ماشاء الله..
وغطيها وخليها تخمر.. ساعة او ساعة وربع..
وبعد ماتخمر .. نفردها بسمك نص سم تقريبا ونقطعها على شكل دونات ..
طبعا معروف شكله مايحتاج..
ممكن تقطعينها بآلة الدونات .. واللي ماعندها <<.. زي حضرتي
تسوي الدويره الكبيرة بالكاسة .. والدويرة الصغيرة بغطاء شطة او غطا زيت زيتون او غطاء فيمتو
كلو يمشي ويضبط ترى
المهم الحين نجي لدونات الفرن..
نجيب كمية من الدوناتات اللي جهزناهم ونحطهم بصينية فرن مدهونة بزيت عشان مايلصق
وندخلهم الفرن اللي سبق وشغلناه من تحت..
ونخبزها عادي زي الفطاير..
وبعد ماتستوي من تحت نشغل عين الفرن العلوية شوي بس .. عشان تتحمر شي بسيط..
ثم نطلعها من الفرن..
والدونات المقلي.. نأخذ كمية من الدوناتات المقصصات
ونقليهم في زيت غزير..
الى ان تتحمر وبعدين نحطهم على ورق نشاف..
والان نجي للصوص..
لك الاختيار..
انا طبعا حطيت على بعضه / نستله ..
سكر بودرة../
هيرشي كاكاو ../
نستله + سكاكر حقت الزينة ..<<.. ياحلو السكاكر بس خ
مدري وش اسمها بس نفس اللي بالصورة..
هيرشي كاكاو + زينة ملونة.. تلاقونها طبعا في اي سوبر ماركت قسم الحلويات..
خاصة بتزيين الدونات والكيك ..
نستله مخلوط بشوي كاكاو هيرشي..
وطبعا هذي صوصات سريعة..
تقدرين تسوين كاكاو خام في حمام مائي مع شوي زبدة وتحطينه عالدونات مره لذيذ
بس ماسويته ذاك اليوم كنت مستعجله..
وهذا شكل الدونات بعد ماسويت الصوصات حقته
<<.. طبعا الدونات اللي لونة فاتح هو الدونات بالفرن
والدونات اللي لونه غامق هو الدونات المقلي ..
وللامانه انا ماقد جربتها بس نقلتها لك من احد المنتديات

وهذي طريقة ثانيه:
- 3 كاسات دقيق + ذرة ملح
2- 2 كأس ماء وممكن زيادة
3- 6 ملاعق حليب بودرة
4- نص كاس سكر مطحون
5- 4/3 الكأس زيت
6- ملعقة ونصف خميرة فورية + ملعقة ونصف بكنج باودر .
الطريقة :
1- يخلط في الخلاط جميع المقاديرماعدا الطحين
2- ثم يصب على الطحين ويعجن ممكن زيادة الموية لأن العجينة تكون شبة سايلة يعني تشبة عجينة الكيك
وتترك لمدة ساعة حتى تخمر
3- ثم يصب في صينية قوالب الدونات
وهذي صورتها وتلقونها بمحلات المواعين <<< لا ياشيخة بمحلات السباكة والكهرباء
4- ويوضع في الفرن من تحت وفوق الى ان تشقر
5- واخر شي يرش عليها السكر البودرة او شكولاتة او توفي <<< وينك ياتوفي
ملاحظة :
الكاس المستعمل كاس جبن كبير
بالهناء والعافية

ما شاء الله الاخت ماقصرت،،
موفقه غاليتي،،