الرز مشكلتي

^الاماكن^

14-07-2022 - 01:27 am

بسم الله الرحمن الرحيم
السلام عليكم ورحمة الله وبركاته
ساعوني الله يوفقكم ابغى طبخات للرز مثل الكبسة والبرياني والبخاري والمشخول كل شي اعرف اطبخة الا الرز
وزوجي يمدح اكلي بس يفتقد الرز اللي مو ضابط معاي
ومايبه بصواني وجحركات يبي الرز العادي المعتاد وانا زعلانه من نفسي حتى من الكتب اسويه بس ماادري من ايش المشكله مايضبط
خاطري احد يجي يتغدى عندي وانا اسوى غداي مو طلبات على طول
واتمنى تفدونني ولكم جزيل الشكر

التعليقات (8)

عاشقة الجنه

14-07-2022 - 04:18 am

هلا اختي الاماكن
مافيه داعي تزعلي نفسك الرز سهل جدا بس فيه بعض القواعد
اول شي اختيار نوع الرز الي يحبه زوجك( بسمتي-بشاوري-ابوكاس -الوليمه0000000)
لانو فيه نوع يحتاج تخمريه(تنقعيه بالماء ) ونوع ما يحتاج ينقع
وكمان كمية الماء الي على الرز واهم نقطه تعطيه ووقته يعني تخفضي النار مره عليه وتخليه براحته ينشف كذا يطلع شي خيالي
بالتوفيق اختي

^الاماكن^

14-07-2022 - 05:19 am

الله يجزيك الف خير على ردك ومعلومات مفيدة

موركي

14-07-2022 - 06:20 am

اهلين اختي
انا كنت زيك رزي اشكال والوان وحبه قصير وحبه طويله على كيف كيفك ههه
اما الحين يالله لك الحمد مضبوط والسر طبعا احم احم
مارراح اعلمك
لالالا ولو يالغاليه ابشرري غاليه والطلب رخيص
المهم انا مااستخدم الا رز بشااور باب الهند بصرراحه خررافي هالنووع اول شي حطي مقدار الرز اللي تبين ولالاتغسلينه تكووني غاليه مويه ةتنقعينها فيه نص ساعه وهذا السرر الما المغلي وبعد نص ساعه اخذه واغسله واحطه بالقدر مع حبه ماجي ابيض وعود دارارسين وحبتين مسمار وهيل وحبه فلفل اخضر وملعقه ما كاادي وشووي زيت او زبده لانه يشررب الزيت مره وجطي عليه مويه بس مجررد ماتغطيه مقدار بسيط يعني بس لانه مايحتااج مويه كثيرره لانك منقعته قبل بمويه حارره ومجررد مايغلي غلووه وحده وتبدى تنشف المويه حطي عليه الكشنه وغطيه على نار هاديه لما التقديم وبالعافيه يالغاليه

^الاماكن^

14-07-2022 - 07:21 am

الله يعطيك العافية على هالنصيحة الحلوة و اول مرة اسمع بهالفكرة بس جد اعجبتني
كلك ذوق

انثى عطرها المطر

14-07-2022 - 08:22 am

انا بعد رزي بايخ

red-rose-woman

14-07-2022 - 09:23 am

عزيزتي انا بعمل الكبسة حلوة
وهعرض الطريقة قريبا في المنتدي
تابعيني

ســــ الاميره ــــــــمو

14-07-2022 - 10:24 am

حبيبتي اهم شي تنقعين الرز قبل ماتطبخينه بثلث ساعه
وكمان المويه اللي تحطينها على الرز لما تطبخينه لازم تكون فوق الرز ب 1سم او 2سم ومو اكثر من كذا هذا اذا تبغينه نثري وكل حبه لحالها...
واي استفسار حبيبتي انا حاضره..
وهذي طريقتي في الكابلي
http://alfrasha.maktoob.com/alfrasha29/thread1143163/
تقبلي مروري...

^الاماكن^

14-07-2022 - 11:25 am

ياحياتي تسلمون على ردودكم وعساكم على القوة

صينيه بطاطس لذيذه←
عشاء رومانسي شئ خطير وبالصور لايفوتكم→