السمك المشوي بالدفن تحت الجمر مع الصور

ام خالد وعلي

20-02-2022 - 01:25 pm

السلام عليكم ورحمة الله وبركاتة
صبحكم أو مساكم الله بالخير
طبعا الطبخه من تصويري وأعداد زوجي
قبل كم يوم طلع مع ربعه على كورنيش الدمام وكان شاري سمكه أسمها ( شعم) 2كيلو
ب 20 ريال وهي حلوه شوي وقلي هذا النوع من السمك أنصحكم فيه
أسم الطبخه أو الشويه
مدفون شعم تحت الجمر
البدايه كانت من البيت وطريقة تجهيزه مع الصور
البدايه الدكتور بوخالد
طريقة قطعه من النصف فى السوق تطلبه تقول مفتوح
بعد وضع الملح التتبيل بالبهار ( بزار) من البطن والضهر
ثوم ..فليفله .... بصل ... قليل من الزبادي....بهار بسيط.... عصر عليهم نصف ليمونه

التعليقات (8)

ام خالد وعلي

20-02-2022 - 03:44 pm

وضع الخلطه السابقه فى بطن الشعم الي هي السمكه
وضع قطع الليمون
نثر البصل والفليفله على القصدير على شان مايحترق الضهر أثناء الشوي
وضع السمكه بحنيه لو سمحتو
لف القصدير
ألى ان يصل الى
يتبع

ام خالد وعلي

20-02-2022 - 04:45 pm

ألى ان يصل الى هذا الاحكام
بعد الحفره الصغيره تم وضعه ثم الدفن بالجمر
بعض الصور الجانبيه
حس ان النار قلت زدها حطب
دقت الساعه والموعد حضر والتجهيز للهجوم
جهز أبشركم السواد الي فوق هذا فقط غطاء حق الي تحت الليمون والبصل
أختكم أم خالد وعلي

nise rose

20-02-2022 - 05:46 pm

واو يمي يمي
تسلم يدك ويد زوجك عالطبخة الرائعة والصور الأروع
اموت في السمك وزوجي يحب يسوي هالطبخات
يبغالي اوريه إيها بكرة

جـــــــورية الكـــــويت

20-02-2022 - 07:48 pm

تسلم ايدج
على الوصفه الرائعه
بارك الله فيك
اختج
جورية الكويت

الواان الخريف

20-02-2022 - 08:49 pm

ماشاء الله لاقوة الا بالله وش هالزين كله
يمي يمي سمك ومشوي بعد
بالعافيه على قلوبكم .. ودي اجربه مره احسه فعلا لذيذ

ام الوسي

20-02-2022 - 09:50 pm

واو شكلة لذيذ موت
كان أرسلتي لنا نذوق طبخكم الحلو
ومشكورة على المجهود واضح أنك تعبتي