الصوره تتكلم علي الحلى وعليكم القهوه

سويت لكم طبق من افضل الحلويات العربيه الاصيله
بما اني اجيد عمله واتقنه واتباهى فيه خ ...
تفضلوا وقولوا لي رايكم..؟؟!!!
انه مقرمش
والسر في راس القمع وحجمه لانه مشرشر بقوه
واي سؤال انا حاضره
الطريقه
الطريقه كالآتي
2 كاس ماء او اكثر بقليل
2 ملعقه حليب كبيره
شوية ملح
نصف كاس زيت
نحطها على النار
اثناء الغليان نحط عليها 2 كاس دقيق عاديحق الخبازين
ونحرك بسرعه دقيقه تقريبا على نار هاديه
نبرد العجينه
بعدين نحطها في العجانه او باليد>>>بس متعبه باليد
ونحط عليها بيضه ..ونشغل العجانه ونخلط لين تختفي البيضه
نحط البيضه الثانيه ونفس الشي نعجن لين تختفي ونكمل البيض كله طبعا 6 بيضات كبيره
نضيف ملعقة خل وفانيليا عشان ريحة البيض
اذا انعجنت زين وصارت ملساء ..نحطها في الكيس الخاص مثل الموجود في توقيعي
نحمي زيت غزير مثل زيت اللقيمات
طبعا الحراره وسط عشان تاخذ وقت بالانتفاخ وتستوي من جوا
نضغط بالكيس ونقط العجينه باصبع مزيت...ونزليه في الزيت
لا تحركين بلح الشام الا اذا اصفر تحريك خفيف عشان ما يتقطع ويخرب فقط هزي القدر
خليه يطول على النار لين يصير غامق نوعاما
شيليه على ورق
تكونين مجهزه شيره عسليه ثقيله مثل العسل عشان ما تعجن وتصير مقرمشه
ذوبي قطعه صغيره زبده واخلطيها مع الشيره
صبي الشيره على بلح الشام في اناء كبير شوي وحركي برفق جدا حتى تختلط الشيره تماما
حطيه في صحن ورشي فستق للزينه
وبالعافيه
ملاحظه..
لا تغطينه ابد عشان ما يلين