العيش باللحم ممكن مساعدتكم

عروس نوفمبر

05-10-2022 - 06:54 am

السلام عليكم ورحمة اللة وبركاتة
اخواتي ما ادري من وين ابتدى لكم معاناتي مع المعجنات خاصتا الصواني منا يعني ما تنفش تكون دسمة مرة ....
غير كذا حماتي تعطيني الوصفة وتكون ناقصة واللة لايوريكم على الطعم وجوزي يبهدلني الين من جد كرهت المطبخ
وانا بصراحة اموت اموت على العيش باللحم وكل ما اسالها طبعا تعطيني الوصفة غلط
وتطلع يابسة واللحمة المفرومة ما تمسك في العجينة ...مدري كيف اسويها وجوزي مصمم الا اتعلم كيف عشان يحبة
تكفون تكفون ساعدوني وقولولي ايش اسوي من جد انا ورطانة ...

التعليقات (2)

^زهرة القمر^

05-10-2022 - 09:21 am

وعليكم السلام ورحمة الله وبركاته
شوفي بالنسبه للعجينة ضروري انك تولعي على الفرن قبل ما تحطي الصينية بربع ساعه او اكثر قبل ما تبدأي تحشي العجين ولعي الفرن والحراره تكون حدود 300- درجه فهرنهايت
و هادي طريقتنا في العيش باللحم ان شاء الله تعجبك وتعجب زوجك
العجينة:
2كاسات دقيق
ملعقه كبيره خميره
بهارات المعمول يعني حدود ملعقه صغيره لا تكثري
وزيت كاسه صغيره
ينخلطو مع بعض
نسيبها تخمر
الحشوة:
اللحم المفروم ينطبخ زي السمبوسه
(بصل مفروم خشن يتكشن الين ما يذبل بعدين اللحمه لا قربت تستوي حطي بهارات (كمون وفلفل اسود وملح وكزبرة ناشفه ) وشويه شبت مفروم طازة او مجمد )
كراث حزمه قطعيه صغير
وطحينه سويها زي الطحينه العاديه( موية وخل شويه وملح وفلفل اسود وكمون )
ونخلط في زبديه اللحم بعد ما يستوي و كراث والطحينه
رشة بسيطه ملح وفلفل اسود
تفردي العجينة في الصينيه ونحطي الحشوه عليها بس لا توصلي للاطراف
وبعدين نجيب بيضة مخفوقه وترشي شويه فوق الحشوة وفي الاطراف عشان تحمر
تدخل الفرن الين ما تستوي وحمريها شويه من فوق
وبالهناء والعافيه
ان شاء الله تزبط معاكي
دعواتك

ياقوته1980

05-10-2022 - 10:22 am

اب

مكرونه سريعه والطعم خيال←
فطيره لذيذه بالصور→