الفزعه يابنات يوجد نفره رفله بالداخل

السلام عليكم ورحمة الله وبركاته
شلونكم؟
بنات -> بدون مقدمات
تخيلو ماأعرف أطبخ أبد أبد أبد
حتى البيض وربي ماأعرف أصلحه
وأنا ماأبي ببيتي أجيب خدامه أو طباخه أبي أتحكم ببيتي وأمسكه لحالي من غير خدم
أكره الخدامات وماأبي أسكنهم بيتي أبد وأساسا أستغفر الله أقرف أكل من الخدامات

• -> فهمتو وش أقصد؟!

المشكله منب عارفه من وين أبدأ ولا شلون أتعلم أطبخ
أبيكم تعلموني
يعني لو كل مره / بنيه تعلمني طبخه وحده تعرفه أكون شاكره لها
وأنا لأني طالبه وكذا ياليت تكون طبخات سهله ومايبليه وقت طويل وحلوه في نفس الوقت
يعني مثلا باستا وكذا فهمتوني
هذا كان أولا
ثانيا : أنا خطيبي قصيمي أوك
أنا بعد قصيميه بس يعني موب قصيميه -> بالله شلون تجي ذي
يعني مو ساكنه بالقصيم وماأعرف وش الأكلات اللي يحبونها القصمان
يعني الطبخات القصيميه وكذا
عشان كذا أبي القصيميات يعلموني طبخات قصيميه أتعلمها
وأهم طبختين أبيكم تعلموني إياها هي الجريش + المرقوق القصيمي على أصوله
أبي هالطبختين اللي فوق قصيميه بحته مثل ماياكلونها القصمان بالظبط

• -> فهمتو وش أقصد؟!

ثالثا : أنا خطيبي يحب الربيان طيب؟
مع إني ماأكله وأخاف من شكله بس أبيكم تعلموني وصفات حلوه للربيان
عشان أسوي سنعه قدامه بالطبخ

• -> فهمتوني ؟!

رابعا : أبي وصفات حلا
بس ياليت تكون حلا من غير فرن لأني أفضل الحلا اللي يكون بالثلاجه لأني أحسه أحلا وأسهل
إيه يابنات تذكرت شي أنا قد جربت أسوي حلا وكان به دريم ويب
طلع لونه أصفر
مدري ليش فأول شي أبيكم تعلموني أسوي دريم ويب لونه أبيض ويفتح النفس
وبنات نفسي أسوي تشيز كيك أوريو ياليت اللي تعرف شلون تعلمني
خامسا : والأهم أنا معرف أسوي القهوه العربيه ( أو القهوه المره)
اللي يكون فيها هيل فهمتو وش اللي أقصده؟
ماأعرف أسويها أبد وتعرفون عيب لازم أتعلمها مايصير يجوني ضيوف وماأعرف أصلحها
تكفون علموني طريقتها
ولو في طريقه خاص بالقصمان ياليت تعلموني عليها
لأن حنا قصمان يعني
وبس
أدري ثقلت عليكم بس مالي غيركم
وماأبيكم تتعبون أنفسكم يعني إذا مشغولين أو شي مو لازم تردون
واللي تبي تساعدني بس تساعدني بشي واحد عشان ماتتعب نفسها معي
وياليت يكون الشرح بالتفصيل الممل لأني وربي ماأعرف بالطبخ أبد أبد
شعارنا : يدا بيد حتى أصبح قرمه بدلا من رفله
ومع السلامه ياحلوات
لكل من مر هنا