الكريمه تدخل والبخيله لاتوطوط

قرصان شو قصدك؟؟
فطاير يعني؟؟
والله ما فهمت عليكي

شوفي القرصان طريقته سهلة مرة اول شي شوي لك مرق بالطريقة العادية حطي الخضار الموجودة بالبيت (بطاطس كوسة بازلاء قرع) بعد ماتستوي وتكون مويتها زايدة شوي مو كثير قطعي بصل بعد يكون كثير تقطيع صغار مو فرم بعدين احمسيةبزيت وشويةسمن وفنجال سكر لحد ما يلين شوي البصل بعدين حطي معه ليمون اسود مطحون ملعقةكبيرة او زيادة شوي بعد كذا جيبي الصينية الي راح تسوينه فيها وحطي تقريبا5 ملاعق من موية المرق بعدين القرصان امسكية وقطعية 5 اجزاء وحطي بالصينية لحد ما يغطي قاع الصينية بعدين حطي بصل تقريبا ملعقتين وزعية على جميع القرصان اهم شي يتوزع مويصير كثير بالمرة بعدين حطي علية شويةخضار وزعية بالتساوي ثم شوي مرق ثم حطي قرصان مرة ثانية لحد ما تشوفين انه يكفي اتوقع 6طبقات تكفي لشخصين واخر شي حطي البصل فوق والسمن بتوزيع متساوي وباقي الخضار حطيه بطريقةمرتبة بعدين سقيةمرق بس بدون خضار وغطية ودخلية الفرن وخلية 30 دقيقة على نار هادية بعدين وخري الغطاء وخلية خمس دقائق ثم قدمية بصحون وبالعافية اتمنى اني اكون افدتك بعد الاطالة

مشكوره حبيبتي الله يجزاك الجنه والله ماقصرتي يالعسل
وان شاء الله بسويهاا
بصراحه انا فاشله في الاكلات الشعبيه
وماعليش انا طماعه شوي ابي طريقه المرقوق بليز
ابيها بالتفصيل خطوه خطوه
استناكم اوك

ماعندي فكره ان شاالله البنات يفيدونك

ههه
تبين طريقته مني عز الله فلحتي اتمنى البنات يفيدونك
للرفع

تعملين العجينه باالطريقه المعتاده..
ماء وشوي ملح ودقيق بر
وكوريها صغار مثل الصوره
بعدين قطعي بصل واحمسيه مع زيت
وحطي لحمتك وبهريها وحطي طماطم مقطع ومااجي وصلصه
واذا تسبكت مضبوط ,,,صبي ماء حار وخليها تغلي غلوه وحده
بعدين افردي العجينه مثل الصور او بيدك مثل ماتسويه امي وامك
وحطيها با القدر
اذا خلصتي قصري على النار مره
وخليه يطبخ ساعه
بعدين حطي فاصوليا او جزر اللي تشتهينه من الخضره حطيها
والأفضل هو((القرع))
يعطي طعم خيال

تسسلمين مشكوره الله يجزاك الجنه
وتسلمين على الشرح والصور