الكوكيز بالمكسرات والشوكلاته وبالصور بعد

1. وصفة الكوكيز بالمكسرات والشوكلاته .... يم يم يم


2. ملاحظات:


3. رشة فانيلا - رشة ملح


4. الطريقة:

مثل ما وعدتكم من اول كل ما وصلت لي وصفه حلوه عن طريق الايميل راح انقلها لكم .. وهذا انا اليوم انقل لكم

وصفة الكوكيز بالمكسرات والشوكلاته .... يم يم يم

ملاحظات:

• اذا ماعندك ماكينة كينوود مثل اللي بالصوره استبدليها بماكينة ثانيه
• كل مازادت مدة خلط السكر والزبده كل ما كانت النتائج ممتازه للكوكيز او البسكويت
• تقدرين تضيفين اي نوع مكسرات او فواكه مجففه بدل الشوكولاته
• حطي بالك على البسكويت بالفرن لانه بسرعه ياخذ لون ويمكن يحترق اذا كان الفرن حامي
• لازم كل المقادير تكون بدرجة حرارةة الغرفه.

المقادير:
1 كوب سمنه نباتيه / او ممكن استبدالها بزبده - بدرجة حرارة الغرفه
نص كوب زبده - بدرجة حرارة الغرفه
1 وربع كوب سكر عادي ابيض
1 وربع كوب سكر اسمر - اذا ما عندك حطي ابيض
2 بيضه - بدرجة حرارة الغرفه
4 أكواب طحين منخول
2 كوب شوكولاته قطع صغيره
1 كوب جوز مقطع او اي نوع تفضلين ويفضل تكون محمصه
2 ملعقه صغيره باكينج صودا

رشة فانيلا - رشة ملح

الطريقة:

• نخلط نوعين السكر والزبد في الخلاط ونخلط الى ان يكون مثل الكريمه ومثل ما هو بالصوره - وطبعا السر اللي يخلي الكوكيز يابس من بره وطري من الداخل هو مدة خلط السكر والزبد.
• بعد ما صار الخليط مثل الكريمه الجامده نضيف البيض وحده مرى وحده ونخلط على درجه بطيئة
• بعدين نضيف الطحين والبكاينج صودا المنخوله بالتدريج واحنا مستمرين بالخلط
• وبعد ما نضيف كل المقادير ونخلط ونتأكد ان كل شي اندمج نضيف المكسرات وقطع الشوكولاته ونخلط شويه بعدها نوقف العجن لان كل مازاد مدة العجن تذوب العجينه لانه الزبدة تبدا تتفكك ( فلا تكثرون مدة العجن بالماكينة أكثر من اللازم)

اللي ما عندها مثل الماكينه اللي بالصوره يفضل انها تخلط المكسرات والشوكلاته مع العجينة بواسطة اليد لانه يكون افضل.

• نغرف بالملعقه باي حجم تفضلين ونحطه بصينية الفرن ( غير مدهونه ) ويفضل تحطين تحتها ورق الزبده او ورق الالمونيوم ، ولا تنسين فراغات بين حبات الكوكيز لانها راح تتمدد بالفرن
• نحطها بالفرن مدة 10 - 15 دقيقه على حرارة متوسطه

اما الزينه فانتي وذوقك اما تخلينها ساده - او تزينينها بخطوط الكاكاو المذوب او ترشين على الوجه سكر ناعم
عوافي
.