الكويتي والسعودي

1. و بعد مارجع البواب عطى الكويتي فضله عشى السعودي

كان فيه كويتي وسعودي زملاء يدرسون في بريطانيا وبعد إنتهاء فترة الدراسه قرروا يرجعون لأهلهم فقال الكويتي للسعودي قبل ما تروح للسعوديه تعال معي للكويت و بعدها رح للسعوديه فوافق السعودي وهم في الطيارة رايحين للكويت دق أخو الكويتي من الكويت وقال لأخوه ان جدتي توفت
فقال الكويتي لأخوه أنا معي زميلي من السعوديه وعازمه فلا تقولون له شي حتى ما يضيق صدرة ولا أحرجه نصلي على الجنازة وكنها لأحد من جماعتنا لما وصلوا على الجنازة وقعد السعودي له مدة في الكويت أعجب ببنت جيران الكويتي و قال لزميله أني ودي أتزوجها فرح الكويتي وقال أنا مستعد أخطبها لك و فعلا خطبها له وخبر السعودي أهله وسوو الزواج ورجع السعودي لديرته وبعد مدة طويله كبرة تجارة السعودي وطلع تاجر وغني والكويتي خسر كل أمواله وتجارته فقال مالي إلا أروح لصديقي السعودي أكيد بيساعدني وفعلا راح للسعوديه وهو منتظر شوفه زميله بفارغ الصبر لما سال عنه ووصل لبيته صار مو بيت صار ساكن في قصر وتاجر وكان الوقت متأخر فقال للبواب قل لراعي البيت أن زميلك من الكويت فلان بن فلان عند الباب وأنه محتاجك مرة مرة وأن حالته كذا وكذا

و بعد مارجع البواب عطى الكويتي فضله عشى السعودي

تخيلوافضاق صدر الكويتي وقال هذا جزاء الصداقه المهم وهو راجع رجليه في الطريق لقى رجالين ْ( من رجال الاعمال )ْ يتراهنون على مليون اللي بيجيهم الأول بيعطونه المليون وكان من حظ الكويتي انه هو اللي جاهم الأول وأخذ المليون و تاجر بها في السعوديه وقبل ما يرجع للكويت لقى عجوز معاها بنت وقالت له
العجوز أبي أخلي البنت عندك وأروح أحج إذا مارجعت تزوجها وخلها عندك ولما طولت العجوز عقب الحج أتزوجها وسوا حفله الزواج بالكويت وفي أثناء الزواج وكان من ضمن المدعوين زميله السعودي
لما شافه الكويتي غضب وقال للحضور أطردوة هذا خاين العشرة والصداقه تخيلوا أنه لما جا معي للكويت
وكانت جدتي ميته ما علمته عشان مايضيق صدرة على وخطبتله بنت الجيران إللي كانت في الأساس خطيبتي وفضلته على نفسي ولما جيته محتاج عطاني فضله عشاهتدرون وش قال السعودي . . . . ؟ ؟ ؟ ؟
قال أسمعوا وأحكموا علي . . . أنا يوم جاني الكويتي وهو محتاج ماحبيت أشوفه على حالته هذي عقب ماكان تاجر وكبير أشوفه صغير ومحتاج وأتفضل عليه بشي من عندي عشان كذا عطيته فضله عشاي
وبالنسبه للتاجرين إللي متراهنين على مليون هذولي أخواني أنا مروحهم له عشان يفكون ضيقته
أما با النسبه للعجوز إللي معاها البنت فهاذي أمي والبنت هذي طبعا أختي
وش رايك ما أحضر زواج أختي ؟