الله يفتحلها ابواب الرزق الي ترد علي

ماعندي علم عزيزتي
ان شاء الله الفراشات يفيدونك
رفع

مرحبا فديتج
إنتي أولا يحتاج لج تنقصين 50 كيلو على الأقل
يعني ركزي معاي
إنتي تقدرين تنقصين هذا الوزن بطريقة صحية بس مو وايد بالشهر .. لكن أظن صحتج وايد تهمج
بأول شهر بتنقصين حوالي 8 كيلو أو يمكن أكثر .. حسب تقبل جسمج للنظام الغذائي
المهم .. رتبي أكلج .. وطريقتج صح إنج تاخذين 1200 سعرة جذي حلو بس المهم والأهم هو نوع الطعام
القاعدة تقول أنت نتاج ما تأكل
يعني إنتي خللي نظامج 40% كربوهيدرات و 50 % بروتينات و 10 % دهون
يعني الدهون قليلة وتكون طبيعية .. تجديها في المكسرات وزيت الزيتون بس لا تكثرين منه
المهم تركزين على البروتينات والخضروات والفواكه .. مثلا الخضروات والفواكه كافة الأنواع بس اللس فيها نسبة سكر عالية لا تكثرين منها .. مكسرات وبياض بيض مطبوخ وصدور دجاج وتونة بدون زيت (تقدري تغسلين التونة المحفوظة بالزيت بالماي عشان تروح الدهون) وسمك مشوي ومرتديلا وألبان وأجبان قليلة أو خللية الدسم
ومن الكربوهيدرات اللي بتفيدج هي الشوفان والخبز الأسمر والرز الأسمر والبطاطا المسلوقة والبطاطا الحلوة (الفندال) طبعا بدون أملاح وسكريات
والحين نجي للرياضة اللي بتساعدج كثير لتنقصين وزنج وتشيلين الترهلات
حطي في بالج إنج بعد إنقاص الوزن بتجيك ترهلات بس تقدرين تتفادينها بالرياضة بس مو 100% المساألة مسألة وقت ألين يرجع جسمج كأنج من أول رشيقة
الرياضة الهوائية مثل المشي والهرولة والسيكل والسباحة 5 مرات أسبوعيا 30-60 دقيقة
التمارين السويدية تقوي عضلاتج وتقدرين تلاقيها بس اكتبي في جوجل تمارين سويدية وبتطلع لج .. وهذي من التمارين اللي تشد الجسم بعد
وعندج تمارين القوة بإستخدام أوزان خفيفة مثلا 1 أو 2 كيلو وتكرارات عالية وهذي درجة أولى تشد الجسم
وهذا اللي أعرفه الحين .. بس ملاحظة .. ترا جسمج نتيجة أكلج .. لو كثرتي دهون بتطلع لج زوائد مالها أول ولا آخر وصعب تتخلصين منها
لو سويتي مثل ما خبرتج جسمج بيطلع مشدود ومتناسق .. أي إستفسار أنا بالخدمة
وعلى فكرة نصائحي هي عن كلام خبراء ومدربين وتجربة
أنا كان وزني 103 سابقا ونقصته جذي 30 كيلو ولا زلت أنقصه وأتحكم فيه
كلما شديتي حيلج بالتمارين والغذاء الصحي ترا النتائج بتجي أسرع وأحسن
بأول شهر بتخسرين وايد بس بباقي الشهور بتقل النسبة