اللي تعرف تسوي جدول لقروبي الله يعطيها حتى يرضيها تدخل

أنا أعلمك كيفانا اسويها بالبوربوينت ماأعرف للفوتوشوب
شوفي اللي في توقيعي هادي انا سويتها بالبوربوينت
...
...
أول شيء ادخلي جوجل واختااري صوره
اكتبي خلفيات بي بي تطلع لك صور حلوه
واذا كنتي تبي خلفياات داايت اكتبي diet
المهم بعد ماتختاري كيف احفظي الصوره على جهاازك
بعدين افتحي البوربوينت وارجعي للصوره كليك باليسار عليها
اختاري نسخ بعدين روحي للبور واضغطي عالشريحه كليك باليسار اختاري
لصق
بعدين روحي لعند ادراج حتلاقيها فوق جنب الملف ....الخ
واختاري جدول بيطلب منك كم صف وكم عموود شوفي انتي كم بنت واحسبي
وبعدها اضغطي اوكي بيحط لك الجدول في الصوره وبعدين في كل مربع سوي مربع نص
برضو من ادراج مربع نص واكتبي جوته بس
...
...
بعد ماسويتي الجدول
اضغطي مع بعض
fn + print screen
اول اف ان بعدين وانتي ضاغطه على الف ان اضغطي برينت سكرين
بدون ماتشيلي اصباعك
بعدين روحي للرسام واضغطي ctrl+v
حتلاقي صورة الشاشه بالكامل جاتك
سوي اقتصاص للجدول بس عااد اقتصاص ماأدري من فين اقوولك
لانو يختلف من اصداار للثاني بس انتي فرفري في الرساام وحتلااقي الأيقونه
كيف تسوي الاقتصاص؟
بعد ماتضغطي على الايقوونه المؤشر حق الفاره بيسير شكل زائد فانتي حددي الجدول وبعدين
كليك باليسار قص وبعدين افتحي رسام جديد واضغطي كليك باليسار لصق او ctrl+v
وبعدها أحفظي الصوره على سطح المكتب
... ...
وبعدين تعالي هنا
ومن فووق في المنتدى حتلاقي كلمة رفع الصور
اضغطي عليها
بعدين حتلاقي مستطيل طويل وجنبه كلمة فتح الملف اضغطي عليه
وروحي لمكان الصوره حقك واضغطي عليها وبعدين اضغطي رفع او تحميل ناسيه
تكون من تحت لحالها بعدين حيجيكي رابط طويل انسخيه (تحدييه وبعدين كليك باليسار نسخ )
تعالي هنا لموضوعك عند ايقونة ادراج صوره (مربع صغير مرسوم عليه شجره ) اضغطي عليه
وسوي لصق للرابط واضغطي اوكي وحتلاقي الصوره وبس
ان شاء الله كلامي يكون واضح
أنا ممكن انا اسوي لك هو ماعندي مانع
بس الأفضل تتعلمي كيف حلو الواحد لما يتعلم مو حلو لما يبغى كل شيء يكون جاهز
وكمان عشان اكيد حتغيري كل مره في الجدول وتحطي اوزان البنات الجديده
فأفضل تكوني عارفه الطريقه
ولو في اي لخبطه ساارت لك قولي لي وانا اجااوبك