اللي تعرف تسوي رز مثل رز المطاعم واللي تعرف السرتدخل

حبيبتي رز المطاعم النكهه الرائعه الي فيه من الهيل والعويدي والقرفه جربيها روعه مره أنا مجربتها وبالنسبه للألوان تلقين الملونات هذي حقت الأطعمه في المحلات وبالنسبه يوم يكون مافيه زيت وناشف انا كنت اعاني من الزيت وسألت وحده رزها ماشاء الله مافيه زيت وناشف قالتلي انا أعلي عليه النار ألين مايقرب يخلص قبل ما يخلص ب8 دقائق أقصر عليه والحمدلله من بعدها رزي شي رهيب جربي ماراح تندمين

كل الشكر لكِ
يعطيكِ العافيه

هلا عزيزتي
في المطاعم يستخدموا الزعفران والهيل ونوعيه
من البزارات علشان كذا نكهتها تجي وحده
اما على لون العيش ففي صبغات للعيش
بلون الليمون بلون المانجو تسوي بس لوون
من غير طعم وتحصليها بالشوق عزيزتي

طيب انا معكم بس نكهه الهيل والعويدي والقرفه ما تبان برايكم احطه بالزيت قبل البصل؟؟؟طيب الصبغه وفهمت احط على وجه الارز وهو بالقدرنص لون برتقالي ونص لون أصفر طبعا بنهايه طبخ الارز وعند التقديم اخلطه زين ويعطيكم العافيه..بس انا شفت مره حبات كمون صحيحه كأنها محمصه مع الارز ومره ذقت رز ما ادري من اي مطعم بصراحه بس كانت فوقه قطع بصل مو مستويه مره يعني فيها قرمشه وفيها نكهه تطير العقل المشكله ان البصل ما عليه اي نوع من البهارات يعني السر هو بنوع بهار صحيح مو بودره <<<<<<<<<<<<<المحقق كونان على غفله
بس والله قهر من زمان وانا ابحث وما حصلت جواب شافي وزوجي يرفض يسأل ويقول اساسا يصير زحمه كيف بسأله..الا صدق وين حريم اصحاب المطاعم مايطلعون لنا السر والا ما يبون يخسرون أزواجهم؟؟؟؟؟

عزيزتي اولا مبارك عليك الشهر ولو انها متاخره ثانياانا معاك النكهه في اكل المطاعم شي غريب لهالسبب نموت على اكل المطاعم شوفي حبيبتي انا شخصيا انقع الرز وبعدين افور الماى والملح وكم حبة هيل وكم عود قرفه وكم حبةمسمار وبعد مايفور صفي الرز وحطيه على الماى لين ما يستوي الرزصفيه وحطيه في القدر بدون اضافة زيت ولازم تكون النار خفيفه وبعدين حطي ملعقة سمنة فارم وزعفران وحركيهم مع بعض وصبيه فوق الرز لانها تعطي نكهة لذيذه ورشي على وجه الرز(كمون وكزبره وقرفه وهيل ) اطحنيهم ناعم جدا وحطي بمقدار ملعقه وسط على وجه الرز وغطيه وخليه على نار هاديه لين ما يبدا يطلع بخار اذا كشفتي الغطاء واصلا راح تبين ريحته ولما تجين تحطينه فالصحن قلبيه بشوكة الرز الي اسنانها بعديده عن بعض وبالعافيه واي شي تامرين عليه انا حاضره قبل الله صيامكم وطاعاتكم

هلا والله بtamtam شخبارك ومبارك عليك الشهر وينك ؟؟؟؟؟؟؟؟؟؟؟؟؟؟؟؟؟؟؟؟من زمان عنك ....
راح اجرب طريقتك قريبا....جزاك الله خير.

أب

لايفوتكم الرابط اللى في توقيعي
الطلب من الموقع
موفقين

السر في اكل المطاعم وخصوصا في الكبسه البهارات العدلة وموية الكادي والخوانجان تلاقينه عند العطارين اعود