اللي عندها عيال ولا عندها شغاله

وش هالتحطيم شدعو 24 وحده دخلت ولا وحده ردت ؟؟؟؟؟

انا مثل حالتك وانتظر الردود

انا برأي شوية تنظيم بالوقت كل شي يصير والله انا كذا عاملة ولله الحمد كل شي تمام

شوفي ياقلبي انا مو متزوجه بس اشوف زوجة اخوي ماعندها شغاله صح تعب بس حاطه اولويات
اولا حطي في بالك مايكون البيت اربعه وعشرين ساعه نظيف يعني توقعي لازم البيت يكون فيه شوية حوسه ولو كانت قليله
ثاني شي ابدي ترتيب البيت وتنظيفه والغسيل من الصباح بعدين تقدرين تقسمين شغل بيتك الي ايام يعني مو لازم كل شي تخلصينه بيوم واحد مثلا:
الغسيل اقسميه على يومين حتى لو كميات قليله اولا عشان ماتتعبين وثاني شي عشان يكون عندك وقت لااشغل ثانيه ، نفس الشي الكوي على يومين اما الغسيل من مواعين وطبخ لا هذي لها اولويه
ثالث شي حتى الطبخ في اشياء تقدرين تسوينها ليومين يعني تساعدين روحك فيها بصراحه مادري وشي بس اكيد تعرفينها انتي من انواع الطبخ
غير كذا عيالك يصحون بدري فطريهم عقب مايطلع زوجك ولا تصحينهم الا اذا طلع عشان الازعاج من الصبح بيقولك شوله الصياح من الصبح ،، صح بيزعجونك من الصبح وبتقولين مالي خلقهم من الصبح بس لا ميخالف تحمليهم الصبح عشان بليل تنبسطين انتي وزوجك ههه من غير ازعاج
وغير كذا غديهم قبل لايجي زوجك عشان تنضفين عقبهم وتنظفين عيالك ولما يجي زوجك يشوف البيت نظيف وعيالكم حلوين ونظاف وانتي وياه تتغدون على رواق وعيالك يلعبون من غير ماتشيلين هم التنظيف عقب الغدا
رابع شي اطفالك عوديهم ينامون بدري منها تحافظين على نظافة البيت قبل لايجي زوجك ومنها يكون في وقت تجهزين نفسك له تتكشخين وتتزينين،،، وبعدين فايدة عدم وجود الشغاله تقدرين تلبسين الي تبين بلبيت خصوصا اذا عيالك صغار يعني من الصبح تكشخي لزوجك ههه محد بيشوفك غيره ههه
صح بالتحسين بتعب من الصبح وانتي تشتغلين بس والله احسن مليون مره من وجود الشغاله خصوصا زوجك مايبيها يعني والله هو صادق انا عن نفسي ماواطن الشغالات والله اريح نفسيا صح تعب جسدي لك بس راحه نفسيه اكثر ,, اتممنى قدرت افيد ولو بشي بسيط ولا ابي منك الا الدعاء لي بالزوج الصالح عاجلا يارب .. موفقه انتي وزوجك وعيالك يارب

والله ما قصرت الانسه الصغيره انا راي من رايها

مراحب بنات
يسلمو اختى عالموضوع الحلو
وانا بعد انضم لكم بيت واطفال بدون شغاله
صراحة كل شى يخلص الا الشغل مايخلص
انا انوم عيالى بدرى عا 9 ويهدى البيت واشتغل على رواق انظف ويضل البيت نظيف للصباح يرحون للمدرسه ارجع انا ساعتين اقوم ارتب الغرف
واجهز الغداء ويكون عندى وقت لتصفح النت
واذا كنت فاضيه اجهز اكل للفريزر مثل سمبوسه وكبه ورق عنب وسبرنج رول
عشان لوجاء ضيوف فجاءة .
يوم بعد يوم الغسيل
الكوى مرتين بالاسبوع والحمدلله النظام هذا مريحنى كثير

أنا بعد رغم أني أنظم وقتي بس الشغل مايخلص ودايم أشيل هم البيت ونظافته ماصدق ألاقي وقت أرتاح فيه وأنام من غير إ زعاج حاسه مهما أنظم مافي فايده .

هلا والله شكرا على التفاعل
ويالانسه الصغيره مشكوره على ردك ياحياتي
1-بس انا عيالي مو بالمدرسه صغار يعني لو اصحيهم الصبح احتاس معهم مااحب اصحيهم بعدين
مااعرف اسوي شيئ ويلاحقوني
2- لازم امسح البيت كل يوم لان تعرفين حوسه العيال الصغار يمشون ويكببون على الار ض الاكل والشرب
3- بالنسبه للغداء انا اغديهم قبل مايجي ابوهم بس برضوا بيجون معنا وبيحوسون
4- انا اغسل كل يومين بس يادوب الحق لان نستهلك ملابس كثيره وتعرفين الغسيل لازم تفصلين الالون
5- لو انومهم بدري قبلنا بساعتين او اكثر بيصحون كأنه العصر
6- انا قد مااقدر انظم بس برضوا في نقص لاني احب كل شيئ يكون توب مااحب البيت يكون وصخ
7- مشكله عيالي تعلقهم الزايد فيني لو ادخل المطبخ وراي يحوسون ينتظروني
8- انا لازم اروح لاهل زوجي يوم وراء يوم لو مااروح بيشرهون وتعرفين اذا بتطلعين يكون تركيزك على الطلعه اكثر
9-اذا بصحى من الصباح بيطيح جسمي من الشغل لازم انام الظهر وطبعا انا مااقدر انام واخلي عيالي لوحدهم ولو بنومهم بيشبعون نوم وماراح يناموا بالليل
مسكينه المتزوجه الكل يبغى منها الاهل يشرهون واهل الزوج يشرهون والزوج والعيال وشغل البيت من جهه ثانيه
وانا في بيت مو شقه صحيح هو دور واحد بس يبغاله وخاصه انه جديد كل شيئ يبغاله عنايه
نظامك هذا اقدر اطبقه اذا دخلت عيالي الروضه ان شاء الله

ابشرك اخت طيوبالكل اعاني من نفس المشكلة وقلت نفس الكلام ودخلوا اثنين الروضة وبقي الصغيرة لكن الحال اردى
اقولك ليه لانهم متعلقين بي مثلك فالظاهر انهم خجولين اول مايدخلوا من الباب يصرخون وكانهم كانوا مساجين ويتكلمون ولازم تسمعين كل واحد يحكي من جه والصغير ينام حتى يجوا وابوهم يجي قبلهم ويناموا كل الوقت اللي احنا صاحيين فيه وويقومواالساعة ثلاث الفجر وهاتك يا شقاوة واحيانا واحد يصحى والثاني ينام وغير كذا تغيير الجو والامراض لكن مااقول الا الله لايحرمنا الاجر وتستمر المعاناة حتى يكبروا ان شاء الله هذي نتيجة عدم التنظيم انصح الاخوات باعطاء ابنها ونفسها وزوجها كفايته من الدلال والحب والحنان اقل شي ثلاث سنوات على ماتولد الثاني يكون الاول عمره اربع سنوات تدخله الروضة وتتفرغ للثاني وهكذاحتى لوكنتي موظفة مراح تحتاجي شغالة تنغص عليك حياتك نصيحة للمستجدات والمقبلات الله يوفق الجميع