المطبخ العراقي

السلام عليكم ورحمة الله وبركاته
حياكم بنات
شخباركم ان شاء الله تكونون بخير وبصحه
حبيت اليوم اطرح أول مواضيعي داخل هذا القسم المميز و إلي راح يكون عن طبخنا العراقي
في وايد يحبون الأكل العراقي و يبون يتعلموه
و في عراقيات تحب تتعلم بعد
أنا طبعاً خبيرة مطبخ أي سؤال أنا بالخدمه إحم إحم
المهم راح أبتدي مشواري بأول طبخه و إلي هيا البرياني
طبعاً كلنا عارفين شنو هو البرياني
وفي كل دوله عربيه يسون البرياني لكن بطرق مختلفه
بس أنا اليوم حابه أعلمكم الطريقه العراقيه
و إن شاء الله تعجبكم
بسم الله..
المقادير..
دجاجه مقطعه إلى عدة أقسام بس تكون كبيرة وطبعا حسب الرغبه إذا كانت كمية الأشخاص أكثر
و يمكن إستبدال الدجاج بلحم الغنم
4_5 حبات بطاطس
حبتين بصل كبار
نص كيلو لوز
كوبين ونص رز بسمتي منقع
ربع كيلو زبيب
ربع كوب سمن نباتي و إذا بغيتي السمن أقل حطي نص ربع الكوب
شعريه حسب الرغبه
نجي للبهار
دارسين , قرفه , كاري , كركم , ملح حسب الرغبه , ملعقتين أكل عصير اليمون الحامض , بهار عود اللحم , فلفل أسود
طريقة العمل..
نجي طبعا أول شي ناخذ واحده من البصلات ونقطعه بس مايكون ناعم و نحط ملعه أكل سمن بالطنجرة و بعد ما يسخن الزيت نصمب فوقه الدجاج و نحمسه شوي لين يتحمر و نضيفله ميه ونتركه ينسلق على راحته
نجي نقشر البطاطا و نقطعها إلى مكعبات صغيرة أو متوسطه حسب الرغبه
و نقليها عادي لكن نحرض على إنه نصفيها
نفس الشي مع البصله الثانيه المتبقيه نفرمها ناعم بالطول و نحمسها ونخليها لين يصير لونها ذهبي
و بعد مايتسوي نحطه فوق البطاطس الي قليناها طبعا بنفس الوعاء
و نفس الشي مع الزبيب مجرد ‘نه تحطيه في الزيت على طول راح يحمر لا تتركيه وايد 10 ثواني الى 15 بس و طلعيه على طول و حطيه فوق الخلطه
اللوز طبعاً قبل كل شي لازم تسلقيه مجرد إنه الميه تبعه تغلي على طول طلعيه و قشريه و إقسميه بالنص و كمان حطيه في الزيت لين يحمر و صبيه فوق الخليط
و الشعريه إحمسيها بالزيت لين تحمر و بعدين صبي فوقها ربع كوب ميه و خليها تستوي على كيفها و نفس الشي بعد ما تستوي طلعيها و فوق الخليط
نجي نحط بهار للخلطه
وطبعا كله يكون حسب الرغبه بس لازم جميع البهار تكون موجودة إلي ذكرتها عشان تعطيك النكهه العراقيه
و تخلطين الخليط كويس لين تتداخل فيه البهارات و حطيه على جنب
الحين نجي للدجاجه راح تلاقي الميه تغلي نفس كمية البهار إلي حطيتيها للخليط حطيها في مية الدجاج و خليها تغلي لين تستوي
بعد ماتستوي الدجاجه الحين جي نسوي الرز
تجيبي طنجرة وتحطي فيها سمن نباتي حسب الرغبه
و تحمسي الرز فيه شويه
و بعدين الميه إلي بدك تحطيها فوق الرز راح تكون نفسها مية الدجاج
بس لا تكثرين ميه مع البسمتي عشان يتعجن
وخليه ينطبخ على نار هاديه
بعد ما يستوي الرز تجيبي صينيه كبيرة وتحطي فيه الرز
وبعدي تحطي فوق وجهه الخليط و بعدين قطع الدجاج
و الميه إلي بقت من من الدجاج ممكن تحطيها في وعاء ثاني للتغميس أو للسكب فوق الرز
و أتمنى تكون شرحي سهل و ايسؤال أنا جاهزة
و بالهنا والشفا