المعمول من مطبخي بالصور

بسم الله الرحمن الرحيم
السلام عليكم ورحمة الله وبركاته
أمس طرى فبالنا المعمول فقامت الوالده الله يحفظها لنا وسوت عجينة احلى منها مافيه
وقمنا معها وكانت زوجة اخوي معنا
"وطبعا الكل ماسك جواله عشان يصور وينزل في المنتدى حقه"
المهم انا كتبت كل هالمقدمه عشان ماتقولون ان موضوعي منقول
لانكم راح تلقونه في منتدى ال.........
يالله نبدا..
المقادير:
بيضة
1 زبدة كبير
م/ص فانيلا
فنجات سكر مطحون بودرة
3/4 ( ثلاث أرباع ) كوب زيت
3 أكواب طحين
3 ملاعق كبيرة حليب بودرة
بهارات المعمول :
يانسون ......... شومر........... مستكة ......... ومحلب
والمستكه ( حسب الرغبة)
هذا محلب
نطحنهم طحن ناعم
الطريقة :
نخلط المواد الجافة مع بعض جيدا مع نصف مقدار البهارات
نضيف الزبدة الذايبة ونفرك الخليط حتى يمتص الطحين كل الزبدة و تدخل فيه
نضيف الزيت و نستمر بالفرك
نضيف البيضة و نستمر بالعجن حتى تصبح العجينة ملساء و متماسكة
نتركها شوي و نروح للتمر :
ممكن تجيبي تمر منزوع النوى جاهز من السوق أو تجهزيه إنتي بالبيت
( نشيل النواة من التمر)
نحط التمر على نار هادية حتى يطرى شوي أنا حطيته على الدفاية
و نضيف شوية زيت زيتون مقدار كاسة شاي و كاسة شاي سمن بلدي
او كاستين من زيت الزيتون واستغني عن السمن او العكس ..
ناخذ نصف بهارات المعمول إللي طحناهم و نرشه على التمر
و يحرك جيدا حتى يصير التمر على شكل عجينة متماسكة و الرائحة و الطعم جنان
نبدأ بتشكيل المعمول :
القوالب ..
ناخذ شوي عجين و نحشيها تمر و نكورها و نضعها بالقالب
( بعد ما ندهنه شوي زيت عشان مايلصق فيه العجين )
وننزلها من القالب و نحطها بصينية الفرن
وسوينا كعك من نفس العجينة
وهذي طريقة لفه
بعدين نسكرها ونلفها بشكل اسطواني ونحطها على بعض
يعني اليمين عاليسار او العكس
تطلع كذا
جانا وقت التدخيل بالفرن،،اهم المراحل تقريبا
لانها تحدد شطارتك..
شغلي الفرن من تحت وخليه يحمي شوي ودخلي الصينيه
واذا تغير لونه للذهبي سكري من تحت وشغلي من فوق ونفس الشي خلي لونهن ذهبي
بيطلع لك كذا
تسالون وش ذا الابيض اللي عليه؟؟
هذا سكر تطحنينه وتشخلينه بشويش
ولا تكثرين.. ولا تحطينه الا بعد مايبرد
طبعا الكعك ماينحط عليه بس المعمول
وعوافي على قلوبكم ....