المكرونه المخبوزه بالصور خطوه خطوه

المكرونه المخبوزه
المقادير:
نصف قالب زبده – 50 غ
5 ملاعق كبيرة طحين
1 ليتر حليب ( والافضل نستخدم كارنيشن)
1 ملعقه صغيره خليط بهارات ( اوريجانو – ذرة هيل – زعتر او روز ماري)
1 ملعقه كبيرة تباسكو – حسب الرغبه
2 كوب خليط اجبان ( تشدر – ايدام – جاك ) وممكن الاكتفاء بنوع واحد
نص كوب من ماء سلق المكرونه
علبة مكرونه
للوجه :
4 حبات توست
4 ملاعق كبيرة زبده
ربع كوب جبنة بارميزان مبشورة
الطريقة:
نسلق المكرونه ونتركها جانبا
نجهز خلطة الوجه ..... في الخلاط نحط التوست والزبده وجبنة البارميزان ونطحنه حتى يصير مثل الصورة
نبشر الاجبان ونتركها على جنب
الحين نجهز البشاميل
نحط الزبده على النار وبعدها نضيف لها الحليب وخلطة البهارات والتباسكو ونحرك على نار متوسطه حتى تبدا تثقل
بعدها نضيف عليها الاجبان ونخلطها ونضيف عليها ماء المكرونه ... وبعد ما يكون الخليط جاهز نضيف عليها المكرونه
نوزع خليط التوست
ندخله الفرن مدة 20 دقيقه
ونقدمه
عوافي