شاورما أقسم باالله طعم خيال وباالصور من مطبخي

صباح الخير حبيباتي انا من زمان مانزلت موضوع بس صدق هاالمثل من طول الغيبات جاب الغنايم انا اليوم جايبه لكم شاورما اما شاورما تأخذ العقل والله أقولها صادقه زوجي منهبل عليها أذا أخذت رأيه أيش تبي غدا قال شاورما أيش تبي عشاء شاورما تقول ماذاق شاورما بحياته بس ماينلام هاذي طعمها غير عن شاورما المطاعم ويكفيكي انك تسويها بيدك يالله نبدا......
حبيباتي انا بحط المقادير اللي انا سويته واللي تبغى تزيد الكميه تزيد المقادير
المقادير/1 صدر دجاج كبير مقطع شرائح+1بصله كبيره مقطعه شرائح+2 فص ثوم مدقوق+3 ملاعق كبيره صلصة صويا حلوه+ رشة ملح وفلفل
الطريقه/ نشوح البصل في قليل من الزيت ونضع له الثوم
وبعد ثواني نضع الدجاج لازم نضع الدجاج قبل يذبل البصل حتى يتشبع باالنكهه
ونضع الصويا والملح والفلفل ونحرك لمدة 5 الى 10 دقائق وبكذا تكون الحشوه جاهزه
وبعدها قومي بتحضير الصوص وهو عباره عن علبة زبادي+ملعقتين طحينيه سايله+عصير نصف ليمونه
+ملعقتين خل+رشة ملح وفلفل
تخلط مع بعض وتترك جانبآ.
ونقلي بطاطس أصابع
ونقطع خيار صغار وطماطم شرايح
وبنجيب الخبز المفرود ونفصله شريحتين ونبدأ ندهن بصوص ونضع الدجاج ثم البطاطس والخيار والطماطم
طبعآ اللي تحب الشطه والكاتشب تقدر تحط مسحه على الخبز وتلفيه في ورق الساندويتش
وتقدميه وباالهنا والعافيه....
تكفون لا تنسون ماأبي منكم شي الا الدعاء بظهر الغيب...
واللي تجربه تقولي رأيها....