النوادي الرياضيه سؤال لبنات البحرين

قلب أم

10-03-2022 - 05:50 am

السلام عليكم ، شحالكم بنات ؟
قررت أني و أختي نسجل في نادي رياضي ، للتنحيف طبعاً و بدل قعدتنا في البيت و عن الملل
فقالت لي عليج تدورين لنا عن نادي
و الطلب معروف D:
بنات البحرين ، اللي تعرف نادي زين و مسجله فيه من قبل تقوول لي عنه
كم ياخدون شهرياً و في وين ، و في مواصلات و الا لا
يعني تقول لي اسم النادي و معلومات عنه و الرقم اذا يوجد
و بليز بليز لا تبخلون علي
لان عرس اختي قريب و اهي مو متحركه على رووحها ، فحابه اساعدها في البحث عن النادي و اسجل معاها للتشجيع
و الله يعطيكم العافيه

التعليقات (3)

كوكتيل عسل

10-03-2022 - 09:27 am

هاي عزيزتي
شوفي أنا جربت 3
الأول : صالون اصيلة للرشاقة والتجميل - بالرفاع
في مدربتين فلبينية وثانية ايرلندية وسجلت عند الثانية و اسمها ساندي
تدريبها عجيب وبتلاحظين انه الجسم بسرعة بينشد
الثاني : إذا ما خاب ظني اسمه مملكة الرشاقة بالرفاع بعد البوكوارة ورا أكبر لاري - عند مدربة اسمها نوال وكان تدريبها روعة وما تحسين بالتعب معاها مع انه تمارينها وايد - لكن حسافة طلعت ويات بدالها صاحبة المحل تدرب وما عجبني تدريبها
الثالث : صالون غزلان - بمدينة حمد وهم تدريب هالمدربة عجيب تدربت عندها بالصيف اللي فات وان شاء الله بإجازة الصيف برد اسجل عندهم اذا كانت موجودة
هذول اللي جربتهم وبالنسبة للمواصلات ماقدر افيدج لأنه عندي سيارتي وما اعتقد انهم يوفرون مواصلات
مودتي

سميرة7

10-03-2022 - 10:28 am

اختي في بعد صالون الوزان تدريباتهم عجيبة

قلب أم

10-03-2022 - 11:29 am

تسلمون ما تقصرين

نفسك تعملى عمليه شد بطن ادخلى وشوفى تجربتى←
لرجيم الصاروخي ينزل 18 22 كيلو في الشهر→