امشآوي مع الرز الأبيض والعدس من مطبخ سموحه

يآهلا بأحلى فرآشآت حيآكم في مووضوعي
من زمآن ودي أحط موضوع بهالقسم القميل بس ماحصل نصيبّ ~~> خطابه
الموهم بعدشد وجذب وطاخن وطيخ مع المواعين خرج هالموضوع بسلام
من بين ركام الصحون والقدور
وشسمه نويت أطبخ مشاوي يومآ ما بما أنه لي فتره من الطبخ بكرف ّ ~~ّ> يعني سلمكم الله ماطبخت بتمعن وطبق متعب لأني كنت يومآ ما عروس
راح أدخل بالموضوع علئ طول بدون مقدمات ّ ~~ّ> والثرثره اللي قبل وش تسمينها
كلنآ نحب الدجاج وتقريبآ أغلبنا غداهم لازم وحتمآ كبسة دجاج وتغييرآ عن المعتاد من الكبسه اللي أغلبنا ملينا منها
حبيت أغيروأطبخ شي مميز لكن تحت مسمئ الكبسه
جهزت أغراض الطبخ و بدأ المشوار وراح أنزل لكم طريقة مشاوي مع الرز الأبيض والعدس والسلطه الحاره بالتفصيل الممل
أ و ل شي :- مشاوي الدجاج
مقاديرالتتبيله لحبه من الدجاج :-
علبه زبادي
ملعقه صغيره فلفل أسود
ملعقه صغيره ملح
3ملاعق مايونيز
3ملآعق شطه
3ملاعق خل
3فصوص ثوم
توضع المقادير في خلاط الكاس وتخلط
ملاحظه:- يمكن أضافة بهارات مطحونه حسب الرغبه...
بعد ماخلطنامقاديرالتتبيله نكون مقطعين الدجاج أرباع ونقعناه في مويه وملح وصفيناه
نضيف في وعاء عميق التتبيله نصبهاعلئ الدجاج ,,
ونغطي الوعاء بنايلون ونحطها في الثلاجه لمدة ساعتين أو ليله كامله أذاحابه تجهزيها من بدري..
أذا مر الوقت المحدد نطلعها من الثلاجه ونصفيها من الخلطه ونحاول قد مانقدر مايبقئ شي من الخلطه علئ الدجاج ونرصها في صحن أو في الصينيه مباشره
نجيب صحن ونحط فيه عصير ليمونه كامله و3ملاعق معجون طماطم و شوية ملح وفلفل أسوودوملعقة خل ونحط علئ الدجاج ,,
نمسح الدجاج بخلطة المعجون لين
يتغطئ كله يصير محمر ونرصه في الصينيه تبع الفرن أنا غطيتها بالقصدير لأن تنظيفها مزعج الأفضل نغلفهابالقصدير
ونغطيه بالقصدير وعلئ طول علئ الفرن لمدة ساعه علئ نار متوسطه وبأخر ربع ساعه نرفع القصدير عن الدجاج ونتركه يتحمر من فوق..
هنا حطيته بالفرن وجبت حبتين طماط قطعتها أرباع وحطيتهابقصدير مع فلفل حار وشوي زيت ورشه من الفلفل الأسود والملح ولفيتها بقصديروحطيتها بالفرن جنب الدجاج ..
وبديت أجهز الرز الأبيض بالطريقه التقليديه
1:- نقعت كميه من الرز في مويه
2: -حطيت البصل في القدر مع الزيت وحمرته
3: -أضفت مكعبين ماجي وملعقه فلفل اسود وحمستهم مع البصل
4: -أضفت الرز وقلبته مع البصل دقيقتين وحطيت الملح (حسب الرغبه)
5:- حطيت ماي لين غطئ الرز بمسافة 3 أصابع تقريبآ وغطيته وتركته ربع ساعه
{ سويته في قدر الضغط اكيد الوقت يكون أكثر أذابتسويه في قدرعادي }
شوفوآ الصوره توضضح الخطوات..
العدس الأسود:-
1:- سلقت العدس الأسود في ماي لمدة ربع ساعه
2:- قطعت بصل شرايح وحطيته في الطاوه مع الزيت
3: -تركته يتحمر
4: -أضفت فلفل اسود وشوي ملح وقلبت البصل
5:- حطيت العدس
6: -قلبته خمس دقايق وطفيت النآر وبكذا صار جاهز
بديت بتجهيز السلطه الحاره
1: -نحتاج حبه طماطم مشويه وحبه فلفل أخضر { اللي سويتها بالقصدير وحيتها مع الدجاج بالفرن }صوره رقم واحد
2: -المقادير الباقيه:- ( ربع بصله- 3حبات طماط- فلفل أخضر حسب الرغبه
وملح وعصير نص ليمونه)
3:- قطعت الطماط والبصل
4:- حطيتها في خلاط الكاس عدا عصير الليمون
5:- بعد ماخلطتها أضفت الليمون (بنات أنتبهوا لاتخلطون الليمون مع أي سلطه أضيفوه بعد الخلط وقلبوه بالملعقه عشان مايروح طعمه)
6: -صارت السلطه جااهزه
صار كل شي جاهز الرز والعدس الأسود والدجاج والسلطه
أضفت العدس للرز ( نقريبآ ربع كمية الرز ) وقلبتهم..
حطيته في صحن التقديم ورصيت الدجاج بالنص وزينته بالباقي من الطماط والفلفل المشوي وقطع ليموون أترككم مع الصور النهائيه ..
والحين بالنهايه:-أتمنئ يكون عجبكم ونال أستحسان ذائقتكم
طبقوا طريقتي وأن شاء الله تعجبكم زي ماعجبتني
وهذاكوب كابتشينو لأول وحده ترد