امي في ستار اكاديمي

((السلام عليكم ورحمة الله وبركاته)) .......
جبتلكم قصه حلوه لاتفووتكم .....
في يوم من الايام اجتمعت العايله الكريمه على وليمة العشاء
واذا بفكرة تطرحها( ام دحيم ) <<- الوالده
هذه الفكرة كانت ترادوها منذ نعومه اصابعها خ
الا وهي =>> اقتحامها المجال الفني
فرحبت الاسرة بهذه الفكرة ترحيبا شديدا <<- والله من الهياط
وفي اثناء النقاش المفعم بالتفاهم والهدوء <<- ايه هين خ
قرر الشايب ( ابو دحيم)
ان الوالده تشارك في ستار اكاديمي 3
ولكن بشروط :
1- انها ماتفك برقعها الا وقت النووم >> احلى تحيه لابودحيم
2- ماتبوس ولا تضم شاب نهاائي نهاائي
هنا فزت ام دحيم معارضه
وقالت يابودحيم بعتبرهم مثل عيالي <<-- علينا يامزنه
قال كلامي مااغيره
3 : اذا نمتي تتغطين زين ياويلك يام دحيم ان شفت عصاقيلك باخر الليول على الشاشه
فزت ام دحيم وقالت >> وقسم يابو دحيم سروالي الطويل ماافصخه لو يحنطوني
قال كفوو ياام عيالي هذا العشم فيك
ثم اخذها بيدها وقال امشي انزلك السوق ياستارك قلبي <<-- خ عاش يعرف يغازل
عشان تشترين ملابس وطحين <<- الطحين = المكياج بودره بس بلغة الشياب
وكل ماجات تبغى تشتري بنطلون وتنورة قصيرة
حرم فيها الشايب ماتشرتيها خ
وبالاخير جاتنا بخمس جلابيات وقمصان نووم كلها كم طويل
وكاب طويل حق الشغالات وزنوبه طبيه عشان راحة الرجلين
وطبعا والدتي المصونه حطت حرتها في الزيوت والاعشاب والحنا
المهم
قرب موعد البرايم وسافرت الوالده بالطيارة وهي تناشد تنفيذ حلمها الذي طالما حلمت به
وفي يوم الجمعه الساعه 9 والنصف مساء
بدأ البراايم
وكلن مبحلق عيونه في الشاشه ينتظر طلة الوالده خ
االا تطلع ام دحيم وتغنى اغنيه ( سلموا لي على اللي سمى حالي فراقه )
وترقص والوالد من زود الحماس قام يرقص عندنا
والجمهور يصفق يصفق للوالده
ومن بكرة كل الشباب أتعبتني تعال
وقع لنا تعال وابصم <<== ابي افهم وش دخلك خ
>>>> عادي توقيعي وتوقيع امي يتشابه
وبعد ماخلص البراايم
كلهم راحووا الاكاديمه ومن ظمنهم ام دحيم
واول ماتدخل تنزل جزمتها (وانتو بكرامه)عند الباب خ
وبعد دقايق الا والطلاب جايين امي بجزمتها << تعاون
وتدخل غرفة البنات وترتب شنطتها وتطبقها وتكوي ملابسها <<-- ياحلاتها
وثمن تذهب للنوم
طبعا فرشت بين السرر ونامت على الارض لول
وبنص الليل يقومون الطالبات مفجوعات يفكرونها طاحت من على السرير خ
>>> بعذرهم ماشافوها كانت تكوي طول الليل خ
وتمر ثلاث ليالي على هالحال ..
وبيوم اغمى عليها وسقطت مغشيه
وذلك بسبب سوء التغذيه والاكل
هنا استنزل الشايب وكلمهاا
ابو دحيم >> يام دحيم وراك طحتي ياحظي تونا باول المشوار
ام دحيم >> وش السواة يابو دحيم حسيت بدوخه وحامت تسبدي كاني اتوحم <<-- بريئه خ
ابو دحيم >> واخزيااه تو مالك يومين بالاكاديمه
ام دحيم >> لاتفهمني غلط الدختورة قالت سوء تغذيه خ
ابو دحيم >> بلاك ماتاكلين
ام دحيم>> بلاهم يتاخرون بالعشاء واروح ارقد واخليهم
ابو دحيم >> وليه واللي يرسلونه لك كل ليله وشهو ؟؟
ام دحيم >> هذيك مقبلات يالخبل الكبسه والمفطح مابعد وصل خ
ابو دحيم >> افلقيني ان شفتيها لول
وطوط طوط <<-- انقطع الخط
ويوم الثلاثاء دخلت على الشايب واذا بي ارى عينيه قد تلألأ الدمع بهما
واصرخ قائلا : ماذا بك ؟!
قال : أتعبتني .... امك نومينيه!!!!!!!!
وافشيلتاه ..
وش بيقولون عني الناس ؟؟!!
امي نومينيه من اول اسبوع اهئ اهئ
ويجي من ببكرة نبغى نشوف اسباب تسمية ام دحيم نومينيه
وطبعا الشايب ليلتها تنوم بالمستشفى ارتفع الضغط عنده خ
وعلي عليه ماوقف دمعه المدرار
المهم قالت اليسار >>> ماعندك قدرة تسيطرين على رجولك في الرقص
هههاي
وديع >> ريحة الحنا ذبحتني مابتخليني اعرف ركز واعلمك الاغاني
ميشيل >> انتي على طول بتنشزين ماتغنين انتي خ
وطلعت الوالده ودميعاتها تقول امطار حايل بعز الشتاء
والوالد تقطعت يدينه وهو يصووت يصووت ويستنجد بااهل الخليج
ولكن لاحياة لمن تنادي خ
وجا البرايم وخسرت الوالده
وسفروها اللبنانين على اقرب طايرة
ولما جات قالت ولايهمكم ياعيالي
حلم ستار اكاديمي مات لكن متى يبدا تسجيل سوبر ستار ؟؟
خ .....
ههه .....
خ .....
اتمنا ان القصه تعجبكم .....
تحيا اتي ....
منقول
اتمنى ردودكم الحلوة