انقذوني

اختي ام حمود سويلهم السلطه حقتي حقت المكرونه ومعها نوع من الصياني مثل صينية مصقعة الجبن وهي سهله مرههه
اقلي بطاطس وباذنجان وفلفل رومي وجزر وملفوف بعد ماتقطعينهم مكعبات وصفيهم في صينيه وبعدين اخلطي اربع ملاعق جبن كاسات انا استخدم كرافت مع اربع ملاعق مايونيز وملح وفلفل اسود وعلبة قشطه ( القيمر )
واخلطيهم بملعقه في زبديه وحطيهم فوق الخضروات المقليه في الصينيه ودخليها الفرن من تحت الين تتماسك ومن فوق بس الين يحمر وجهها وحطي معها خبز
وبعد سويلهم نوع من الحلىويكون سهل ومايتعبك وممكن تسوينلهم مرق كفته وبدون خضار اذا كنتي مسويه المصقعه انك تجيبين لحم مفروم مع بقدونس مفروم وملح وفلفل اسود وبهارات وشويت بصل وفص ثوم البصل والثووم مفرومه ناعم وتخلطينهم في زبديه وتكورينهم وتقلينهم في زيت حار وتصفينهم في صفايه من الزيت وتقطعين بصل وطماط شرايح وتقلبين اول شي البصل وتقطعين معه فص ثوم صغير في قدر فيه ملعقتين زيت واذا ذبل البصل حطي الطمام فوقهم وخليه شوي يذبل بعدين حطي ملعقتين صلصة الطماط والملح والفلفل والبهارات وحطي عليهم مويه شوي وخليهم يتسبكون وبعدها ارجعي زيدي نصف كاس مويه وحطي فوقهم حبات الكفته وخليهم لمدة ربع ساعه وبعدها قدميها .............اتمنى اني افدك

اذا السالفه فيها مجبوس
الموضوع يبيله سلطه او فتوش
مكونات السلطه تكون
خيار , طماط , خس , فلفل رومي , ذره , خيار مخلل , زيتون , مكعبات الخبز المحمص ام يم يم
محشي ملفوف او كوسا او محشي فلفل رومي او ورق عنب وتضيفين معاهم من نفس اللحم اللي بتستخدمينه للمجبوس يعني اول شي تحطين شرايح اللحم وبعدين المحاشي
الحشو اتوقع تعرفينه ويمشي مع كل الانواع
الملفوف اذا ماتعرفين شلون تسوينه
الطريقه
انج تحطين الملفوفه بكبرها في جدر وفيه ماي وتخلينه لين ينضج شوي وبعدين تطلعينه وطبعاً ورقاته بتنفتح بكل سهوله وتحشينه وتلفينه مثل طريقة الورق عنب وتحطين عليه الصلصه (( نفس صلصة الكوسا والفلفل الرومي )) وتدخلينه الفرن وبس
والسويت
اي شي عالسريع
كيك اسفنجي مع الشاي ويبيعونه بودره جاهزه وعلى نكهات بس اللي عليج تضيفين 4 بيضات و الزيت
بدون اي اضافات (( كريمه , فواكه , شوكولاه ))
لان بعد الغدا الواحد مايقدر يثقل وايد وياكل سويت دسم

مشكورين يا بعد قلبي على اهتمامكم