اه اه صكي افمك عن الأكل وأمشي ولا تغلطين غلطتي

السلام عليكم ورحمة الله وبركاته /
أكتب لكم وأنا مقهور ويشهد الله أني صادقة في كل كلمة كتبتها وبحاسب عليه يوم القيامة .
أنا في شهر سته عندي عملية والدكتور قالي لازم تخففي وزنك قبل العملية ,
طبعا حرصت إني أنفذ كلامة لان 90% من نجاح العملية متوقف على تخفيف الوزن بعد الله تعالى .
وشفت شريط بدايه وألا فيه إعلان عن برنامج ( أم جود ) وأنه ينحف من 12 إلى 15 كيلو في الشهر
قلت فرصة وقامت الأخت المطيوره واتصلت عليها اه بس . وردت الأخت وسألتها وقالت نعم ينحف من 12
إلى 15 كيلو في الشهر بدون حمية وإذا أتبعتي حميه وسمعتي اللي راح أقولك عليه راح تنحفي 20 كيلو
قلت كم مدته قالت شهر
أنا عاد أنا ماكذبت خبر , وقلت لها هل هو ضار على الهرمونات أو يأثر على الحمل قالت أبد بالعكس هو مفيد
للي عندها تكيس وإن وحده تببي : تسوي عملية أطفال أنابيب وأنها نحفت عليه 26 كيلو وأنها أتصلت
عليها تقولها أنها حملت . وسألتها من إيش يتكون قالت من حبوب مرخصة طبيا وتعمل على إذابة الشحوم وأعشاب وصابونه تعمل على نحت الخصر وإزالة البطن ,
وكانت تتكلم بسرعة قلت متى يوصل لحد عندي قالت48 ساعة ويكون عندك بس
أنت حولي الفلوس قلت كم قالت (1500 ريال ) ثم سكرت السماعة . أنا قلت في نفسي علشان تلحق على الزبائن .
أنا عاد طرت من الفرحه ماصدقت خبر ومن غبائي ساعتها حولت الفلوس . وارسلت لها رساله قالت خلاص
يوم الاربعاء يكو عندك اه ياالاربعاء متى تجي. هذا الكلام يوم الاحد بالليل .
وجاء يوم الاربعاء وجت المفأجاه معه وراح أخي لشركة زاجل وجاب معه كرتون ماء صحة , وفرحت يوم
شفت الكرتون ,
تدرون يابنات وشو البرنامج . والله على ماأقول شهيد الله يحرمني من صحتي إن كنت كذبت عليكم أو عليها
طلع علبه وحده من حبوب اورليستات 30 حبه , 3حبات باليوم يعني يطلع لمدة عشرة أيام فقط. وباقي الشهر مافيه .
2 علبة عشبة العشاب كل كرتون فيه 20 كيس , يعني العلبة تكفي لستة أيام . يعني العلبتين 12 يوم .
وباقي الأيام مافيه
أنا يابنات يوم شفتها أنصدمت لآن عشبة العشاب تباع عند العطارين في 40 ريال
وصابونه وحده .
وبس ,والله لو أني اعرف انزل الصور كان صورتها هي كرتونها كان نزلتها , أم الكرتون يابنات تحفه والأغراض في
داخله , والله يابنات تعرفون علبة الشاهي الربيع أو لبتون أو ممتاز أنها تكفيها وبراحة كمان ,
والقهريابنات كلها مايجي سعرها 350ريال هذا إذا أنا مابالغت لان الشاهي في 80 ريال والحبوب بحثت عنها
وسعرها 65ريال والصابونه للأمانة ماأدري
أ
أنا مت قهر وما قدرت المسه واحترت وتحسرت على فلوسي 1500ريال حسبي الله عليها .
أ
أنا أحسبه برنامج كامل لأن أختي أشتركت في مشغل للنحافة عندنا لمدة شهر كامل والله يابنات أخذوا
وزنها في البداية وعرفت المناطق اللي يكثر فيها الدهون ,
ثم يوميا يجبون الفطور والغداء والعشاء + أعشاب وكل أسبوع تروح يأخذون وزنها أنا حسبته كذا على الاقل
تعطيني عصيرات ونظام معين أمشي عليه ,
ومن قهري أرسلت لها رسالة وقلت لها
وهذا نصها ( شكراَ ياأم جود البرنامج وصل وماشاء عليك صادقة بس حبيت أذكرك أن الحبوب تكفى لعشرة
أيام فقط لأنها 30 حبة و3مرات باليوم , والشاهي مثل وموجود عند العطارين ب40 ريال . وعشرين يوم يالله
ماهو لازم . وللعلم برنامجك يبي يوصلك وفلوسي ترجع لي .والله لايحللك . الله أعلم بحالي .
فردت النصابة في رساله وهذا نصها ( مساء الخيرات عزيزتي أول شئ أنا ماعندي ترجيع ثاني شئ
الشاهي روحي شوفي هو مثل اللي أنتي تقولين أو لا عموما هذا نظام البرنامج امشي عليه .الحبوب
حبه وحده بعد الوجبة الدسمة والشاهي قبل وجبة الغداء وقبل وجبة العشاء بعشر دقائق لمدة عشرين يوم
فقط .)هالحين طلع عشرين يوم والأول تقول شهر .والشاهي أقسم بالله أنه مثله بالضبط ماأدري يمكن هي
جايبته من المريخ أو من تحت الأرض . والقهر أنها قفلت الجوال الله يقفل في وجهها أبواب رزقه ,
وش أسوي يابنات هل أرسله لها أو وش أسوي حتى إني كرهته ماأستعملت شئ منه.
لذلك أحذروا من بعض التاجرات تراهن نصابات
أنا كتبت لكم أبي أفضفض عليكم من القهر اللي فيني
حسبي الله عليها الله يجعلها في مالها وعيالها ,
نصيحة مني يابنات ماهو كل أحد يصدق معك
واللي تبي تنحف تسكر فمها عن الآكل وتمشي وبس وفلوسكم خلوها في جيبكم ,
وهذا درس تعلمته ومراح أنساه