اول رواياتيبيان وليد يارب تعجبكم

بسم الله الرحمن الرحيم
اول رواياتي*** ~ {بيان, وليد,} ~ ***اتمنى تعجبكم
الجزء الاول :
كانو البنات متجمعين كالعادة يووم الخميس في بيت العم بو وليد كان كل خميس ضحك ووناسة بس هالخميس كان ملل
اسيل : اف يا للملل القاتل بنات انا بنفجر انا بنبط من هالملل قولو شي قولو سالفة نكتة قولوو اي شي
ولا بنتحر
منى : سكتي لحظة بتصل على سارة ما ادري شسالفتها ما جات اليوم منى اتصلت على سارة
سارة بصوت مبوح من النوم : الو من اللي متصل بأنصاف الليالي
منى بعصبية : قومي يا دجاجة في احد ينام الحين بعدين احنا كلنا متجمعين في بيت عمي بو وليد و انتي خامدة في بيتكم
سارة عصبت : يالله قولي كم الساعة عشان تسبيني ؟
منى : يا شيخة الحين الساعة 30 : 10 يا فالحة يالله تعالي صدق ذليتينا و حنا ننتظرك من عصر الله و حنا ننتظر
و نقول اكيد مشغولة و لا عندها شي طلعتي نايمة قومي صدق انك تضيعين وقتج و وقت غيرج قومي غيري ملابسج و تعالي
بيت عمي بو وليد
سارة : اوكي يالله باي
منى : باي
سارة قامت خذت لها شاور و غيرت ملابسها و تجهزت راحت الصالة و صارت تنادي اخوها محمد طلع لها اخوها محمد من
غرفته
محمد : نعم يا ست سارة شعندج لابسه عبايتج على وين انشالله
سارة بكل ادب مصطنع : ممكن يا مستر محمد توديني بيت عمي بو وليد لان كالعادة هناك في جمعة بنات
محمد : اي لكن بشرط
سارة : شنو الشرط يا مستر
محمد : نقي فلوسج بنزين السيارة منتهي امس فحطت مع الشباب و خلص فممكن انج تنقين فلوسج
سارة : حاضر من عيوني الثنتين كم محمد عندنا يالله قم غير ملابسك و انق فلوسي عشان توديني يا مستر بخيل >>>
>> قالت له يا بخيل لانه طلب منها فلوس للبنزين ولا تكرم انه يدفع فلوس من جيبه للبنزين
محمد غير ملابسه و نزل شاف سارة تنتظره
سارة : ما بغيت تخلص من التبديل يا مستر بخيل يالله قول كم يحتاج البنزين
محمد :ما دري اروح و اسأل هندي البنزين بس افضل تسوين عمل خير و تعطيني الفلوس الحين
سارة فتحت جزدانها و طلعت 50 ريال من الجزدان : خذ 50 ريال و رجع الباقي بعدين تدري ليش عطيتك 50 لان
ما عندي صرف
محمد بفرح : تسلمين يا مستر كريمة
سارة : اقول وصلني الحين و بعدين افرح ب 50 اقصد بباقي ال 50
محمد : انزين يالله امشي قدامي
طلعوو من البيت
عند البنات
بيان : تدرين يا منى ان اكثر وحدة تقهرني من بيت عمي بو سامي ليلى احسها دلوعة بزيادة و حساسة حيل حيل من تقولين
لها شي زعلت يو ما سوت علي آخر مرة كلمتها قلت لها كم نسبتك في ثالث ثنوي قالت 86 و اهي داخلة علمي قلت لها
المفروض تكن نسبتك ارقى لانك داخلة علمي و زعلت و سفهتني عاد من حلاتها
منى : ...........و سمعو البنات صوت الجرس اسيل طيران راحت تفتح الباب لما فتحت الباب شافت
بوجهها ..........
7
7
7
7
7
7
7
7
7
7
7
7
7
7
7
7
الصدمة
لما فتحت الباب شافت بوجهها محمد ولد عمها
اسيل بداخلها < ذاابت كانت بيغمى عليها من الخوف و الحيا >
اسيل بس شافت محمد ركضت للغرفة دخلت الغرفة و هي خايفة حيل و تتنفس بسرعة البنات استغربو منها
سعاد : اسيلو شفيج خايفة في شي صاير
اسيل بخوف : لا لا ما في شي
بهلحظة دخلت سارة
سارة : اهلين بنات
منى : شرفتي يا اخت سارة اخيرا
سارة : سوري بس الاخ محمد تأخر بتبديل ملابسه فتأخرت
ريماس : منى شوي شوي على البنت يكفي الكلام اللي قلتيه لها بالجوال الحين بعد بتقعدين تسبين فيها صج بتاكلينها بقشورها
منى : خلاص خلاص خلونا من هالسالفة
سارة : اي تذكرت
اثير : هلا قولي يا ام السوالف قولي سالفتج
سارة : جدي عازم العايلة الكريمة بأكملها بعد بكرة على الغدا في استراحة *****
كل البنات بصوت واحد : واو وناسة
سارة : و يقول جهزو ملابسكم لان احنا بنتم هناك مدة اسبوع
اسيل هنا قامت تنقز من الفرح : واو و ناسة
كل البنات فرحو حيل حيل بس بيان ما فرحت
بيان : بنات لا لا لا لا لا انا ما ابغى اروح
سعاد : ليش بعد
بيان بقرف : جدى اكيد بيعزم العايلة الكريمة كلها فأكيد بيعزم بيت عمي ابو سامي و انا ما ابغى اشوف ليلى اخاف تحطني
بمشكلة ما لها حل
حلا : خليها ولا عليج منها و اذا كلمتك لا تردين عليها لانك اذا رديتي عليها بتعكر مزاجك بدلعها الزايد
بيان : اوكي بس اذا صارت لي مشكلة معها شسوي
غلا : اقول سكتي بس و لا تفكرين فيها
ابرار: اعتبريها ما راح تجي انسيها
بيان : اوكي انزين بنات غيرو السالفة
سارة : اثير وش سويتي بالجامعة سلمتي بحثك ولا لاء لاني تأخرت بتسليم البحث و دكتوره تهاني نقصتني الله لا يهنيها
بعيشتها
اثير : لا لا لا الحمدالله انا بسرعة سلمت البحث تعالي شخبار شيماء من زمان ما شفتها حيل قطعت عنا اشتقت
لنكتها بصراحة اللي يقعد معاها ما يمل الله يهني اللي بيتزوجها بس بصراحة ما اتخيلها تتزوج و تروح عنا
سارة : ليش بتروح عنا
اثير : اهي قالت انها اذا تزوجت بتوقف دراستها
و ..... الخ ....
وفي نهاية الليل كل وحدة رجعت بيتها
في بيت العم ابوو احمد
الساعة 00 : 10
ابرار اول وحدة من العيال قامت اخذت لها شاور عسريع
نزلت تحت شافت امها قاعدة سلمت عليها و باست راس امها
ابرار : صباح الخير يمه
ام احمد : صباح النور حبيبتي شعندج قايمة من النوم امس سهرتي مع البنات
ابرار : يمه انتي تعرفيني انا ما احب انام طويل
ام احمد : انزين جدج يقول انه بيعزمنا بكرة بأستراحة *****و يقول جيبوو ملابسكم معكم لان احنا بنتم هناك مدة اسبوع
ابرار : ادري يمه
ام احمد : من قالج
ابرار : سارة ام السوالف و الاخبار ما يتم خبر في العايلة الا وسمعته اهي اول وحدة ما اقول الا ما شاءلله على هالموهبة
يمه قولي ما شاءالله على موهبتها
ام احمد : ههه ماشاءلله على موهبتها
سكتوو شوي بعدين
ام احمد : حبيبتي ابرار قومي قولي للخدامة تسوي لج فطور
ابرار : اوكي مامي عن اذنج بروح افطر
في بيت العم ابوو حمد
الساعة 3:22
سعااد في غرفة بيان
سعاد بعصبية : بيانو قومي من زمان تغدينا و الكل قام من النوم الا انتي قومي صدق عكرتي مزاجي
بيان بصوت كله نووم : مو انا سهرت امس اكيد بقعد من النوم متأخرة
سعاد : حتى انا سهرت معاكم و قمت و رحت و جيت و تزحزحت من مكاني بس انتي اللي طول السهرة قاعدة بمكانك
وهذاني قمت من النوم . و انتي نمتي قبلي بعد يالله قومي
بيان : انزين انزين خلاص قمت
سعاد : يالله قومي اخذي شاور سريع و غيري ملابسك و تغدي
بيان : اوكي يا اغلى اخت بالعالم
سعاد بأستغراب :شنو هذا الحب اللي هب عليج من الظهر
بيان : شلون ما اقول لج يا اغلى اخت في العالم و انتي صبرتي علي لانك من الساعة 11 و انتي تقعدين فيني و ما قعدت من
النوم الا الساعة 3:25
سعاد: لا عادي انا تعودت ما اقول الا الله يعطيج العقل و تصيرين مطيعة قولي آمين
بيان بضحك : ههه آمين يا اغلى اخت في العالم
في بيت العم بو محمد
3:30
سارة تطالع التلفزيون
سارة : اف ملل
نزلت ام محمد
سارة : يمه شفيها غلا ما شفتها من الصبح ولا تغدت معانا على الغدا
ام محمد :عجزت فيها تطلع من غرفتها ما ادري شعندها حابسة روحها بالغرفة
سارة : لا يمه اكيد فيها شي . يمه عن اذنج بروح اشوف غلا
ام محمد : اذنج معاج
سارة راحت لغلا قعدت تطق باب غرفة غلا
سارة : غلا حبيبتي فتحي الباب شفيج حابسة نفسج بالغرفة
غلا بعصبية : شتبون مني روحو عني ما ابغاكم
سارة : غلا حبيبتي انا سارة فتحي الباب
غلا : ما ابغى افتح الباب روحي عني
سارة : بس انا فتحي الباب لي ما في احد معي
غلا : انزين بفتح الباب
غلافتحت الباب و ارتمت بحضن سارة تبكي
سارة : شفيج غلا تبكين
غلا : اقولج بس هئ لا تقولين لاحد
سارة : انزين ما بقول لاحد
غلا :امس اتصلت علي صديقة نوال . هيفاءو قعدت تسب فيني و تلعن فيني ليما وصلت لمرحلة تسب بشرفي و قعدت تهددني
بتهديدات واجد ما اتذكرها
سارة : عندج رقمها
غلا : لا اهي غيرت موبايلها و لا خذت رقمها الجديد
سارة : اجل شلون اتصلت عليج
غلا : اهي اخذت رقمي من وحدة من صديقاتي
سارة : انزين انتي سويتي لها شي عشان تسوي لك كذا ؟
غلا : طبعا لا انتي تعرفيني ما احب اتبلا على غيري
سارة :انتي تعرفين رقم بيتها
غلا : اي اعرفه
سارة : عطيني رقم بيتها
غلا : انزين ليش
سارة : انا بتصرف فيه يالله عطيني رقم بيتها
غلا : رقم بيتها ******
سارة : حبيبتي لا تزعلين انسيها و انا باخذ حقج منها
غلا : بس ..........
سارة قاطعتها : لابس ولا شي انسيها نهائيا اعتبريها ولا شي
غلا : بس اهي وصلت لمرحلة تسب شرفي شلون انساها
سارة: مو انتي توثقين فيني يالله انسيها و قومي نزلي
غلا : انزين
غلا نزلت وسارة راحت غرفتها
بيت العم بوليد
الساعة 4:12
اسيل قاعدة بغرفتها تفكر
< معقولة هذا ولد عمي محمد اللي كنت اللعب معه .......>
قاطع تفكيرها صوت جوالها
اسيل ردت : اهلين بيان
بيان : اهلين اسيل شخبارج
اسيل : انا بخير انتي شخبارج
بيان :انا بخيرالمهم تجين معي للمول
اسيل : ليش شنو في
بيان : ما ادري و دي اروح لان بصراحة من زمان مارحت
اسيل : انزين انا موافقة امر عليج ولا تمرين علي
بيان :لا انا امرعليج
اسيل : انا الحين بروح اتجهز يالله باي
بيان : باي
في بيت العم بو احمد
حلا :ابرار قومي نروح لسارة ولا نجمع البنات في بيت عشان نخطط للاستراحة و شنو بنسوي هناك
ابرار:او حلا خلاص ما ابي
حلا : بلا الحين بتقومي من هلابتوب
ابرار: اوكي خلاص كاني قمت روحي اتفقي مع البنات
حلا: اوكي على مين اتصل اول شي
ابرار: ام اتصلي على بيان
حلا : اوكي
اتصلت على على بيان
حلا : بيان ما ترد
ابرار: اجل اتصلي عليها من البيت
حلا اوكي اتصلت حلا بيت عمها بو حمد
حلا : الو
مشاري: اهلين مين على الخط
حلا : حلا
مشاري :اهلين حلا
حلا:انت مشاري
مشاري:اي من قال لج
حلا: لا بس مجرد تخمين ام وين بيان
مشاري :لحظة اناديها
حلا :......
بيان : الو حلا شنو تبغين
حلا : شرايج نسوي جمعة في بيت اي وحدة من الشلة عشان نخطط للاستراحة
بيان : والله فكرة بس ودي اروح المول
حلا : حبيبتي والله مرة ثانية روحي للمول خلينا نسوي جمعة عشان نخطط وش نسوي بلاستراحة
بيان: اوكي متى نتجمع
حلا:امم الحين نبدأ نجمع البنات في بيت عمي ابو فارس
بيان: اوكي انا بقول ل اثير و اسيل و سعاد و ريماس و عبير و غلا و سارة و باقي الشلة عليج
حلا: اوكي يالله باي
بيان :بايات
بعد ما تجمعو البنات في بيت العم بو فارس
كل البنات تجمعو في سيارة وحدة طبعا كالعادة السيارة لو يزيد ربع شخص راح تنفجر السيارة
بعد ما وصلو البنات طقو الجرس طلع لهم فارس
فارس :السلام عليكم نعم شتبغون يا شعب العايلة
ريماس:وعليكم السلام موجودة الماسه لو سمحت
فارس : موجودة بس وحدة وحدة في الدخول اخاف تدخلون كلكم تكسرون الباب
حلا: لا تخاف نسوي رجيم
سارة : انت بتوقفنا هنا لين السنة الجاية اقول دخلنا الحين و بعدين تكلم
فارس : انزين انزين دخلو
دخلو البنات
جات الماسه و دخلتهم
الماسه : هلا بنات شخباركم والله من زمان عنكم
ريماس: من قالك ما تجين امس الجمعة
الماسة :بصراحة امس صار عرس صديقتي ولا قدرت اجي عذورني
حلا:معذورة معذورة بس من عرسه
الماسه:عرس ريناد
بيان : الحمارة ما عزمتني
الماسه:سكتي عنها هاذي قلبي بعدين اهي تدري لو تعزم وحدة منكم الشعب كله بيجي
بيان:انزين ما عليكم منها احنا ما جينا عشان السوالف جينا حق التخطيط للاستراحة اللي جدي عزمنا فيها
الماسه:يعني شنو نخطط
بيان:اي ننظم شنطة كلها فيها بلوزاتنا و شنط كلها للبنطلونات وشنطة كلها للاكسسوارات و شنطة كلها لل.....
سارة قاطعتها: خلاص واللي يرحم والديج سكتي
عبير:حبيبتي احنا بنتم اسبوع و في استراحة مو سنة ننظم شنطة كلها للبلوزات و شنطة و شنطة و شنطة و شنطة
شوفي شنطة و شنطة للسفر مو لاستراحة لمدة اسبوع
بيان:انزين كيف ننظم مو تطالعوني طالعو صاحبة هالفكرة اللي اهي حلا
كل البنات طالعوها و حلا رفعت يدينها
ابرار :بصراحة قلت لها لا بس اهي اصرت
غلا:الحين مين بيرجعنا البيت
الماسه: سهلة قومو نقول لفارس يودينا المول
بيان ابتسمت:نفس تفكيري وي فديتج
الماسه:بنات موافقين
البنات:اي موافقين
الماسه:من تجي معي لانه مايرضى الا بالموت
كل البنات:مو انا
بيان:انتي اختاري وحدة
الماسه:ام مين مين اي ريماس او منى
منى بدأت تأشر على ريماس :لا تختاريني انا دايم اتهاوش مع اخوج هاذي الوحيدة اللي ولا مرة كلمته الا اليوم لما جينا ندخل
الماسه:يالله ريماس قومي
ريماس:روحي انا استحي ما ابغى
الماسه سحبتها من يدها و قالت لها:يالله بلا دلع
ريماس:هاذي اول مرة وآخر مرة اروح له
الماسه:انزين يلا امشي
ريماس: انزين بعدل غطوتي
ريماس عدلت غطوتها وراحو لما وصلو لغرفة فارس
الماسه:يالله ريماس طقي الباب
ريماس:نعم اطقه وشنو
الماسه:طقي الباب وقولي له ممكن يا فروسي تودينا للمول عاد مو تقولين له كذا قولي له بنعومة و رقة
ريماس: نعم نعم تحلمين
الماسه:بليز ريماس انتي مو تحبيني يالله طقي الباب
ريماس: انا مجنونة اقول له كذا
الماسه : انزين طقي الباب و قولي فارس ممكن تودينا المول و قولي له بشكل عادي
ريماس:لاء استحي
الماسه: صج نحيسه روحي عني ما احبج و مشت و اهي زعلانه
ريماس ركضت لها :الماسه حبيبتي خلاص اسوي اللي تبين بس لا تزعلين علي
الماسه: بس بشرط تقولين لفارس بكل نعومة ورقة و حيا ممكن يا فارس تودينا للمول ولا انا بزعل عليج ولا بكلمج
ريماس:لا الماسه استحي
الماسه:اجل روحي عني انا زعلانة عليج
ريماس: خلاص خلاص اقوله بنعومة و رقة بس لاتزعلين
الماسه بفرح: اجل يلا
ريماس طقت الباب و اهي سايحة من الحيا لانها ما سوت هالشي الا عشان ما تزعل عليها الماسه
فارس فتح الباب شاف وحدة لابسة عباية
فارس:نعم مين
ريماس: انا ريماس
فارس: نعم ريماس
ريماس:فارس ممكن طلب
فارس :نعم
ريماس: فارس
ريماس خلاص ذابت ساحت :ممكن تودينا للمول
فارس :لا طبعا
ريماس:ليش
فارس:شنو انا سواق
ريماس:خلاص احنا بنقول للسواق يودينا احسن من احنا ننذل عندك لفت و توها بتمشي الا فارس يمسكها من عباتها بقوة لدرجة
ان غطوة ريماس طاحت فارس انصدم من جمالها و ريماس انصدمة من اللي سواه
ريماس على طول راحت بعد اللي صار.دخلت المجلس
بيان: ها وافق ولا ايش
ريماس:ها لا ما ادري ما رد علي
البنات استغربو منها
الماسه:ريماس في شي صار بينك وبين فارس
ريماس ارتبكت :ها لا ولاشي ما في شي بس انا ما ابغى اقعد هنا ابغى اروح للبيت
الماسه:ليش
ريماس ارتبكت زيادة : لا بس ما ودي اقعد هنا بعد ابغى اتجهز للاستراحة
الماسه: عن اذنكم بنات بروح احاول في فارس
ريماس:لا ما يحتاج انا بتصل على ماجد يجي يوديكم
بيان:اي خلاص الماسه ما يحتاج
الماسه توها بتتكلم الا سمعو الباب ينطق راحت الماسه تفتح الباب شافت فارس
فارس:انا بوصلكم يلا
الماسه:مو انت ما وافقت
فارس:لا هونت انا موافق يالله انا انتظركم بالسيارة
الماسه:اوكي روح و احنا جايين
الماسه تقول للبنات:بنات فارس وافق
عبير تكلم ريماس:ريماس مو تقولين ما وافق شلون غير رايه
ريماس:مادري
الماسه:يلا بنات فارس ينتظرنا
ريماس:انا بتصل على ماجد ياخذني ما ابغى اجي معاكم
الماسه:ليش
ريماس:مالي خلق اروح السوق
الماسه:خلاص براحتك
ريماس اتصلت على ماجد
ريماس:هلا ماجد
ماجد:هلا ريماس شنو تبغين مني بعد
ريماس: تعال خذني من بيت عمي بو فارس
ماجد:روحي ماني جايك توني موديك بيت عمي بوفارس تبيني بعد ربع ساعة من جبتك تبيني ارجعك لا لالا ما راح ارجعك
ريماس:الله يخليك ماجد
ماجد:مافي مني بجاي آخذك
ريماس:بليز مجودي
ماجد:شنو اصغر عيالك مجودي روحي الامل فيني مقطوع اني اجي آخذك
ريماس:يانحيس انا ما احبك
ماجد:لا تزعلين بس شسوي انا قاعد عند صديقي يعني اقوله بروح ارجع اختي من بيت عمي للبيت
ريماس:خلاص باي
ماجد:انزين خلاص الحين بجي لك
ريماس:لا خلاص البنات بيروحون المول بقول لفارس يوديني على طريقه البيت
ماجد:مدام كذا اجل يالله باي
ريماس:باي
ريماس قفلة من عنده وهي زعلانه
الماسه: شفيك رموسه زعلانة اكيد ماجد ما وافق صح
ريماس:اي خلاص ودوني البيت على طريقكم
الماسه:اوكي يالله بنات خلونا نروح لفارس لانه شكله بينفجر من العصبية علينا لان تأخرنا
ركبوو البنات السيارة
ريماس:فارس ودني البيت على طريقك
فارس:لاء ما في يا كل وحدة ارجعها للبيت ولا اوديكم كلكم للمول
سارة بصوت خافت:رموسه خلاص تعالي معانا
ريماس:لاء ودني البيت
فارس عصب:لو سمحتي سكتي لاني مو رايق لاكلم وحدة مثلك
ريماس عصبت :خلاص خلاص لاتوديني البيت ما بغينا منك شي
فارس وقف سيارته جنب الرصيف:يلا نزلي من السيارة
البنات انصدمو
فارس:يلا نزلي
الماسه:فارس شفيك اهي ما قالت شي عشان توقف السيارة و تقولها نزلي
فارس:بلا قالت
الماسه:فارس هدي من هالعصبية خلاص اهي قالت ما بغينا منك شي يعني يالله وصلنا للمول
فارس:هاذي آخر مرة تتكلم معي كذا ولو تكلمت معي كذا راح اسوي شي ما شافته بعمرها مثله
الماسه:يعني مو ناوي تودينا للمول
فارس:انزين خلاص بوصلكم للمول
فارس: بس بشرط
الماسه: شنو الشرط

نهاية الجزء الاول
اعزائي المتابعين للرواية انا خليت البارت الاول من الرواية قصير عشان اعرف اذا الرواية عجبتكم ولا لاء
عشان اذا الرواية عجبتكم اكملها و اذا لاء ما اكملها
عموما انتظر آرائكم و ملاحظاتكم على الرواية
و مابزعل اذا قلتو ان الرواية مو حلوة لاني اول مرة اجرب اكتب رواية
و اتمنى تردون بصراحة
تحياتي

يسلموو قلبي نتتظر البارت الجاي

^^
تسلمي **بنت خالد**
ع المرور بس احس رد واحد
ما يكفي ماني بخيله بس رد واحد قليل

تسلمين يالغلا القصه روعه
ننتظر البارت الجاي

^^
تسلمي غلاي
ع المرور.............
و ننتظر الباقي

القصه مره عجبتني وتحمستلها كثير انتظر البارت الثاني بسسرعه

ما كفوك الرودود انتي كملي الروايه بيزيدون القراء صدقيني

اوكي كاني جبت الب2ارت الثاني
و انشالله يعجبكم.....
الحين اخليكم
مع البارت...............

الجزء الثاني :
الماسه:شنو الشرط
فارس:انا بجي معكم بالمول و غير هذا بتمون بالمول نص ساعه لا غير
الماسه بدون نفس:انزين
نزلو للمول
وهم يمشون
ساره:بنات شوفو السوق اللي هناك شكله حلو خلونا نروح له
البنات دخلو للسوق و كل وحده راحت بمكان و فارس قعد جنب المحل ينتظرهم
بعد شوي البنات طلعو من المحل
فارس:يالله امشو للسيارة
ساره:الله يخليك بس سوق واحد نروح له بعدين نمشي بعدين الحين ما صار لنا نص ساعه
فارس:مافي انا مواعد ربعي في مطعم و ما ابغى اتأخر عليهم و الحين يالله نطلع من المول
كل البنات بدون نفس:انزين
بعدها ركبو السيارة و كل وحدة و صلها بيتها
و طبعا كل و حده راحت البيت بدأت تتجهز للاستراحه
......
اليوم الثاني
في بيت العم بو احمد
في الصباح الساعه 10:00
حلا:ابرار وين الفوطه حقتي
ابرار:ما ادري عنج اهي فوطتي و لا فوطتج
حلا:مادري
ابرار:الحمد الله رب العالمين على العقل الله يعطيج العقل
حلا:يارب و تتزوجين و افتك منج
ابرار:انا اللي بفتك منج مو انتي
سكتو شوي
ابرار بصوت يروع:يا مجنونه قومي تجهزي بسرعه العايله في الاستراحه و احنا هنا
حلا فزت من الروعه:انزين . و راحت بسرعه تاخذ لها شارور
ابرار:ههه ههه
......
في بيت العم بو حمد
سلمان:بيان يالله طلعي بسرعه من هالغرفه تأخرنا حيل
بيان:انزين انزين خلاص قربت اخلص
سلمان:انتي تقولين قربت اخلص و تبقين في الغرفه زياده صج تقهرين
بيان طلعت من الغرفه و بعصبيه:ها ما تشوفني طلعت من الغرفه ها فتح عيونك عدل هذا انا جدامك
سلمان وهو رافع حاجب بأستغراب:بلا شفتك بس ليش كل هالعصبيه
بيان:عشانك تقهر و تنرفز ما اقول الا الله يعين زوجتك
و مشت
سلمان:ههه بلا حظها
......
بعد ما العايله كلها تجمعت في الاستراحه تقريبا الساعه 10:33
البنات قعدو مع النسوان
و الشباب قعدو مع الرجال و الشياب
عند البنات
سعاد:اثير شخبار حبيب القلب
اثير احمرت:يا قليلة الادب احنا حتى ما ملكنا عشان تقولي كذا
سعاد:ههه مسكينه فشلناها
اثير عصبت :ما تفشلت بعدين ذي حركات اول مو الحين
سعاد:لا بس ابغى اقهرج
اثير:ما قهرتيني ابدا
سعاد:ابدا
اثير:ابدا زين رضيتي
سعاد:يص
اثير:اخيرا
سعاد:ههه جد مجنونه
اسيل:بنات مو جوعانين ؟؟
البنات:بلا
اسيل:اجل قومو نروح المطبخ ناكل شي لنا
البنات :اوكي يالله
بيان:ما ابغى اجي لاني مني جايعه
البنات:اوكي
راحوالبنات للمطبخ على طول فتحو الثلاجه اللي خذت جلكسيات و اللي خذت بطاطس و اللي و اللي و
رجعو للغرفه بعد ما قضو على الثلاجه و ما بقى فيها شي قعدو تمو على حالهم من قصه لسالفه و من نكته لهوشه و من لمن
و من لمن ............
شوي الا سمعو الباب ينطق فتحته ساره
ام ماجد:بنات تعالو قعدو معنا شوي بس لابدين بالغرفه
ساره:لا بالعكس وناسه و ضحك
ام ماجد:اي نسيت اقول يقول محمد راح يشوف الثلاجه لقاها خاليه
ساره:ههه لا بس البنات اخذو كل شي
ام ماجد:صج مجاعه الحين الثلاجه اول ما جينا متروسه الحين حتى الثلج اكلتوه
ساره اشرت على اسيل:اسيل اهي اللي اكلت الثلج كله
ام ماجد:المهم ليش ما قعدتو معنا عشان ليلى قاعده لوحدها و متملله
ساره بملل:اوكي الحين جايين
ام ماجد:زين الحين رايحه عن اذنكم
البنات :اذنك معاك
بيان:ماقلت لكم اكيد اهي تبغى تخرب قعدتنا مع بعض صج نحيسه
منى:اي والله
ساره:اف ما ودي اروح
سعاد و اثير:ولا انا
ساره:قومو نقعد هناك شوي و نقوم مو ناقصين يعصبون علينا
البنات:اف اوكي يالله
راحو البنات قعدو
بيان قامت من عند البنات بعذر تبي تقعد جنب امها
بيان:يمه نبغى نسبح بالبركه
ام حمد:يا بنتي تونا جايين تبون تسبحون لا والف لا
بيان:يمه الله يخليج
ام حمد:تبون تسبحون بعد جريمتكم شوفو ليلى شحليلها قاعده هنا مو مثلكم لابدين بالغرفه
بيان:يمه احنا قلنا لها تعالي معنا ما رضت
ام حمد :زين قعدت معنا كان خربتوها
بيان:انزين يمه ليش تضيعين السالفه يمه الله يخليج
ام حمد:ما في بركه و مافي سباحه
بيان:بليز يمه
ام حمد:قلت لك لا الحين روحي قعدي مع البنات
بيان بأستسلام:اوك مامي
بيان راحت عند البنات
منى:ها رضو نسبح في البركه
بيان:note مارضت امي تقول تبون تسبحون بعد جريمتكم و انا مالي ذنب ما اكلت معاكم
منى:اف الحين ويش بنسوي
بيان:مادري
اثير كانت تسولف مع ليلى و كانت ليلى كل شوي تستفزها بالشكل انها تبين لها انها ما تحب اثير و لا تطيقها
اثير:كم نسبتك بثالث ثنوي ..... ايه و شنو داخله ادبي ولا علمي
ليلى:86 و داخله علمي ليش في شي
اثير بأستغراب:لا بس لو شديتي حالج اكثر كان خذتي اكثر من 86
ليلى تكذب:صدقيني يا عمري شديت حالي حيل بس الابلة حقودة
اثير:آها ......
ليلى:عن اذنج رايحه اتمشى شوي
اثير:اجي معك .......؟؟؟
ليلى:لا ودي اتمشى لوحدي عن اذنج
اثير:اذنج معاج
و راحت للبنات و قعدو يسالفون و بعد صلاة الظهر جلسو بالغرفه
اما الشباب كانو فارشين لهم فرشه وسط المزرعه الصغيره اللي بالاستراحه و كان عندهم هبال درجه اولى ضحك و هبال
و هواش و نقاش و تنكت و طق و صرقعه
اما احمد و سليمان و وليد ملو من الشباب احمد جلس يكلم سعاد و سليمان قعد يكلم ربعه و وليد جلس يتمشى
اما عند البنات
بيان حاطه يدها على بطنها :بنات مافي وحده جايعه تجي معي نطبخ بالمطبخ لنا شي لان انتو قضيتو على الثلاجه و
انهيتو امرها
الماسه:ماني جايعه يعني خلصنا الثلاجه تبينا نجوع ؟
بيان:بليز
الماسه:الاستراحه امان ما في دايناصورات ولا قوارض ولا زواحف ولا مواشي ولا شي
بيان بخيبة امل:اوكي اني رايحه تأمروني بشي
البنات:سلامتك
راحت للمطبخ و شافت ريما تاكل كيكه بعصبيه و تقول
ريما :انا ما احبت >> احبج < يا وداد ما تدين>> تجين < معايه عشان آخذ كيكه ما احبت انتي كليهة >>ما احبج
انتي كريهة .
بيان:ههه حبيبتي والله بس بروعك شويه و بس و ابتسمت ابتسامه ( شيطانيه )
دخلت المطبخ شوي شوي و كانت ريما بتقوم من الكرسي وقفت على الكرسي عشان تطب و في اللحظه بيان قالت
بيان بصوت قوي و شوي مرعب:بو
في نفس اللحظه ذي ريما من الخوف طاحت من الكرسي لانها كانت واقفه على الكرسي اما بيان انصعقت من اللي سوته
ما عرفت شنو تسوي و زاد توترها صياح ريما و بيان لما وعت من الانصعاق اللي صار لها على طول حضنت ريما
بيان بأرتباك:عمري تألمتي >>>>>>>> هالسؤال الغبي جا من الارتباك يعني لا تستغربون
ريما:اهئ اهئ ا..اهئ اهئ اي تألمت بس اهئ انتي ما اهئ تحبينيه روعتيني اهئ اهئ و طحت ما احبت انا
بيان ما عرفت شنو تسوي حست بالذنب و حضنت ريما بالقوه و بدءت تصيح :اهئ ريما ما تزعلي علي صدقيني انا
احبج بس اهئ اهئ اهئ اهئ انا ما كان قصدي اطيحج بس كان ودي لو امزح معاج اهئ اهئ اهئ اهئ اهئ حبي
سامحيني والله احبج اهئ اهئ
ريما:راسي يألمني اهئ اهئ
بيان قامت تجيب لها شنطة الاسعافات و ضمدت راسها بس ريما بقت تبكي بالقوه و عصبت و شالت الضماد اللي على راسها
اما بيان من الصياح اغمى عليها لكن ريما ما قامت من حضنها بقت تبكي لين نامت بحظنها
اثير:سعوده قومي روحي شوفي اختك صار لها نص ساعه من راحت للمطبخ و لا رجعت بس صج اتوقع اللي قالته الماسه
مو صج اتوقع ان المطبخ به قوارض و ديناصورات يعني ليش تطول كذا ؟؟؟؟
سعاد:سعوده بالوجهج بعدين خل تتكرم وحده منكم و تقوم تشوف اختي الحبيبه
ابرار:انا قايمه اشوفها
اما عند الشباب كل واحد مل من الروتين اللي اهم فيه و كل واحد راح بناحيه اللي راح عند الرجال اللي راح يساعد في
طبخ الغدا و اللي جلس يتمشى و اللي جلس يسولف بالجوال و اللي طلع من الاستراحه
اما سليمان قعد يسولف مع صديق دربه ياسر وهو يتمشى
ياسر:هلا يالقاطع شنو عندك من اسبوعين ما كلمتني
سليمان يقلد على صوت البنات:سوري حبيبي بس انشغلت شوي
ياسر:نعم تنشغلين عني روحي عني انتي طالق
سليمان ضحك من قلب:جد آسف يسور والله انشغلت مع الشركه و بعد جدي عزمنا على استراحة ال***** بصراحه
الاستراحه بقمة الروعه يعني ويش اسوي الاشغال ما تخلص اعذرني
ياسر:لا معذور معذور يالحبيب بس متى اقابلك
سليمان:الاسبوع الجاي انشالله ليش
ياسر:لا حبيبي بس ولهت
سليمان:صوتك مو حلو خلك على نفسك احسن لك
ياسر:اهئ اهئ حبيبي ليش كذا تقول علي انا زعلت
سليمان:اف صج تملل لا تسوي كذا ترى بذبحك
ياسر:انزين جد ليش الاسبوع الجاي
سليمان:لان راح نبات بالاستراحه اسبوع
ياسر:آها الحين عرفت
سليمان:الحمد الله رب العالمين على عقلك بس ما اقول الا الله يهديك يا خبل قول آمين
ياسر:آمين رب العالمين
سليمان:باي يا اخبل
ياسر:بايات يا مجنون
سليمان:باي
ياسر:بايات
سليمان:باي
ياسر:بايات
سليمان عصب:يعني ما بننتهي من باي
ياسر:لا طبعا
وليد:اجل باي و سكر بوجه ياسر
ياسر:طوط .... طوط
ياسر:الحقير سكر بوجهي انا اوريك يا سلوم
اما ....بعده يتمشى حس بجوع مشى لين ما وصل للمطبخ لما فتح الباب انصدم
شاف دم بألارض و شاف بيان حاضنه ريما و شاف ضمادات بالارض و شاف دم على ملابس ريما و بيان و ماحس بنفسه
الا وهو يروح لبيان و يسحب ريما من حضنها بهدوء
و انصدم ان .......

التكمله في الجزء الثالث وتتوقعون نمين اللي دخل على بيان في المطبخ
انتظر ردودكم و توقعاتكم
تحياتي
احب المدرسه

وآآآآآآآآآآآآآو قصة حللوة وكلها حماس×حماس كمليهاآآآ
تسلمي