اولى مشاركتي بحملة دلع وسنع

السلام عليكم ورحمه الله
كيفكم يااحلى فراشات
هذي اول مشاركة لي بحمله سنع ودلع
جايبة لكم طبقين
اتمنى يعجبوكم
اول طبق سهل جدا وطعمه مميز
واتمنى الكل يجربه
عبارة عن شيش طاووق
بصراحه ماتتعبين وانتي تحضرينه
عبارة عن صحن جاهز تشتريه مبهر وكل شي طبعاا من منتجات شامي وانصحكم تجربوه
لان طعمه لذيذ
كيف تحضريه
تحطي بالمقلا اشوية زيت وتخلي الدجاج يتشوح بس وممكن تضيفي بالنهاية اشوية موية
وبصراحه طعم روعه
نجي للطبق الثاني
عبارة عن باستا ايطاليه
المقادير:
مكرونة الي تجي اشكال اختاري الشكل الي يعجيك
انا دايما اسلق كيس ونص لاتسلقي اكثر من هالكمية
خضروات ( جزر - كوسا - فلفل رومي - بصل - بروكلي اذا حابين ) تقطع كلها لشرايح طوليه ماعدا البروكلي طبعاا
دجاج صدور 3 قطع تقطعيها قطع صغيرة
صلصتين :
الاولى ،،، عبارة عن طماطتين مع فلفل حبتين او 3 تخلطيهم بالخلاط مع رشة بهار وبعدهاا تحطيهاا بقدر صغير وع النار تضيفين لهاا معجون طاطم اشوي وملح واشوية موية وتخليها لما تثقل
الثانية ،،، 3 كيري - 3 ملاعق طحين - 3 ملاعق حليب بودرة - علبة قشطة - موية تقريبا 3/4 علبة القشطة عبيهاا وصبيها ع الخلطة طبعاا كلوو بالخلاط وينخلط
نجي للطريقه :
طبعاا المكرونة تنسلق وع جنب
نجي للدجاج والخضرة
اول شي زيت وبصل يتشوح ع خفيف بعدها نحط الدجاج ونقلب ونخليه لما يصير لونه ابيض
ونضيف الخضروات ونضيف موية ونخليها تنسلق
واخيرا
بقدر كبير نجيب الباستاا وفوقها الدجاج والخضار وتحرك والصلصات وتحرك
طبعاا ذوقيهاا راح تحتاج ملح وتضيفين ملح لما يعتدل الطعم
واخر شي ببايركس كبيرة حطي الكل
ورشيهاا بجبنه مبشورة وكثري الجبنه ودخليها الفرن تتحمر من فوق
وعوافي عليكم
وهذي الصور مانسيتها