بات الرياض وش تعرفون عن حي النسيم

مبروك .. يعتبر من الاحياء القديمه
يمكن عشان كذا مامدحوه لك
اهم شيء بيتكم حلو ومرتاحين فيه وجيرانكم تمام
لايهمك كلامهم ^_^

مشكوره فديتك والله انك ريحتيني الله يريح بالك
بالنسبه للجيران باقي ماعرفناهم بس اللي يضهر لنا
من بعيد انهم كويسين

لا والله عادي زي اي حي بس عشانه قديم
حتى لو قالولك موزين قديم او سمعته شينه ترى الشر في كل مكان
وعلى حسب خلفيتي انهم اغلبهم عوائل معروفه واغلبهم بدو شوي
بس هذي موعيوب ابد اهم شي مرتاحين انتم في بيتكم والجيران كويسين
وحتى لو لاسمح الله ما تاقلمتم مع الجيران عادي اهلك ومعارفك يكغون عن الجيران
وسعي صدرك مافي حاره كامله ولا فيه حي احسن من حي كل مكان فيه خير وشر

حبيبتي عادي ولا تشيلين هم مثل ماقالو البنات يمكن لانه قديم شوي بس ماشوفها انها مشكله اهم شي انتم مرتاحين فيه حتى افخم احيا الرياض فيها الزين وفيها الشين....لاتشيلين هم وليش التشاؤم يمكن جيرانكم من خيرة الناس
تفاءلو بالخير تجدوه..........منزل مبارك ان شاء الله

اولا منزل مبارك اختي انا من سكان حي النسيم وفيه ساكنه من صغري حتى بعد ماتزوجت وانا فيه
هو حبي وعشقي وعمرنا فلتنا فيه ماطاعتنا قلوبنا نبتعد عنه حتى البدو عوايل محترمه واغلبها ملتزمين وراعين كرم ماقد شفنا فيه شي يكدر خواطرنا وحنا من سكان النسيم الغربي قريب لحي السلام بس حنا تنقلنا بمعظم شوارعه قبل بيتنا هذايوم كنا بالاجار والله كل شارع احسن من شارع وجيرانا كل عايله احسن من الثانيه تطمني اختي وفيه الخدمات متوفره بكثره مما جميعه وشتبين حولك وحوليك ومدارس بكثره جميع المراحل وتحفيظ وعام ودور تحفيظ والله سجلت علشانك اول مره اسجل ادعيلي بالشفاء ولعيالي. والشر والخير بكل مكان

موفقين

تبين الصراحه احسه احسن احياء الرياض هذا رأيي الخاص بدون مبالغه اهله ناس محترمه وكله مثل ماقلو الخوات الي ساكنين فيها عوايل وقبايل معروفه وفيهم نخوه وشوارعه الي داخل الحارات حيه يعني مايضيع فيه طفل كل شباب يلعبون كوره وجلسة شيبان بعد الصلوات وكل الخدمات متوفره
بصراحه انا موساكنه فيه بس اختي ساكنه ولما راوح لها واقف مع الشباك فرق عن حارتنا الي لوينسرق فيها طفل محد درا فيه
و منزل مبارك ان شاءالله

الشرق عموما حلو
لكن حي النسيم مع احترامي اللي فيه اللي عندها اولاد هنا تكمن القضايا
دائما القضايا الشيينه هناك
واغلبهم مهووب بدو وبس
فيه القصمان وش كثرهم هناك
والناس ..
عموما فيهم الصالح والطالح
لكن انتي اذا كان عندك اولاد خليهم يحافظون ع انفسهم من جميع الاتجاهات
وف كل الاحياء
اللي يمشي ف خط مستقيم ماراح يجييه شي
بعدين انتي شريتي الان ليه تضايقين خاطرك
خلااص
اللي راح راح
وممكن يكونون جيرانك تحسن من اقرباك
الله يبارك لك حبيبتي

من كلام صديقتي وهي من سكان النسيم تقول النسيم الغربي أفضل من الشرقي