بريآني موزة فوشية مش آي آي ولآ زي زي خ

{لآآحلل آلنقل آلآ بذكر المصدر }
صبآحكم/مسآئكم
عسل صآآفي
اليوم حآوريكم بريآني
عملتة غدآ
على طريقة مآمآ ربي يحفظهآ ويطول بعمرهآ
مكونآتة
حبتين بصل متوسطة مفرومتين ×فصين ثوم مفرومين
حبتين طماطم مقطعينهم صغآر×ملعقة حلى زنجبيل مبشور(آخضر)
كزبرة خضرآء مفرومة ناعم ربع كاسة
صلصلة×مكعب مآجي×ورق غار حبتين
علبة لبن زبآدي×وممكن نحط نعناع مفروم
ملعقة حلى من كل من
(كآري×كزبرة نآشفة×كمون×آبزار مشكل×فلفل اسود)
لحم آو دجآج(انا عملتة باللحم) مسلوقين في موية فيها هيل وقرفة ومسمآر كلهم بكبارهم
×(موية كآدي×صفآر الزعفرآن)×
طريقتة:
نكشن البصل لحد ماتصفر نحط الثوم ونقلب شوية بعدين نحط الزنجبيل الاخضر
ونقلب وآآآو على ريحتة تتدوخ وتجنن
بعدها نحط اللحمة ولا الدجاج
ونقلب شوية
بعدين الطماطم ونستمر بالتقليب
ونحط الكزبرة وبعدين البهارات ونقلب
ونحط اللبن الزبادي والصلصةوالماجي وتقلب تمام
وشوية من الموية اللس سلقنا فيها الدجاج مدري اللحمة
بس حق اللي يخليها تتسبك
نكون ناقعين الرز في موية حارة طبعآ الوليمة ولا ابو كاس ولا بسمتي
وممكن رز انديا جيت روعة بس يبغالة رقة في التعامل <<ههه
ناخ الرز ونسلقة نص سلقة في موية اللحمة ونملحة شوية
تقريبا 10 دقايق
بعدين نجيب قدر ونحط مقدار من الخلطة اللي عملنها اول وبعدها طبقة رز
وطبقة خلطة وطبقة رز الى ان ينتهي المقدار وتكون اخر طبقة رز
نكون مذوبين الزعفران في الكادي وممكن اذ1 مافية زعفران يكفي صفار الزعفران
ونحطة على الرز من فوق على شكل دوائر
ونكتم القدر بقصدير
ونغطية ونخلية على نار هادئة تقريبا ثلث ساعة
بعد ماينتهي النضج
نشيل الطبقة اللي فوق حيكون لونة اصفر ونحطها على جنب في صحن لاننا
راح نزين وجة الارز فيها
نغرف الرز ونزينة بالطبقة الصفراء
وممكن تقلي مكسرآآت صنوبر ولوز وزبيب بس انا مااحبهم مع الرز
ويقدم مع سلطة لبن انا زوجي قلتلة يجيب لبن زبدي جاء ونسي سويت سلطة خضراء وفلفل
ويارب يعجبكم طبقي
واليكم الصور :
سلطة خضرآء
وهذي كانت الفاكهة(كرز×مآنجآ×موز)
آتمنى طبقي يعجبكم....
كلمة ولو جبر خآطر