برياني الدجاج من مطبخ سكره

السلام عليكم
مرحبا ياحلوات
هذا هو غذاءنا اليوم برياني بالدجاج بطريقة سكره يارب يعجبكم
المقادير:
1- خلطة خاصة من صنع يدي اعملها خاصة بالبرياني(التتبيلة) اللي حاب يعرف مكوناتها راح اذكرها بموضوع منفصل ان شاء الله بس عادي تستخدمي خلطتك الخاصه ههه
2-دجاجه مقطعه
3- بصل عدد 3 مع 6 فص ثوم مفرومات
4- بطاطا وجزر وبطاطا حلوه
5-ملعقة معجون طماطم
6-زيت زيتون
7-زعفران مع ماء ورد ولون للاكل ونتركهم عشان يكسبوا اللون
8-عدس اصفر منقوع قبل بساعات وصنوبر وزبيب
9-بصل عدد 3 حبات مقطعات شرائح
الخطوات:
قبل كل شي نجيب الدجاج ونحط عليه خلطة التتبيلة ونحطه في الثلاجه لمدة ساعة يتشرب النكهه
10-نشوح البصل والثوم لحد مايتغير لونهم
11-ونظيف عليهم ملعقة صويا ومكعب ماجي والزعفران وماء الورد
12-نحط شوية من خلطة اللي عملتها للبرياني (التتبيلة)+ملعقة معجون طماطم
13-نقلي كل من البطاطا والبطاطا الحلوه والجزر
14-نظيف رقم 13 على خلطة البصل ونقلبهم
15-نسلق العدس وبعدين نقليه مع الصنوبر والزبيت ومانتركه عالنار كثير وبسرعه نشيله ونحطه على جنب
16-نشوح البصل المقطع جوانح لحد مايغمق لونه ونحط عليه خلطة العدس والصنوبر والزبيت وتحليه على جانب
17-بعد ساعة نطلع الدجاج ونقليه نص قلية
18-نحط الدجاج على طول في الفرن يستوي
19-اول مايستوي الدجاج على طول نحطه على خلطة البصل ونقلبه
20- والرز طبعا الكل عارف طريقته نسويه زين ونحطه على خلطة البصل والدجاج ونرش بعض اللون ونغطيه ينشف
21- وهذا الطبق صار جاهز