بعد ما شاب ودوه الكتاب

ام البارقي

14-09-2022 - 10:02 am

سلام
يابنات انا ودي ارجع اكمل دراسه انا متخرجه من الثانويه قبل سبع سنوات قدمت على الكليه اول متخرجت وقبلوني انتساب بس مارحت وسحبت ملفي واخذت دبلوم سنتين حاسب برمجه بمعهد خاص الحين بكمل دراسه من وين ابد ماعندي خلفيه ربي يسعدكم ويحقق امانيكم وسمعت ان الانتساب بفلوس مو مثل اول مجاني

التعليقات (9)

ام البارقي

14-09-2022 - 01:13 pm

على فكره انا ابي انتسب ماقدر انتظم لان عندي اطفال

ام امتنان

14-09-2022 - 02:14 pm

ياقلبي عاديالله يوفقك
انا نفسك انقطعت من 7سنوات والحين ادرس منازل ثالث متوسط
يعني المشوار طويل الله يعدي على خير
حنا بزمن الشهادات لها دور

ام البارقي

14-09-2022 - 03:15 pm

ام امتنان
ربي يسعدك ويحقق امانيك
وفعلا كلامك صحيح ياعسل

ام البارقي

14-09-2022 - 04:16 pm

ماحد عنده خلفيه ابي اكمل حاسب ؟

تغريد وقلبي حديد

14-09-2022 - 05:17 pm

اشجعك وبقوة
انا لي 5 سنوات متخرجه من الثانوي ومثلك بالضبط اخذت دبلوم حاسب
والحيت سجلت بجامعه الامام انتظام انجليزي عسى الله يسهلها علي بس طبعا قبلوني واسطه ههه
فيه تعليم عن بعد الترم اتوقع 3 الاف وشوي
انصحك تتمسكين بدراستك لان هذا زمن الشهادات زي ماقالت الاخت الي بالرد الي فوق
بالتوفيق

ftft

14-09-2022 - 06:18 pm

اه اه اه جبتيها على الجرح انا منقهرة من خريجة عام 1426 1425 واتمنى ادرس واخذ الجامعة اتعقت بسبب الظروف المسؤلية والاطفال من اخليهم عندة درست سنة بالامام ووقفت بسبب الاطفال اه والى الان ملفي عندهم اكيد انطوى قيدي بس سمعت انو في استعادة قيد اتمنى ادرس وسمعت بجامعة فيصل فية انتسباب الي بالاحسا وتختبرين بنفس المدينة اه واتمنى اتوظف ليش ماكملتي من بدايتك افضل لك اذا مافي عندك اعاقات

شادن القاسمي

14-09-2022 - 07:19 pm

الدراسة من اساسيات الحياة الترم هذا راح عليك الترم الجاي ادخلي وشوفي موقع جامعة الملك فيصل الانتساب المطور بالفين وخمسمية الترم الواحد وعندك جامعة الملك عبدالعزيز بثلاث الاف وعلى فكرة الانتساب المطور الاختبارات بالمنطقة اللي انت فيها

,,’’كيوووت الكل’’,,

14-09-2022 - 08:20 pm

سلام اختي جبتيها على الجرح والله انا مثلك بالزبط لي 7 سنوات متخرجه ودي اكمل انتساب بس والله احس خايفه
مدري اكمل انتساب او ادرس دبلوم محتاره وندمانه على الايام اللي راحت من دون ماستفدت من شهاده تنفعني
مسؤليه البيت والزوج والطفل تنسيك نفسك ومستقبلك .......وش رايك اتوكل على الله واسجل بالانتساب لان بدا في
جامعة الملك عبدالعزيز

ام البارقي

14-09-2022 - 09:21 pm

تغريد وقلبي حديد
الله يوفقك يارب ويسهل عليك
مابي بفلوس اذكر قبل كم سنه سجلت بكليه اعداد المعلمات اعتقد اسمها كذا المهم الي عند اسواق بن دايل ههه
<<ولا تبي تدرس ومو عارفه الاسم
المهم شرعيه اسلاميه انتساب بدون فلوس بس صارت عندي ضروف وماقدرت اروح للاختبارات
والحين ابي حاسب مدري وش اسوي

لكل اللي عندهم طفل بعمر ولد يدرس تمهيدي يدخل←
اختبار القدرات لخريجات كليات التربيه هالسنه→