لكل اللي عندهم طفل بعمر ولد يدرس تمهيدي يدخل

لا الله الا الله
ان شاء الله الاخوات يساعدوك

أولا ربنا يخليلك ولدك وعقبال الجامعة أنا حرد عليكي بالنسبة لسن دخول ولدك للصف الأول
طبعا ممكن يدخل ولدك على عمر خمس ونص أولى بس لازم يكون دخل تمهيدي ولازم يعدي أختبار
طبعا الإختبار حيكون عبارة عن الاساسيات يعني نطق الحروف التعرف على بعض الحروف اللوان الأشكال بعض السور واشياء زي كدا
طبعا كل الأهالي حيحاولو يدخلو اولادهم تمهيدي بدري عشان يدخل بدري بس أنا نصيحتي انو كل ام أدرى بولدها وسرعة التعلم عندو والحفظ والإدراك عندو لأنو كل طفل يختلف عن الثاني فانا أنصح تدخليه تمهيدي الآن وطبعا انتي حتلاحظي عليه لو ولدك ما شاء الله بسرعة كان يتعلم ويحفظ الآيات يعني بالعربي كدى ماتحسي إنو يتعبك عشان يحفظ أويتعلم كتاية الحروف والأرقام وغيروا على نهاية السنة إطلعي على مناهج أولى وإنتي أحكمي هل يقدر يستوعبها وماتكون صعبة عليه عشان مايحس إنو أقل من أصحابو فلو حسيتي إنها سهلة توكلي على الله وسجلي أولى لمن يكمل خمس ونص لكن لو حسيتي إنو ولدك لا يبغالو تركيز أكثر وإلى الأن لم يتمكن مظبوط فعيدي التمهيدي له مرة تانية
هدي نصيحتي لكل أم عشان مايكون حماسنا عشان ندخل أولادنا صغار هو الأول بل لازم نحكم على مستوى أولادنا ونشوف هل يقدروا او لا عشان مانحطهم في تجربة صعبة عليهم تحسسوا إنو أقل من إلي معاه في الفصل وهدا يترتب عليها أشياء كتيرة أولها كره الدراسة
طبعا هدا من خلال تجربة زوجي وهو معلم إبتدائي ولا حظ إنو في أباء يحاولو يدخلو أولادهم صغار وعند بداية الدراسة يلاحظ الفرق لانو كل طفل لو قدرات وإدراك يختلف عن الباقي
أتمنى أكون أفدتك بشي دعواتي لكي بأن يحفظ الله لك ولدك

لا اله الا الله