بليز يالسنعات عرووسة محتاسة

روحـ آنثى

10-11-2022 - 07:40 am

السلام عليكم ورحمة الله وبركاته
صباحكم / مسائكم فل ونرجس
إن شاء الله كل أبووكم طيبين
فديتكم يا أحلى فراشات بليز ساعدووني اليوم حسوي سحوور وهو أول مرة أطبخ << عرووسة
ومررة مالي ف الأطباق الرئيسية
ودي تسااعدووني
ولكم دعوة بطهر الغيب
(( لا إله إلا الله وحده لا شريك له .. له الملك وله الحمد وهو على كل شي قدير ))

التعليقات (9)

الذليله الى الله

10-11-2022 - 09:55 am

بصراحه طمعت في دعوه الغيب ماحبيت أدخل وماأرد
بس ماوضحتي بالضبط وش بغيتي نعطيك أطباق رئيسيه ولا نعطيك الطريقه
أدا حبيتي نعطيك أطباق كبسه لحم أو كبسه دجاج
شوربه خضار أسهل شوربه
سمبوسه ... طبق حلى
سله فواكه وماء وعصيرات

شذا عطرك ^_^

10-11-2022 - 10:56 am

مكرونه بالباشميل << اسهل شي ومافيه احد مايقدر يضبطها (:

روحـ آنثى

10-11-2022 - 11:57 am

فدييتك يالغلا
ومشكورة ع الرد
أبي طريقة الباشميل بالتونة
وكبسة دجاج لا هنتي غير المندي والسليق
الحلويات الحمدلله أعرف بعضها
وربي يسعدك دنيا وآخرة ويحقق لك آمانيك ياارب ويحفظ لك كل غالي ع قلبك
ومشكورة

الذليله الى الله

10-11-2022 - 12:58 pm

طريقه كبسه الدجاج
تاخدين بصل وتحمريه مع زيت للين تحسي لونه ذهبي تحطي عليه الدجاج وتقلبيه لمده 10 دقليق أو ادا حسيتيه اخد من لون البصل ...
وتحطي عليه الطماط تقطيع ناعم وفلفل بارد ادا داب الطماطم حطي عليه ملعقتين صلصل وحطي البهارات اللي عندك صحيحه ومطحونه حاولي تخلي البهار ناطق حرارته لان يخلي الكبسه مايحتاج بعدين غطي الدجاجه بالماء لمستوا أرتفاع الدجاج ...
لاتحطي ماء كثير وخليها تغلي ساعه الا ربع او ساعه
وطول الفتره هده منقعه ألارز أشخليه من الماء وشيلي الدجاجه وحمريها وادا تحبي أقليهاا
وحطي الرز مكان الدجاج
طبقيها وقولي لي رأيك

**القلب الطيب**

10-11-2022 - 01:59 pm

ماشاء الله البنات ماقصرو معاك الذليله الى الله وفت وكفت
واذا احتجتي شي لايردك الا الكيبورد >>> للتذكير تري يسموني منال العالم نمر تو ههه اقوى شي

نـــــــوني

10-11-2022 - 03:00 pm

طريقة الرز الابيض
اولا قطعي بصله مع شوية ثوم واحمسيها بالقدر مع شوية زيت وحطي الدجاج عليها وبعدها المويه الحار لحد مايستوي الدجاج
بعدين يكو الرز مغسول ومنقوع ضيفي عليه الرز بس لاتكثري مرقة الدجاج لحد مايغطي الرز ب سم واحد واضيفي معه نص لبن وشوية ملح
واقلي الدجاج او
ادهنيها شوية صلصه ودخليها الفرن
وبالعافيه

الذليله الى الله

10-11-2022 - 04:01 pm

طريقه المكرونيه بالباشميل
أسلقي المكرونيه مع ملح وملعقه زيت
وسوي حشوه لحم مفروم قطعي بصل ناعم وقلبيه مع زيت للين يشقر حطي اللحم المفروم معاه بقدونس ناعم وفلفل بارد
وبهارات ناعمه ولاتنسي الليمون الاسود فيها وخليه للين يستوى وينشف
وسوي الباشميل
3 كاسات حليب ندى او أي حليب يمكن أستبداله (3 كاسات ماء مع5ملاعق حليب جاف )
3 ملاعق طحين .. ملعقه كبيره زبده .. ملعقه كبيره جبن ... ملح ... فلفل أسود ... عند الرغبه بيضه
طبعاً تدوبيها قبل لاتحطيها على النار وادا حسيتي أنها كثيفه ضيفي عليها من الحليب أو ماء
الطبقه الاولى / حطي خليط من المكرونيه ومع قليل من الباشميل
وملاحظه ( حاولي تصير الطبقه ضعيفه مو رفيعه )
الطبقه الثانيه / حشوه اللحم المفروم مع قليل من الباشميل
الثالثه / مكرونيه مع باشمييل غطي الوجه بالباشميل
وادا تحبي أبشري عليه جبن تشدر
دخليها الفرن من تحت عشر دقليق الى ربع ساعه
وحمريها خفيف
وبسس

شعلولة حمودي

10-11-2022 - 05:02 pm

بنات طيب انا الخلطه حقت الباشميل مره ماتزبط معايا
حتى العجينه حقت السنبويه كم موضوع دخلته واطبق زي مايقولون
بس كلش كلش تكون لينه وتلصق بيداتي

om.yara

10-11-2022 - 06:03 pm

الباشميل ,,, طريقتي المعتاده وتزبط ان شاء الله معاكي 100 %
عبي جك الخلاطه مويه ل 3/4
وحطي 6 ملاعق حليب و 6 ملاعق دقيق ومكعب ماجي وشوي ملح وفلفل اسود وشغلي الخلاط عليه
بعدين صبيه في قدر على النار وحركيه لين مايغلظ على نار وسط
واعملي اول طبقه في صينيه مكرونه
وثانيه طبقه كشنه تونه <<< زيت على النار وبصل وثوم وطماطم مفرومه وشوي ملح وفلفل اسود ومكعب ماجي وحطي علبه تونه عليها
وخلاص
وطبقه ثانيه فوق التونه مكرونه وفي الاخير صبي الباشميل
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,
وشوي وشوي بتتعلمين حبيبتي وافتحي المنتدى مليان وصفات وكل يوم طبقي وحده لين ماتظبط معاك

سمبوسه←
طلب مساعدة→