بنآت مين مثلي مليت رومنسية زووجي

صباح\ مساء المحبه والرضا
بنات بحكي لكم شوي عن زوجي
بس قولو مآشآء الله تكفون
زوجي رومآآآآآآنسي مره
طفشت منه ومن رومآنسيته
اكيد بتستغربون كلامي
يحب كل ماطلع للدوام او خرج حارج البيت
يكتب لي على المرايه عباره حب او وله
يكتب بطاقه يلزقها على مدخل الباب
القاه يحط لي دايم عندي راسي ورده
جووري كل يوم لون من اول ماتزوجنا
على هالحال لاتفكرونا معاريس ترى صار
لنا 6 سنوات ماشاء الله
الفطوور دايم هو يحب يجهزه ويجيبه
لحدي في السرير وطبعا لازم يأكلني بيده
ومع الفطوور ورده كمان
يلبي كل طلباتي لو طلبت السوق اخر الليل
نزلني لو اطلب لبن العصفور جابه لي
اي طقم ذهب او الماس او تايور او فستان
بمجرد اناظر فيه في المحل على طول يدخل يجيبه
شغل البيت مامسكه ابد ولاني ماحب
الشغالات هو يشتغل يغسل ويكنس
بس الطبخ علي لانه مايعرف
يقول مابي يدينك الناعمه تخرب من شغل
البيت ابيك زي التحفه قدامي
لاتفكرونه ضعيف شخصيه بلعكس
شخصيه قوويه في عمله ورجل اعمال ناجح
ولكن لمى يدخل البيت يتغير كل شي
الرجل الطموح الناجح القووي يضعف بمجرد
مايشوف عيوني...طول ماانا اكل او اشاهد
TV وهو يناظر فيني يقول احب اتأملك
كل شوي يعطيني بوسات وانواع الدلع
وانواع السفرريات لكل مكان
يحب يدللني مره....لو اقول لكم
انه اكثر رجل رومانسيه في العالم ماتصدقوني
اذا زعلت منه طبعا مايزعلني بس انا احب
ازعل عشان اشوف غلاتي شيسوي؟؟
مره جاب بروجكتر وقفل الانوار وحط اضائه
رومانسيه وفواحات وريحة الجو واو
والجوو بارد وانواع الورد في الصالون
وشغل البروجكتر مسوي عرض لصوري
كلها وكاتب فيها انواع الحب والاعتذار
ومن غير طلعات للفنادق والمطاعم
تخيلو عاد مرره كنت طفشانه
وضايق خلقي سافرنا واحنا مو مجهزين
للسفره على طول حجز وعلى النمسا
يقول مابيك تتكدرين مابي اشوفك
متضايقه
دايم اذا جيت انام لازم ينوومني اول
بعدين ينام هوو مستحيل ينام وانا
لسى مانمت يقول مايطاوعني قلبي
يجلس يحكيني حدووده لحد ماانام
اذا كنت في العمل يرسل لي هدايا
ورد....شوكلت....بطاقة دعوه للغدا...
بس انا مليت من هالرومانسيه
ابي اعيش زي الناس عادي
:
:
:
:
:
وفجآه صحيت من احلام اليقظه
على صراخ ولدي قال قومو انقلعو برى
وطلعت الرومآنسيه على اصولها
وش رايكم بس عيشتكم جوو؟
الحين من بدايه الموضوع تقولون يابختها