بنات ابي انحف بس ماني عارفه كيف

الفراشه البنفسجيه

11-04-2022 - 06:37 am

بنات الله يوفقكم ابي انحف قبل رمضان بس فيني مدري تقولون كسل قلة اهتمام ابي شيء يحمسني للتمارين والمشيء
والله كل ماروح للسوق اعزم وارجع اشوف الاكل ابطل ابي احد يقولي على طريقه اسويها ابتديها بالتدريج وبقناعه اني انحف
والله اني متقرفه من شكلي بس احمد ربي واشكره
ابي على الاقل لو 10 كيلو
ابي احد يمشي معي خطوه خطوه رجيم او تنافس خواتي كلنا متزوجين واجسامنا مش زي بعض وبهم بعيدات عني يعني صعبه امشي معاهم رجيم ومشغولين بحياتهم
جاراتي مالي جارات
الدكاتره مايحمسون ابد تقط ورقة الرجيم بوجهي وتقولي تعالي بعد اسبوع لا وبنفس خايسه بعد
يعني مالي الا الله ثم انتم ابي تجاربكم وخبراتكم
تكفون

التعليقات (7)

ام رائد المزيون

11-04-2022 - 08:55 am

حبيبتي اهم شي بطلي الكاكاو والبيبسي واستبدليهم بالاكل العادي والماي
وامشي كل يوم لو نص ساعه بس وشوي شوي بتعودين اصلا اول ماتقطعين عن البيت البيبسي والكاكاو الكيك الحلى بتحسين بالفرق من اول يومين

الـغـلا مـنال

11-04-2022 - 09:56 am

يابعدي انتي مثلي
انا كنت كذا وماعرف احد بس روحي شوفي مواضيع هنا وانظمي لاي موضوع فيه بنات يحبهم قلبك وتفرحين انك معهم كل وحده تهاوش الثانيه اذا اكلت ووناسه ونمشي على نظام
انا كنت يوم اجي عندهم 77 والحين الحمدلله 69
ما شا الله
والحين باستمر الى اوصل اللي ابيه بس الله الله بالعزيمه والاراده ووالمشي مع اي نظام تختارين شوفي الروابط هذي انا معهم كلهم واقول لهم انا معكم وانا اخربط ساعات
وان خربطت عدته الاسبوع اللي بعده
وعلى هالطريقه
http://alfrasha.maktoob.com/showthread.php?t=480727&page=226
وهذا موضوع اخر
http://alfrasha.maktoob.com/showthread.php?t=561917
وكل يوم قلبي بالمنتدى وشوفي نسيت اقول لك اشربي شاهي يوميا مكون من
نعناع وكمون وزنجبيل وشاهي اخضر
ملعقه من كل نوع وتصبي عليهم مويا حاره وبس لايغلي مو لازم اذا غلى الما صبي على الابريق وبس يعني لا يطبخ>>>مدري فهمتيني او لا
واشربي ثلاث اكواب يوميا قبل الوجبه بنصف ساعه وان نسيتي قبل الوجبه اشربي اول ماتتذكرين
واذا ماصار عندك شاي اخضر حطي ليبتون واحد شاي اخضر مع كل كاس
ياليت فهمتي علي وبالتوفيق واسفه على الاطاله

الـغـلا مـنال

11-04-2022 - 10:57 am

كم وزنك؟

الفراشه البنفسجيه

11-04-2022 - 11:58 am

ام رائد المزيون
حبيبتي وويني ووين الببسي مش يوميا الحمد لله والا يطري على اصلا اشربه الا اذا مريت مطعم
الغلا منال
حبيتك من اسمك اعز صديقه وفيه لي بهالدنيا واسمها منال على اسمك
تبين وزني 85 ابي اوصل لو لل70 انا بخير
بجد راح احاول

عذاري&&

11-04-2022 - 03:01 pm

الموضوع سهل ..
بس حطي لنفسك نقطه البدايه وابدي..
رح تتعبي ورح تنحرمي من الاشياء الي تحبيها ...<<محرومه من الهمبرجر والشوكليت
لكن مع الحرمان رح توصلي للوزن الي تبغيه ومع الارداده ولمن تشوفي نفسك خسرتي كم كيلو رح تتشجعي وتكملي ..مافي شي من غير تعب ..
سوي الرجيم الكيميائي معانا والله رح تنزلي بسرعه ومن غير تعب كثير,, انا مجربته واذا حابه حيااك معانا بمجموعتنا ...
http://alfrasha.maktoob.com/showthread.php?t=547174

همسةالروح

11-04-2022 - 04:02 pm

انا مع راي البنات بتتعبين شوي وبتنحرمين من اكلات حلوه بس النتيجه اللي بتوصلينها اذا نزل وزنك بتكون احلى ومافيه شي يجي بسهوله لازم تعب وحرمان واراده قويه ابتدي من الان لان رمضان باقيله 4اشهر فيه وقت لينزل وزنك بس انت تحمسي وشدي حيلك في البدايه صعب بس بعدين بتتعودين وبالتوفيق

R O F I D A ~

11-04-2022 - 05:03 pm

حاولي في البدايه انك ما تاكلي بعد ساعه سته ,,
وابتعدي عن الدهون والحلويات واشياء المعروفه اللي تسمن ..
وخففي من أكلك .. وبس وإن شاء الله تنحفي ..
بالتوفيق للجميع ..

معاناتي مع وزني اللي فوق ال100 يدخل عشان يتحمس←
سوبرماركت الصين خشوا كلوا→