بنات الرياض الأمورات ساعدوني بأفضل نادي رياضي

فراشه ملفوفه بقماشه

08-05-2022 - 07:27 am

اهلين بنات ...وشلونكم ...مع الاجازه ...
ابغى اعرف افضل النوادي الرياضيه النسائيه الموجوده بالرياض ...
واهم شئ انه يكون فيها مسبح نظيف
وشكرا مقدما
والله يوفقكم جميعا

التعليقات (6)

دمـ ع ـهـ

08-05-2022 - 11:04 am

شوفي حبيبتي بصراحه مركز الامير سلمان روعه بس مشكلته الزحمه فيه والاحلى الممشى عندهم تمشين ساعه ماتحسين ابدا بالمشي المكان حلو
وفيه بعد نيهورايزن كثير يمدحونه
انا صراحه جربت مركز الامير سلمان بس تركته لانه بصراحه بعيد مره عن بيتي ومايحتاج اقولك عن زحمه الرياض
وبالتوفيق يالغلا

بنت الناس الطيبين

08-05-2022 - 12:05 pm

أنا معاكم أحتاج نادي ويدخل أطفال مشكلة نادي الأمير سلمان ما يدخل أطفال

بنت الناس الطيبين

08-05-2022 - 01:06 pm

نهورايزن هو المعهد ؟ وفي أي فرع ؟

miss_smilie

08-05-2022 - 02:07 pm

مركز الامير سلمان
فيه بعد واحد اسمه العالمي بالسويدي
فيه مسبح

الـــ شــهـــــد ــعسـل

08-05-2022 - 03:08 pm

حبيبتي ماانصحك تروحين لمركزسلمان
انا اشتركت فيه ماتلقين احد يساعدك ولا يهتم فيك انت روحي دبري نفسك واجهزه شويه وزحمه
والمسبح قرف الي فيه يلعبون رياضه ويجونك معرقين ويطبون في المسبح
احلى شي عندهم الممشى بس
غير كذا لا
والله انا اسمع عن مركز التخصصي كثير يمدحونه
انا الحين مشتركه في اوباجي حلو ومرتاحه فيه بس مافيه مسبح

فراشه ملفوفه بقماشه

08-05-2022 - 04:09 pm

دم ع ه
نادي الامير سلمان اعرفه ومجرب ابغى غيره ..طيب وين مكان نيهورايزن...
والله يعطيكي العافيه ويسعدك ...
بنت الناس الطيبين
اهلين ..صح ياليت فيه حضانه او مكان العاب للاطفال علشان مرت أخوي ...وشكرا لمرورك
miss_smilie
السويدي مرا بعيد ...بس ابشوف ..شكرا والله يوفقكي
ال شهد عسل
صح مركز الامير سلمان زحمه ....ابغى مكان رايق وهادئ ...
ابشوف مركز التخصصي ..شكله حلو ....خساره اوباجي مافيه مسبح ونا اهم شئ عندي المسبح ...
الف شكر لك والله يجزاكي خير
وشكرا لكم جميعا نفرا نفرا ...
لكن اريد المزيد ....ابغى اجمع معلومات اكثر...

اللي تعرق رجيم التمر والحليب تفيدني لاتهون←
ريجيم 19 كيلو ب3 أسابيع مين يشارك→