بنات انا حامل تعالوا اقولكم وش صار للي تبي الحمل

1. المهم احب ابشركم اني حامل والحمد لله يارب


2. وراجعتها 3ايام وماعاد رحتلها

اهلين ياعسولات كيفكم؟؟
مره وحشتوني لي فتره مادخلت المنتدى
جتني شويه ظروف

المهم احب ابشركم اني حامل والحمد لله يارب

بس امانه ادعولي ان الله يتمم علي بخير يارب لاني خايفه يطيح مثل حملي الاول
وعقبالكم ان شالله يارب ياكريم يارحمن يارحيم ياحي ياقيوم يارب العالمين يارزاق يا وهاب ياذو الجلال والاكرام يارب انك ترزق اخواتي في منتدى الفراشه ولكل من تاخرت في الحمل يارب انك ترزقهم الذريه الصالحه عاجلا غير اجل يارب العالمين امين
بقولكم سالفتي للي مايعرفها بصراحه؟؟
طبعا انا لي سنتين وكم شهر من تزوجت ماحملت الا غير مره وطاح وماتم الحمل والحمد لله طاح في الشهر الثاني
طبعا يوم كملت 9شهور من زواجي قلت لزوجي بروح اسوي فحوصات
رحت لدكتوره وعملتلي فحوصات منها تحليل الهرمونات وسونار للمبايض وشافت الرحم قالت رحمي الحمد لله زين
بس طلع عندي تكيسات بسيطه على المبايض وقالت هرمون الحليب شوي مرتفع
وعطتني العلاجات اكلت حبوب التكيس وتابعت فيها وحبوب الهرمون مره تعبتني وتركتها من نفسي يعني اسبوعين وتركتها وقلت خلاص ماراح استخدم اي شي واللي كاتبه ربي بيصير
وجلست3شهور بدون علاجات وطلعت حامل بعد شهرين بدون علاج مع المداومه على الاستغفار
ومره بصراحه فرحت وطرت من الفرحه انا وزوجي حتى بكيت لمن عرفت اني حامل لدرجة اني حللت والدوره ماجا موعدها يعني حللت قبل الدوره بيومين لاني كان عندي احساس اني حامل والحمد لله ماتم الحمل الا شهرين وحصل معي نزيف واخذت مثبتات وارتحت بس اللي الله كاتبه صار طاح وحزنت وجلست فتره نسيت الموضوع وقلت ان شالله خيره
بعد سنه وكم شهر تقريبا رحت لممرخه قالتلي عنها وحده ومرختني قالت عندك الرحم مايل

وراجعتها 3ايام وماعاد رحتلها

وعطتني جزاها الله خير عسل واعشاب بس الصدق اني مااكلت منها الايومين بس
وكملت 9شهور تقريبا وماحملت بعد التسقيط وكلي امل بالله اني احمل واتحطم بس الحمد لله على كل حال مابعد الله يامر بحملي وكنت استغفر الله كثير بكل وقتي وحتى وانا اشتغل طبعا كلام الناس ضايقني من اهل وصديقات كنت اتعذر ان بدري على الحمل لين اخلص دراسه لاني طبعا ادرس بالجامعه وقسمي شوي صعب ويتعب بنفس الوقت
راجعت في مستشفى الحبيب وبعد مراجعات سويت تلقيح صناعي وكنت حاطه امل اني حامل بعد التلقيح ولكن للاسف مانجحت العمليه وحزنت الحمد لله
المهم جلست شهر وانا احاول بزوجي يروح يحلل ويكشف وبالموت وافق وراح حلل طلع عنده ضعف قليل في العدد والحركه سببها الدوالي
وعطاه الدكتور علاجات وفيتامينات واستمر عليها 3شهور ومل منها وقال خلاص ماراح استخدك شي وماخلينا شي من حبوب ومواد طبيعيه الا سويناها واكلناها والدكتور الفلاني والدكتوره الفلانيه وطفشنا واخر شي عمل زوجي عملية الدوالي
طبعا بنفس الشهر اللي سوى فيها زوجي العمليه كانت الدوره علي تكرمون
وعطتني اختي الشهر اللي بعده خلطه استخدمتها من ثاني يوم من الدوره لان هي استخدمتها وحملت على طول مشالله ونفس الشي ثنتين من صديقاتها استخدموها وحملوا نفس الشهر بعد اراده الله سبحانه
طبعا مانسيت الاستغفار والدعاء في الصلاه واخر الليل وبين الاذان والاقامه
وطبعا نسيت الحمل مرره ماجا على بالي لان مريت باختبارات وتعب وبعد عملية زوجي ب3اسابيع تقريبا توفت ام زوجي الله يغفرلها يارب ويرحمها ويسكنها فسيح جناته يارب ومرينا بحزن خاصة زوجي ونسيت الحمل
بعد شهر من عملية زوجي حملت والحمد لله يارب على هذي النعمه يارب العالمين
وماتوقعت اني حامل ابدا يوم سويت التحليل المنزلي قبل الدوره باسبوع لان كان يجيني خمول ونوم وكثرة تبول غبر الالام اللي بظهري وببطني
وطلع لي الخط الثاني مره خفيف وطرت من الفرحه وعلمت زوجي قال خليها لين الدوره تعدي ونحلل دم علشان نتاكد احسن
طبعا ماصبرت بعد يومين رحت حللت دم وطلعت حامل والحمد لله يارب على هذي النعمه
طبعا ماتصدقون شلون انا تعبانه والله العظيم وغير المغص اللي ببطني وظهري وربي خايفه يطيح زي الاول عطتني الدكتوره مثبتات وان شالله احاول ارتاح ويارب يارب يابنات امانه ادعولي ان الله يثبته يارب ويتمم حملي بخير وعقبالكم يارب ويكمل فرحتي وفرحة زوجي بشوفة البيبي
حاسه اني طولت عليكم اسمحولي ياعسولات يااخواتي
بس جد يابنات عليكم بالاستغفار والدعاء باوقات الاستجابه
والمداومه على قراءه القران وانسوا الحمل وان شالله تبشروني بالحمل يارب
استغفر اله واتوب اليه