بنات بليز ابي فكرة حلوة حق عرسي ابي شي غريب بليز

ما حددتي في العرس نفسه والا فشكلك انتي
حددي عشان احاول اساعدك والله يوفقك

اولا شكرا ام لماوي بس انا ماقصد في شكلي لا اقصد الطاولات ابيها تكون غريبة ببساطتها وطريقة الدخلة ابي شوي حركات غير المعتادة الاهم عندي الطاولات ابي يكون شي مميز في العرس والكوشة انا خلصت منها وهي عاجبتني واايد وعشان تعرفين اكثر لون الكوشة ذهبي وتفاحي على طريقة الاسطورة

شوفي انا بقوولج على الافكار الي بسوييهم بملجتي ..
هذي فكره حق طاولات البوفيه بس تقدرين تسوينهم حق طاولات العرس لانه احنا بالكويت مانحط طاولات العرس يصير مدرجات
المهم
الطاولات راح يصير نظامهم بحري .. راح احط عليهم مفارس زرقا و فوقهم شيفون ابيض و فوق الشيفون شبك صيد و بلزق عليه قواقع و محار كبار و فوق كل طاوله حوض سمك و داخل الحووض صخر و زرع و بطل ماي ملفوف بشبك صيد
السيرفس راح يكون فندقي و خيطت لهم لبس حق تقديم البوفيه
راح يلبسون بلوزه بيضه نص كم و ملزق عليها قواقع و نتوره قصيره و لافه عليها وزاار
نفس الشي البوفيه راح تكون طريقته بحري و بين الاكل راح اوزع احواض سمك كبيره
اما بالنسبه للحفله مافكرت بأي شي ليلحين بس سويت لبس حق السيرفس(الفلبينيات الي يقدمون) نفس لون كراسي الحفله و طريقه وايد حلوه و غريبه
اي
تذكرت راح اقولج على طريقه حق الدخله
اكو بمحلات الالعاب يبيعون مثل اعواد اذا طفيتي الليت يشبوون بألوان فسفوريه حتى تقدرين تاخذينهم و تسوين منهم اشكال
ييبيهم و قبل لا تدشين خلي وحده من خواتج تاخذ من الاعواد و تقصهم و تكت السائل الي فيهم على الارض و المكان الي راح تمشين عليه ...
لما تطفين الليت راح يشب و يصير شكله وايد وايد حلو .. هذي فكره غريبه شفتها بملجه توني حضرتها
اتمنى اكون قلتلج اشياء تفيدج و الله يوفقج .. لا تنسين تعزميني ههه

أختي .. بقولج كم حركه حلوة سويتها في ملجتي " عقد القران " .. اتمنى يعجبونج
1- اخذي لج ورد طبيعي أو صناعي شكله حلوو و حطيه داخل الكاسات و في الكاسات حطي عصير ليمون
والله والله يطلع المنظر رهيب و جديد .. حتى كاسات المعازيم تقدرين تسوينهم
**********************
- حطي في الصاله اللي بتكونين فيها طاوله حجمها كبير شوي .. و حطي فيها شمووع بأشكال
و الوان مختلفه و نثري على الطاوله بتلات ورد و تقدرين تحطين قفص ذهبي فيه عصفورين
و في مقدمه الطاوله قرآن مفتوح على سورة الرحمن "عروس القرآن "
***********************
- سوي لج 100 او 200 حبه حلاوة .. مغلفين بطريقه حلوة و جذابه بشرايط و خرز
و ورق مقوى ...الخ و وزعيها في سلال على قد الطاوله و اذا صديقاتج سلمو عليج اعطيهم من هالحلاوة
و تقدرين تاخذين افكار اشكال الحلاوة من الصور

- لا تنسين تحطين على بيتكم زينه ترى يعطي منظر حلو
و يبين بيت معاريس و يلمع بيتكم بين البيوت ههه
******************
- الدبل حطيهم في شيء مميز .. مثلا شجرة غصون .. علبه راقيه و شكلها حلوو
***********************
- حطي صحن صغير فيه عسل و بعد تلبيس الدبل اخذي شويه عسل بالاصبع الاخيرة
الصغيرة و خلي زوجك ياكله و هو يسوي لج نفس الشيء (( يقولون تخلد الحب و تخلي ايامهم
عسل و سكر ))
5- حطي لج وعاء معدني حجمه متوسط و حطي فيه ماء ورد و بتلات ورد و غطسي رجلينج فيه
يبارك لج و يعطي شكل حلو "طقوس هنديه " تقدرين تسوينها بنهايه الحفله و تصورين
************************
هذه الحركه حلوة
تقدرين تسوينها في اليد او الرجل
**************************
و هذه باقات غريبه شوي
بس رائعه و مميزة و تقدرين على الخيش تحطون اكسسوار
او قطع شك من نفس الفستان
**********
و هذه باقه ورد مع ريش

حصلت موقع هندي ..
فيه باقات زواج بس غريبه .. بس بعرضها
يمكن تعجبج حركات للكوشه
و الله يبارك لكم ..

http://www.alfrasha.com/showthread.php?t=40948
اختي هذا موضوع انا كتبته ان شاء الله اكون افدتك بشي

بصراحة يا نمولة أفكار حلوة وتسلم إيدك

والله ماقصرتوا يافراشات وتسلم ايدكم وخذت افكار حلوة وان شالله اسويها وتعجب الجميع......شكرا...