بنات شاورما لحم وشاورما دجاج سهله جدا من مطبخي بالصور

السلام عليكم شلونكم فراشات
سويت شاورما لحم وشاورما دجاج سهله جدا طبقين تفيدك بالعشا
انا سويتهه وطلعت طيبه واتمنه تعجبكم صدكوني طعمهه رائع
شاورما دجاج
طبعا تستخدمين دجاج بدون عظم اما تجيبين صدور مسحبه او تفلسين الدجاج
تسلقين الدجاج وبعد مايستوي تحمسين بصله صغيره وتحمسين الدجاج وتتبليه بشويه كاري ورشه فلفل اسود وبالأخير تضيفيله ملعقه اكل كبيره مايونيز وتخلطيه
وتحضرين بطاطس مقليه تفرشيهه بطبق وترشين الدجاج فوكاها وتكون جاهزه للاكل
انا سويتهه بالصوره وزينتهه بقليل من الكجب وطرشي الخيار
شاورما اللحم
تقطعين اللحم شرائح طويله او حسب الرغبه تثرمين بصله صغيره وفصين ثوم ثرم ناعم تخلط مع اللحم ويوضع في قدر وقليل من الزيت ويضاف خل وعصير ليمون ونص كوب ماءبحيث كميه العصير والخل والماء لاتزيد عن اللحم تكون تغطي كميه اللحم بس مو اكثر طبعا بنات عصير الليمون والخل راح يخلي اللحم يستوي بسرعه
بس اللي ماتحب الحامض الزايد تقلله وتضيف بداله ماء وبعدهه تضيفين رشه فلفل اسود
تحطين اللحم على نار متوسطه لحد ماينشف الماء وتبقيه يحمس شويه وبعدين يكون جاهز للاكل
هذا شكله انا سويته اكثر من مره
اتمنى يعجبكم وبألف عافيه