بنات مين تعرف مدارس اضواء الرياض تدخل مشكورة

والله ماكان هذا العشم يافراشات وين الردود
اللي تعرف شيء ترد ولها مني خالص الدعوات والتشكراات

أختك أي مرحلة ابتدائي أو تمهيدي
وابشري بالرد اللي يطيب خاطرك

هلا اختي عذبة الاحساس ، احنا بندخل اختي ابتدائي ابي منك ردي يبرد الكبد
مشكورة اختي بنتظارك

اهلين حبي الرياض
قسم الابتدئي
اولا: مديرتهم طيبة وعسل وتحطك على راسها لدرجة انك تنحرجين من اسلوبها
ثانيا : الوكيلة مره رهيبة بس ماعندها لف ودوران يعني صريحة جدا واحيانا تشد على الطالبات
انتي خابرة الشدة مطلوبة
ثالثا : المراقبة عسولة وحبوبة جدا جدا جدا( والاهالي يحبونها قبل مايحبونها اطفالهم)
رابعا وهو الاهم ::: المعلمات
معلمات الصف الاول معلمتين (( أ-لطيفة ..... أ_صفية))
والله ثم والله انهم معلمات قديرات جدا وتأسيسهم للطالبات جدا ممتاز
وحبووبات وعسولات
صدقيني اختك بتحبهم و بتتعلق فيهم اكثر منك (((((لو سجلتو اختك أمانة تبلغينهم سلامي)))))
وباقي المعلمات جدا رائعات
بس عندهم مشكلة في الصف الاول بالذات
انه يكون في الفصل عدد كبير من الطالبات لان ماعندهم الا فصلين والاهالي فيه اقبال منهم على الصف الاول
بالذات بسبب سمعة المعلمتين
لو بغيتي تسجلين اختك روحي لهم بدري
حاولي السبت
وابراء للذمة عندهم شدة في تسديد الرسوم
يعني لو ماسددتو ماراح تاخذون نتيجة بنتكم
والمحاسبة تجلس تغثكم بالاشعارات حقت الرسوم
اتمنى اكون افدتك كثير
وأي استفسار انا حاضرة عزيزتي

مشكورة اختي الله يجزاك خير بس بغثك شوي بالاسئلة عندهم في الصف الاول حاسب الالي وانجليزي والا لا شاكرة لك ومقدرة وبانتظارك

هلا والله
ياعمري تعبك راحة
وبالنسبة للحاسب والأنجليزي أكيد عندهم
بس معلماتهم يتغيرون

هلا اختي مشكورة والله يجزاك خير

عزيزتي حبي الرياض
ايش قررتو بتسجلون اختك الامورة في المدرسة
بلغيني بأخبارك واخبار الصغيرونة
وأي خدمة انا حاضرة