تآكل حلآ وآقول وش له تحلين بس إبلعي ريقك وبعده تقهوي حلويآت

حكآيآ حلم

25-07-2022 - 03:23 pm

السلآم عليكم ورحمة الله وبركآته ..
مجموعات حلويات لذيذه
حلى بااكواب السوفليه
حلى الكوكيز
تشيز كيك السنكرس
مثلثات التوفي
كنافه بالشكولاته
كريم كرميل بالاوريو
حلى الفيسات | ..
المقادير :
بسكوت نبيل الأصفر ..
2 ظرف كريم كراميل ..
2 ظرف دريم ويب ..
1ونص كاس ماء ..
1 علبة قشطه ..
1مغلف بسكوت شاهي >> مطحون ..
معليه ماله دخل النستله بالغلط الصوره <
للتزيين :
هيرشي ..
بسكوت اوريو مطحون >> نزيل القشطه اللي بالوسط ..
شعيريه باكستانيه
آم أند امز..
الطريقه:
نجيب الكريم الكراميل والحليب ونضعه على النار الين يغلي
ثم نضعه في الخلاط ونضع عليه القشطه والدريم ويب
والبسكوت المطحون ونخلطه جيدا ..
و نضع بسكوت نبيل في القوالب ..
ثم نضع الخليط على البسكوت وندخله الثلاجه لما يجمد مايطول
ونبدأ بالتزيين فنضع الشعر بالشعيريه او بسكوت الأوريو "ع حسب الكشه المرغوبه انتي وابداعك
وبعدين نضع العيون بالام اند امز .."ع حسب العدسات المرغوبه "
وبعدين نرسم الانف والفم بالهيرشي "ع حسب المزاج المرغوب..
وهنا الشكل النهائي للحلا ..
برب

التعليقات (8)

حكآيآ حلم

25-07-2022 - 06:38 pm

| حلى بااكواب السوفليه | ..
المقادير و الطريقه سوا..
نكسر بسكوت شاهي كسر كبار ونحطه بااكواب السوفليه الصغار ولاالوسط
بالخلاط 6حبات جبن كيري + نستله + ملعقه كاكاو بودره + ملعقتين نسكافيه
ونصبه فوق البسكويت
بعدين نخفق كريمه خفق مع ملعقه صغيره نسكافيه ونزينه بالطريقه الي انتم حابين
انا هنا حطيت نص قطعه بسكويت لواكر
ورشيت عليها سكاكر ملونه ..
وهنا الشكل النهائي ..
.. | حلى الكوكيز | ..
المقادير :
كوكيز صغار
ونستله
6حبات جبن كيري
الطريقه :
نضع حبات الكوكيز بااوارق البيلسيه ونحلط النستله مع الكيري ونصبه عليهن وتدخل بحراره الفرن لما تجمد
وتزين بفليك ولا نسكافيه النكهه الي تحبينها ..
.. | تشيز كيك السنكرس | ..
المقادير :
الطبقه الاولى :
بسكوت شاي مطحون
زبده
شوي حليب سايل
تعجن مع بعض وترص بصينيه التشيز كيك
الطبقه الثانيه:":
زبادي
3 فنجان قهوه سكر
7 فنجان قهوه حليب بودره
بالخلاط واذا حسيتي انها ثقيله زيديها ملعقه زبادي ولا شوي مويه
وصبيها ع البسكويت ودخليها بالفرن لما تجمد بس بدون تحمير
الطبقه الثالثه :
2جالسكي مع 2 سنكرس وقشطه بحمام مائي ونصبه على طبقه التشيز
ولما تبرد قطعيه بالشكل الي انتي تحبين وزينيها بالهيرشي ..
برب

حكآيآ حلم

25-07-2022 - 07:39 pm

باك ..
.. | حلى مثلثات التوفي | ..
المقادير والطريقه سوا
كاس وربع حليب محموس
قشطه
فنجال سكر
ملعقه بكنج بودر
فانيليا
3 بيضات
اصبع زبده
تخلط مع بعض ثم توضع على الحليب طبعا الحليب اخر شي نحطه
ويوضع نصف المقدار في الصينيه وتدخل الفرن من تحت مده 10 دقائق بعدين نطلعها ونصب عليها الخلطه الثانيه
الخلطه الثانيه
في الخلاط
نصف كاس حليب بودره
نصف كاس سكر
قشطة
3حبات جبن كيري
ونحطها في الفرن مره ثانيه من فووق لين تتحمر شوي بعدين نطلعها من الفرن ونحط عليها باقي الخلطه اللي قبل من الحليب المحموس
وتدخل الفرن من فوق حتى تنضج بعدين تدخل الثلاجه حتى تتماسك بعدين تقطع مربعات بعدين مثلثات وتقدم واذا حابه تزينيه بالهرشي ..
.. | كنافه بجالكسي كراميل | ..
كنافه نفتتها بيديننا .. نخلطها مع زبده و ملعقه صغيره كاكاو باودره ..
نرصها بصينيه ميني كب كيك .. نقطع الجالكسي ونحشيها بالوسط .. نغطي الحشو بشوي كنافه ونرصها .. ندخلها الفرن لين تتحمر ..
نطلعها ونغلفها عشان تلين .. نزينها بصوص الشوكلاته والكراميل ..
.. | كريم الاوريو | ..
ظرف كريم كراميل + كاس حليب + كيس دريم ويب + 2 قرص اوريو + ملعقه صغيره كاكاو باودر -> على النار لين تغلي
بعدين نصبها في الصحن الي حابه تقدمينها فيه ونزينها بقرص اوريو وندخلها في الثلاجه لين تبرد ..
وبالعافيه عليكم مقدما..

فارسه الاحلام

25-07-2022 - 08:40 pm

واو مشكوره

غلاااااي

25-07-2022 - 09:41 pm

روعه
يعطيك العافيه

عالمي صافي

25-07-2022 - 10:42 pm

لزيزة كلها تسلم أناملك..
(صلوا على النبي)

حنونة الطائف

25-07-2022 - 11:43 pm

.روعه
يسلمو