تارت الفواكه الصور

السلام عليكم ورحمة الله وبركاته
كيفكم اخواتي ؟؟
اليوم جبت لكم طريقة تارت الفواكه .. اتوقع الكل يحبها .. وان شاء الله تعجبكم (:
نبدا اول بمقادير العجينة ..
2 كاس دقيق
نص كاس سمن " يمكن تحتاجين زياده شوي على حسب العجينة "
ملعقة صغيرة بيكنج بودر
ملعقة صغيرة سكر ناعم
ربع ملعقة صغيرة ملح
تقريباً ثلاثة ارباع الكاس مويه فيها كم نقطة عصير ليمون " لا تحطون المويه مره وحده .. بالتدريج "
تخلطين مقادير العجينة مع بعض الا المويه اضيفيها بالتدريج .. وتطلع معك اثقل من عجينة الكيك .. وضروري تكون متماسكه
بعدين افرديها في القوالب الصغيره او في صينية عاديه .. طبعاً سماكتها معقوله تقريباً 1سم
سوي فيها ثقوب بالشوكة ودخليها الفرن
مقادير الكاسترد ..
كاس حليب سايل
ملعقتين كبيرة كاسترد
ملعقة صغيرة نشا " مليانه (: "
فانيليا
4 ملاعق كبيرة سكر
اول شي ذوبي الكاسترد والنشا مع الحليب وهو بارد ..
بعدين اضيفي باقي المقادير وخليها على النار مع التحريك لحد ما تغلظ
اضيفي فوق كل قالب كمية من الكاسترد
زينيها بأي نوع من الفواكه موجود عندك وانتي تحبينه ( فراوله - كيوي - خوخ - موز - اناناس - مانجو ...... )
اذا استخدمتي فواكه معلبة خذي المويه حقتها وحطي معها ملعقة نشا وقلبيها على النار
بعدين صبيها بشويش على الفواكه عشان تبقى " fresh " ويعطيها لمعه
او خذي مويه مع شوي سكر ونشا
خلصنا
سوري جداً على كثر الحكي بس حبيت اعطيكم كل التفاصيل
اول ما تجربونها قولوا لي النتيجه .. وان شاء الله بتعجبكم ..
.