تبغين تكشخين ادخلي وشوفي السنيبون بالصور

1. طبعا هذي لحظه خروجها من الفرن( يم يم يم)


2. يالله الحين نعمل الصوص

السلام عليكم ورحمة الله وبركاته
كيفكم اخواتي ان شاءالله بخير
اليوم جايبتلكم اكله انا ايه روعه صراحه قليله بحقها والي بتجربه هي الي بتتأكد يعني ودك يوم تكشخين بتروحين مكان سويه معاك وعلى ضمانتي وصدقيني اهل الحلى الي يعشقوا الحلى بيطلبونه منك
وانا ماابغا غير انكم تدعولي بس
نبدأ بالصور هذي المقادير
العجينه اولا (بالخلاط) 2 كأس ماء و1كأس حليب بودره ونصف كأس زيت وفنجال قهوه سكر وفانيلا و2 ملعقه خميره كلها بالخلاط تخلط بعدين نضع 4 كأسات دقيق وتعجن تترك ترتاح نصف ساعه
(((احلى مافي العجينه هذي ماتخرب مضمونه)))
وزبده ذائبه لدهن العجينه بعد فردها
ونخلط لصحن سكر مع شوكلاته نسكويك وقليل من القرفه
حليب محلى وحليب لونا ّونشا بس النشا نسيت احط صورته وكلكم عارفينه
ّّّّّهذا للصوص طبعا مع الشوكلاته والسكر
لاتفوتكم بنات لذيذه بس اذا ادمنتوا عليها لاتدعون خ
بعد ماشفنا المقادير نأخذ قطعه من العجين ونقوم بفردها ثم ندهنها بالزبده
بعد مادهناها بالزبده نضع الحشوه عليها الي مجهزه وهي مكونه من((كاكاو نسكويك+سكر+قرفه))
بعذ ذلك نقوم بلفها وتقطيعها كما في الصوره
طبعا بعد ماخلصنا الكميه وقطعناها نرصها بالصينيه وتترك برا لمده نصف ساعه بعدين ندخلها
الفرن ((لازم ترتاح وتخمر قبل ماتدخل الفرن))بتلاحظين حجمها يتضاعف فهذا عادي
وهذ شكلها قبل ان ادخلها الفرن

طبعا هذي لحظه خروجها من الفرن( يم يم يم)

يالله الحين نعمل الصوص

نضع قدر على النار ونضع 1 ونصف فنجال قهوه سكر+7 ملاعق كاكاو نسكويك +قليل من الحليب الونا اواي حليب+ نصف علبه حليب محلى كلها فوق النار مع التحريك المستمر بعدين نضع 4 ملاعق نشا نحليه بماء ونضعه فوقه بالنار ونترك الصوص فوق النار حتى يتقل قليلا وهذا صورته
بعدين صبيه فوق السينبون وهو حار يعني كل الاثنين الصوص والسينبون حار
وهذا الشكل النهائي
وبالعافيه عليكم يارب