تبون تشوفون معجناتي

بنات
لاتفوتكم هالعجينه لذيذه بمعنى الكلمه كانها قطن ماشاء الله
العجينه هاذي من عرفتها وانا كل اسبوع مسويه فطاير ومعجنات للبيت
الكل يشتاق لها مافي حد ماطلب الطريقه
لانها سهله وطريه وخفيفه ولذيذه والمقادير مضبوطه
والحلو اللي فيها انها غير تخميسر
مايحتاي تخمرينها كلش
وهاي صور معجناتي كلها من هالعجينه الرائعه بصراحه احلى عجينه سويتها بعالم المعجنات ههه
شوفوها من الداخل
وشوفوا الورد الجوري بنفس العجينه
البيتزا الشهيه
واهني حركات بركات
وبس هاي كل الصور
ايشرايكم بالعجينه
جربوها تراها عن جد روعه
وهاي الطريقه
المقادير :
2كاس طحين كويتي
2/1كاس حليب بودرة
1ملعقةخميرة
2/1ملعقة بيكنج بودر
4/3كاس ماء
4/1كاس زيت
2/1فنجان سكر
ذرة ملح
الطريقه:
تخلط المقادير بالخلاط الكاس الكهربائي ماعدا الطحين لمدة 5دقائق ثم تصب على الطحين وتعجن جيدا واذا احتاجت دهن زيدي شويه لين ماتتكون عندج العجينه وتكون جاهزه للتشكيل
وايد سهله وخفيفه
انصحكم تجربونها
صج روعه