تبي تسوي رجيم وخايفه من القولون هذا جدول الرجيم من دكتورتي لعيونكم

1. الطول160

السلام عليكم
كيفكم بنوتات؟
اول مره انزل موضوع بهالقسم بس لانه ابي افيدكم
اليوم كان موعدي مع دكتوره تغذيه والحمدلله طلع وزني مثالي مره <على قولها ههه
الوزن49.8

الطول160

وقالت مايحتاج تسوي رجيم لان وزنك مضبوط بس احنا يوم سوينا لك موعد على بالنا انك نحيفه ههه المهم طبعا بالتحاليل طلع عندي القولون لاني عصبيه حيل وافكر كثير < يعني اللي مابترد ياويلها ههه
المهم اعطتني جدول للرجيم اللي يناسب حالتي مع انها مصره اني ماسوي انا اخذته بس عشان افيدكم مابسوي رجيم ههه يعني اللي عندها القولون الوجبه كامله اتوقع قالت ان الوجبه تحتوي على 1500 سعره حراريه وهذا هو المفروض اللي دايم يكون في كل الوجبات
المهم ماطول عليكم وأذكر< ان هذا الرجيم يناسب اللي معها القولون يعني ماتخاف انه يزيد عليها
الفطور:
زبادي قليل او منزوع الدسم
خبز ابيض اي نوع حسب الرغبه
بيضه مسلوقه لاتزيد عن مرتين في الاسبوع او بياض البيض لمرضى الكولسترول او 2 شريحه جبن قليل او منزوع الدسم
عسل مصفى
شاي خفيف جدا
وجبه خفيفه:
حبه فاكهه بدون قشور مسلوقه ومصفيه من البذور او مايعادلها من العصير الطازج مثل التفاح الكمثرى
كيك ساده
الغذاء:
كوسا او جزر او قرع عسلي او اخضر بدون قشور مطهيه جدا
مكرونه او رز او رغيف خبز ابيض او بطاطس بدون قشور(مشويه او مسلوقه ومهروسه جيدا)
دجاج او سمك او لحم مشوي او مسلوق منزوع الشحم والجلد والجناح
حبه فاكهه بدون قشور مسلوقه ومصفيه من البذور او مايعادلها من العصير الطازج مثل التفاح الكمثرى
وجبه خفيفه:
قطع بسكويت غير محلى او كيك ساده
حبه فاكهه او مايعادلها من العصير الطازج
شاي خفيف جدا
العشاء :
كوسا او جزر او قرع عسلي او اخضر بدون قشور مطيه جيدا
مكرونه او خبز ا و بطاططس دون قشور مشويه او مسلوقه ومهروسه جيدا
دجاج او سمك او لحم مشوي او مسلوق منزوع الشحم والجلد والجناح
حبه فاكهه بدون قشور مسلوقه ومصفيه من البذور او مايعادلها من العصير الطازج مثل التفاح الكمثرى او موزه ناضجه
وجبه خفيفه:
مهلبيه او جيلي او بودنج او ايسكريم او مهلبيه ارز مطحون او عصيده بالدقيق او نشا.
وهذي نصايح اللي عندها القولون:
مريض القولون يحتاج لطاقه وسعرات حراريه عاليه
ممارسه الرياضه والمشي والاسترخاء
تجنب الضغط النفسي والارهاق
وضع جدول خاص يوضح الاطعمه التي يتحسس منها المريض ويتجنبها
اه تعبت من الكتابه واللي عندها القولون وتبي تعرف شي عن اكلها وكذا تراسلني لانها معطتني جدول للتغذيه مثل اللي كتبته والاكل اللي نتجنبه واللي ناكله
واللي عندها أي سؤال هم بعد تعطيني ياه لانها قالت فكري شهر لو عندك أي سوال وسوت لي موعد اطرح اسئلتي لها ههه عسى القى بس سؤال
دعواتكم ان الله يفرج همي اللي جاب لي هالقولون ههه
والف سلامه للجميع