تجربتي في انقاص وزني من بنات افكاري أضعها بين ايديكم للتجربة والتشجيع

بداية اليوم الاول :: يومي يبدأ من 4 الفجر وزني كان 69.700
يوم الاحد 8 / 10 / 1433 ه
طبعا قريت اغلب الاشياء عن الرجيم لكن اخذت اللي يعجبني من دكتور سامي الثنيان ومن خلال خبرتي عملت بالباقي
نبدأ بسم الله
1- الساعه 5 فجرا شربت عالريق منقوع السنا مكي (ملعقتين ونص مطحون سنا مع باقي الكوب ماء حار بدون غلي خليته ينقع طول الليل ولازم بعدها امشي 10 دقايق ولا ماراح يجيب مفعول ) طبعا هالحركة عشان تنظف البطن من البلاوي المهببة قبل =)
2- الساعه 7 صباحا الفطور ( شريحتين توست خبز اسمر - زعتر وزيت زيتون - بيضتين بلدي - قطعتين جبنة قريش - كوب عصير تفاح )
3- قبل الغدا بساعه أكلت تفاحة وجزرة
4- قبل الغدا بربع ساعة اكلت موزة
5- الغدا ( سمك مشوي - كم قطعة بامية - رز كمية قليلة تقريبا 7 ملاعق - سلطة فيها شبت وجزر وبقدونس مع زيت زيتون اهم شي كل اكلي املحه بملح بحري - شوربة (مكوناتها بصلة ملعقتين مطحون ذرة بيضا وملعقة كركم وملح بحري وزبدة صغيرة نباتية )
6- لازم اشرب بعد العصر مباشرة شاي اخضر مع ورق زعتر وملعقة صغيرة زنجبيل محلى بملعقة كبيرة عسل >>>هذي الحركة تحرق وتسخن الكلى
7- قبل الجري لازم موية بقدونس اسوي كمية كبيرة واخزنها بالثلاجة
8- طبعا جريت الساعه 12 فالليل 3 كيلو تقريبا 33 دقيقة
وانتهى اليوم الاول على خير
بيجيكم صداع كل يوم شكل على حسب مزاجي اكره الروتين وبانشب هنا بالموقع الين اوصل 55 ^_^ امزح شهرين بس

بداية اليوم الثاني :: يومي يبدأ من 4 الفجر وزني كان بيوم الاحد 69.700 وصار بيوم الاثنين 68.800
يوم الاثنين 9 / 10 / 1433 ه
الوزن السابق : 69.700 خسرت للان 900 جرام
1- في الفجر الساعه 4 ونص شربت كاس موية مذوب فيه ملعقة عسل كبيرة ( لتعديل انزيمات الكبد للوضع الطبيعي )
2- الفطور ( توست اسمر نخالة - بيض مقلي بزبدة نباتية غير مملحة - زعتر وزيت زيتون - كوب عصير برتقال )
3- قبل الغدا بساعة اكلت : تفاحة خضرا - جزرة
4- قبل الغدا بربع ساعه اكلت موزة
5- الغدا ( كمية7 ملاعق رز - روبيان مشوي - كاس عصير برتقال )
6- بعد الغدا بساعه شربت ربع كاس ماء زعتر مع ملئ الكوب بالماء هذا يحرق الدهون ويزيد حرق السعرات بس شكلي ماعاد باشربه اللهم لك الحمد طعمة يحوم الكبد
7- طبعا العصر شربت ورق زعتر ملعقة مع شاي اخضر مع ملعقة صغيرة زنجبيل محلى بملعقة كبيرة عسل ) هذي انقعها من الظهر بموية حارة واشربها العصر
8- العشا ( دجاج الطازج فروج مشوي )
9- طبعا اخر الليل خربتها طلبت روبيان فرايديز الله يستتر اليوم في الفجر كم راح يسير الوزن
10- انبني ضميري مشيت ساعة كاملة وجريت 10 دقايق
انتهى اليوم الثاني بكره اليوم الثالث الله يعديه على خير ويسهلها ربيت
تصبحون على خير وبكرا بكرا بكرا بكرا >_<

بالتوفيق استمري
الله ينحفك وينحفني من غييرر شر يارب
اهم شي خلي اكلك صحي
وخلي كل فترة يوم مفتوح عشان ما تملي و عشان ما يتعود جسمك
ولا تنسي الرياضة و شرب الموية

ماشالله انا طولي يمكن 155 ووزني بالسبعين

ودي انحف بس من حملت وولدت كل شي خرب

وش اسوي وودي انحف بدون رياضه

مشكله اكلي كله مقليات وهمبرجرات وبطاطس ماشالله

..........

........................