تجعيد شعري بح رااح طار والسبب قهر

انا انسآنه مقهوره او بالاحرى منقهره او على قولتكم وقولتنا ميته قهر
اولا السلام عليكم كيفكم حبايبي..؟؟ ان شا ءالله بخير..؟ دوم يارب
ابذكر لكم معاناتي ويارب القى عندكم علاج او خلطه تصلح لي شعري والله عشمي فيكم كبير
وادري انكم باذن الله ماراح تقصروون معاي
اناا شعري كان حلو اذا استشورته كان حلو واذا جعدته طلع خيال
الكل كان يسالني كيف اجعد شعري كنت مشهوره بتجعيدي لشعري وهو اني كنت بس اتحمم واحط بانتين بديل الزيت ويطلع كيرلي ناعم وكثير ومره حلو
من كثر ماكان تجعيدي حلوو والله كنت اجعده بالزواجات وكان ماشي معاي تمام
بالصيفيه اللي راحت قصيت شعري الفراوله تقريبا الطبقه اللي تحت بينها وبين كتوفي خمس اصابع
والقصه كانت مره غبيه
فدورت على شي يطول شعري بسررعه علشان زواج اختي يكون طويل واقدر اتحكم فيه واخفي معالم القصه الغبيه
قريت عن هيماتاج واستخدمته لمدة شهر ولاحظت شعري كان روعه يعني اطلع من الحمام وانتوا بكرامه امشطه واخليه يطلع كانه مستشور من فووق ومن تحت يطلع كيرلي خفيف
بعد شهر لاحظت شعري طال شوي وراحت معالم القصه وقفت هيماتاج
والنتيجه
اصبروا ابصيح
خلصت
النتيجه انه شعري ماعاد يتجعد ابد ابد ابد صار كانه مطاط او بلاستيك او صووف شعري صار خرابيط يخرع كانه باروكه واللي قاهرني زوود انه ماعاد يتجعد
يعني تجعيدي بح طار
اذا فكرت اجعده يطلع شكله غبي كاني فارده شعري ومجعدته الاطراف تكون واقفه ونااشف مرره
واذا استشورته ينفش والله شعري كاني فاردته فرد غبي واحترق
تحطمت بقوة خصوصا بالجامعه كنت اربعه وعشرين ساعه تجعيد الحين بس رافعته ماقدر اسوي فيه اي شي اخاف اذا جعدته اخرع البنات بالجامعه خ
شعري من بعد الحناء ومجموعة خلطات تعدل بنسبة 30%
مع الاستمرار بالخلطات يعني من شهر 7 اللي راح الين الحين وانا اعاني مع شعري وخلطاته وتجعيدي اللي راح
ابغى اي خلطه تعدل لي شعري وترجع لي التجعيد ابغاهاا تنعمه وتطوله بسرعه علشان
اصلح لي تسريحه بزواج بنت عمو..
بنات تكفون ساعدوني لاتبخلوون علي الله يوفقكم..
وابغى استفسر عن زيت كيشورد الهندي يقولون حار ويغمق الشعر هل هو مثل هيماتاج
يعني بيفرد لي شعري وماعاد اقدر اجعده هذا اذا رجع لي التجعيد..؟؟ ولا لا عاادي مثل اي زيت..؟؟
اسفه على الاطاله ابرووح اصيح الين تردون علي وتسااعدووني...