تشيز كيك لذيذ ومضبوط من مطبخي

السلام عيكم ورحمة الله وبركاته:
حبايبي اليوم جايبة لكم طريقة حلوة ومضبوطة للتشيز كيك وانا دايما اسويها وتطلع مضبوطة وطعمها رائع
مقادير العجينة:
1 كوب دقيق ابيض
1/2 كوب سكر
1 ملعقة صغيرة بيكنج باودر
1 اصبع زبدة
1 بيضة
1 ملعقة صغيرة فانيليا سائلة واذا لم توجد ممكن فانيليا عادية بودرة
الطريقة :
نخلط المقادير الجافة اولا مع بعض ثم نضيف البيض والزبدة نكون مسيحينها على درجة حرارة الغرفة يعني نطلعها من الثلاجة قبل بوقت ما نسيحها ع النار
وطبعا بعد مانعجنها تكون العجينة هشة شوي اضيفي قطرات بسيطة من الماء الين ما تحسيها تماسكت شوية
وبعد كذا افرديها داخل الصينية اللي اطرافها معروجة مو مستقيمة ابدي بفردالعجينة في قاع الصينية وبعدين ابداي افرديها ع اطراف الصينية وحاولي يكون سمكها متساوي.
اما بالنسبه لمقادير الحشوة :
2مربع جبن كيري
2 بيضة
رشة فانيليا
6 ملاعق طعام سكر
الطريقة :
نضع المقادير في خلاط الكأس ونخلطها الين ما تمتزج مع بعضها
بعد كذا نضعها ع العجين السابق وندخلها للفرن من اسفل ثم من اعلى الين ما نتاكد ان الحشوة جمدت ولمن ندخل فيها السكين تطلع نظيفة بدون عجين لازق فيها
نتركها تبرد وبعدين نحط عليها حشوة الفطائر حسب الرغبة انا احط دايما حشوة الكرز او التوت الاحمر
ودخليها الثلاجة الى موعد التقديم
ملاحظة:
ممكن تعملي نفس الخطوات السابقة لعمل هذه الفطيرة فطيرة تفاح
بعد ما تحطين الحشوة داخل العجينة تكوني مقطعة شرائح تفاح ورصيها فوق العجينة على شكل دائرة الى ما تغطين سطح الحشوة بالتفاح بعدين دخليها للفرن الى ما تستوي
ولمن تطلعيها من الفرن رشي عليها ملعقة صغيرة قرفة
وهذي بعض الصور للتشيز كيك اللي عملته اتمنى تجربوه ويعجبكم