تطبيقي لكبسة الرز لعضوة من المنتدى

السلام عليكم
كيفكم
أنا أخذت طريقة رز مع الدجاج بالخلطة لعضوة من هنا بس مو متذكرة اسمها وطبقت الطريقة مع بعض التغيير وطلع الطعم جنان
هذي الصورة مستعجله ما زينت شي
الطريقة باختصار اسلقي رز بدون اضافات بس هيل وعويدي ورشة ملح وزيت للسلق
قطعي دجاج صغار أو جيبي دجاجة مسلوقه منتفة <<< والله من الشرح
بصل وثوم للحمسة
جيبي خضار ( جزر مبشور + فلفل بارد مقطع طوال + بازلاء)
هاتي البصل والثوم احمسيهم وحطي عليه الدجاج
لما يستوي حطي بهارات وماجي وهيل مطحون لاتكثرين
اخلطي عليهم الخضار
اذا استوى كل شي
جيبي القدر __الطريقة الاصلية تجيبين صينية فرن ورز نص مستوي__
بس أنا قلت ليه التعب اخلي الرز يستوي مرة وحده
تجيبين القدر تحطين بالقاع جزء من الرز بعدها خلطة الدجاج كلها بعدين الرز الباقي
وعلى الوجه ( زيت تحمسين فيه حبتين مسمار حب صحيح اللي نسميه العويدي )
ترشين الزيت على الوجه هي كانت كاتبه سمنه او زبده ما اتذكر
المهم
تحمسين زبيب وصنوبر ترشينه على الوجه مع صفار الرز
تغطينهم شوي
بعدها ترشين الوجه بالبقدونس
وبس بالعافية
الطعم يشجع ما توقعت الطعم كذا روعه