تعالوا نتشارك بالرجيم مامليتوا من المقاسات الكبيره والوزن الزايد

M A N G O

10-01-2022 - 03:14 am

السلام عليكم ورحمة الله وبركاته
يا أمهاات الكروش كيفكم ان شاء الله طيبين ومرتاحين ؟؟؟ عساكم عاد بهالعطله زبرتوا كروشكم من مالذ وطاب ممايزيد السمنه ويزيد انتفاخكم زياده على ما انكم منتفخين ..
اللحين بالله عليكم الوحده منكم يعجبها شكلها بالبلوزه ولا بالبدي وهي كرشه من قدام كنها حامل بالشهر الرابع << الله يكفينا الشر
وترى حالي من حالكم عشان كذا خلونا نتفق قبل رمضان وقبل ملابس العيد اننا ننحف من غير شر ان شاء الله وتروح المطبات اللي ماتليق بالحريم عامة والبنات اللي بالثانوي والجامعه خاصة ...
وكل وحده تدخل وتكتب يومياتها ووش قد نقصت بأخر كل أسبوع ونعطي بعض نصائح ونشجع بعض الى أن نصل الى مبتغانا بمشيئة الله .. ويالله العفو والعافيه
وصحيح مثل ماقالواا الجمال جمال الروح ولكن مايمنع اننا نحاول مجرد محاولات انا نصير رشيقات بإذن الواحد اللأحد ..
الا تعالوواا قولوا لي وش زود عاضات الأزياء عنا وش زودهم ايد ولا رجل .. يالله لك الحمد الا العجز فينا ..
خلونا نبداا سواا .. ووش رايكم أنا أقترح نمشي على نظام وحده من الأخوات قريت لها موضوع قبل فتره والله يجزاها خير ماقصرت كثير من البنات نحفوواا بفضل الله ثم نظامها ..
اللي هو ::
3 أيام الأولى زبادي ولبن وحليب قليل الدسم ..
3 أيام الثانيه فواكه بأنواعها ...
3 أيام الثالثه خضار مسلوقه ماعدا البطاطس ..
3أيام الأخيره لحم أو دجاج أو سمك مسلوق وليس مقلي ..
مع شرب مغلي الميرميه والبابونج وأكليل الجبل ,,... ومشي ساعه كامله يوميا......
تنقصين ان شاء الله 12 كيلو .. والإكثار من الماء
واللي عندها نظام أفضل مايمنع اننا نستفيد .. وببدأ من بكره ان شاء الله من تبدأ معي .,..
أنتظركم ,,...

التعليقات (9)

ليل و قمر

10-01-2022 - 06:08 am

اللحين بالله عليكم الوحده منكم يعجبها شكلها بالبلوزه ولا بالبدي وهي كرشه من قدام كنها حامل بالشهر الرابع << الله يكفينا الشر
لا وانتي الصدقه بالثامن او التاسع وربي اكره ماعندي البس واطلع حتى عباتي مااحب افصخها لاصرت بزياره
وترى حالي من حالكم عشان كذا خلونا نتفق قبل رمضان وقبل ملابس العيد اننا ننحف من غير شر ان شاء الله وتروح المطبات اللي ماتليق بالحريم عامة والبنات اللي بالثانوي والجامعه خاصة ...
والله هالحل ماشيء انا بنت بس شكلي مره ام خمس عيال وعمري 35 سنه اقصد 21 بس كل من شافني يضني بالثلاثين وام لعيال
الرجيم ماراح اسويه معكم لان عندي رجيم بس ان شاء الله اتابعكم اول باول
بالتوفيق ربي ينحفنا وينحفكم

ام القمر جوري

10-01-2022 - 07:09 am

تصدقون عاد ان كل من شافني يحسبني اكبر من زوجي شوفو الفشلة مع انو اكبر مني ب10سنوات
لاوبنات عمي الي قدي بالسن كنهم بناتي خلاص انا معاكم بس راح امشي على رجيم ثاني بعدين اقلكم ليش

نــــوف

10-01-2022 - 08:10 am

وانا معااكم بصراحه احب اشارك بكل المواضيع >>>>الحقووها متعقده من جسمها خ
يسلمو خيتو عالموضووع

الدانهـ

10-01-2022 - 09:11 am

اهئ اهئ
انا سامنه بهالاجازه زياده على سمنتي قبل ...وربي جاني اكتئاب والجامعه راح تبدا ب 3/9 هجري
وش اسوي ....!
طيب مانغوو 12 كيلو بكم يوم ..يعني لواجربه من بكرا ولمده 25 يوم كم انقص ...........؟؟
والكميه مفتووحه ولامحدده ...؟؟؟؟؟؟؟
ودي انحف لوشي بسيط عشان بلوززه الجامعه تدخل فيني اهئ وربي ببكي قهر

Dr.saso

10-01-2022 - 10:12 am

هلا مانغو وربي انك حماس ايوا كذا الى متى بنظل في هذه السمنة اللي ناكبة الدنيا كلها
والى متى انتو يافراشات ياحلوات عاجبكم كذا
اول شي كل حاجة تعجبك تاخذيها تقيسيها في غرف القياس لأنك خايفة ماتجي ومن غير ماتخافي اصلا ماتجي ولو جات موديلها يصير اللهم لك الحمد والشكر كنها من عند ابو ريالين
ومااعاد لكم حل الا ايفانز والذي من طقته الين متى بالله
والله البنات طارو خطابهم والمتزوجات طارو ازواجهم
عاجبكم هالحال اللي احنا فيه بالله
على قولة باربي الاكل مو طاير احنا اللي بنطير كننا بالونات من كثر السمنة
المهم اني زعلانة من نفسي والسبب بسيط جدا جدا وهو انه وزني وقف نزول وفكيت الدايت من شان اكسر الثبات وان شاء الله من السبت ارجع للدايت وابغى انظم معاكم ونحمس بعض قبل لايجي العيد وتطيح الفاس في الراس
يللا اشوفكم السبت ياحلوات

ذوق *

10-01-2022 - 11:13 am

أوكي ببدا معاكم
بس ياليت آخر شي اللبن يعني نبداء بالفواكه
ثم الخضار ثم اللحوم ثم اللبن ها وش رايكم ؟

M A N G O

10-01-2022 - 12:14 pm

ليل و قمر
هلا والله فيك يا ليل وقمر
ياليت تقولين لنا عن الريجيم اللي بتتبعينه وتمشين عليه يمكن يكون افضل من هذا ...
ومشكوره على ردك والله ينحفنا وياك بالعفو والعافيه ..

M A N G O

10-01-2022 - 01:15 pm

ام القمر جوري
شفتي شلون النااس مايرحمون عشان كذا ارحمي نفسك وكسري كلامهم ..
وامنشي على النظام معنا وكلنا ننحف بإذن الله من غير شر ..
مشكوره على ردك ..

M A N G O

10-01-2022 - 02:16 pm

نوف
ياهلاا ويا مرحبا فيك معنا ...
الله يسلمك .. ومشكوره لانضمامك لنا ..

حبوب جديده للتنحيف وشفت بعيني نتيجتها←
تجربتي مع دكتورة عزة اخصائية التغذية→