تعالوا وامسكوا بطونكم من الضحك مواقفي

طبعاً هذي المواقف صارت معاي شخصياً كلها كتبتها لسببين
الاول:عشان أي شخص طفشان يفتحها ويقرا ويضحك ويدعيلي اني ونسته
الثاني:عشان لو افترقنا افتحها واقراها انا واقعد اضحك علينا وابكي عشان تفارقنا أوكي؟؟
طيب ادري طولت بس تراها يقالك رواية خلاص مشوها
وراح اجدد الموضوع باستمرار لو حصل شي جديد
وماراح اكتب المواقف كلها>>لاياحبايب على مين تضحون الردود اول وبعدين انزل الجزئيات الباقية
قسم ادري اني ما انعطي وجه بس ببدأ>>وش عقبووه
((صارت حياتي سعادة))
للكاتبة:الكلم الأخيرة ه
احلى قصة صداقة لعام 1430هجري
راح اتكلم لكم عن بداية تعرفي
على صديقتي الغالية هنوف
أنا اسمي افراح وبالثانوي>>من قدكم عرفتوا اسمي خ
ماني واصفه لكم شكلي لأنه
ماعمري شفت وحده توصف شكلها ومهما قلت يبقى مداح نفسه كذاب ههه>>>بس تراني مملوحه ومزيونه خ أهم شي(*-^)
ومالقيت الصديقة اللي ارتاح لها
وافهمها وتفهمني وخصوصا اني عايشة في مجتمع غير
اللي عايشين فيه خوالي وعمامي وطبع المجتمع اللي
أعيش فيه مايل للانفتاح والتحضر الزايد عكس مجتمع
خوالي كان متحضر بس مو لنفس الدرجة
ومن المتوسط ما ارتحت للبنات دخلت الثانوي البنات
جدد والمدرسة جديده وفي الفصل كانت تجلس وحده
اسمها هنوف من نفس قبيلتي بس ما كنت
احبها ولا ارتاح لها ابداً
لكن اهلي يعرفون اهلها وهنوف وحده مملوحه ورزه
وكشخة
قلت لامي ان البنت معي قالت هاتي رقمهم
ابي اكلم امها...
خذيت رقمهم بس رقم البيت وطبعا بما انها اجواء
دراسة يعني ممكن اسألها او اسولف سوالف عامة
طلبت مني رقم جوالي ولان اهلها مصدر ثقة اعطيتها
رقمي واخذت رقمها...
بالبداية كانت الرسايل اللي بيني وبينها رسمية كلها
وش الواجب ولا ما اخذت منك الجدول ومع الوقت
صار اللي بيني وبينها سوالف وجا يوم وقالوا البنات
بيغيرون ترتيب الفصل وصرت انا جنبها وقدامنا بنات
المهم بدينا حركآآآات البنات من تجيب ليز بكرا ومن
مدري وش تجيب !!
وفي يوم واعتبره بداية التحشيش لأننا اخذنا فترة
يقولون شلة المحششات
هنوف:بنات وش نجيب بكرا!!
أفراح:مدري حتى انا مدري وش اجيب؟؟
هنوف:وش رايك اجيب ساندوتشات مسحب من البيك!!
أفراح:هيه هيه بلا خبآآآآآآآآآآآآآآآآآآآآل
واخذت الموضوع بهبال او انها تستهبل
وخلص اليوم عادي
وجا من بكرا
دخلت الفصل وعادي كل شي ماشي تمام إلين ماخلصت
الحصة الرابعة ودق جرس نهايتها وأعلن بداية الفسحة
وشوي الا تطلع هنوف كيس هدية
أفراح:!!!!!!!!!!
هنوف:اف ريحتي مسحب متنقل خ
أفراح:أما عاد لاتقولين جبتيه!!
هنوف:إيه والله جبته
وطلعوا بنات الفصل وبقيت انا وهنوف وبنتين
وقعدنا ناكل الساندويتشات ((وعلى فكرة مليانه ثوم))
وخلصت الفسحة ويدخلون البنات والا ريحة الفصل ثوم
المهم واقوم انا وهنوف ناكل علك بالنعناع ونبخ كل
عطوراتنا ويطلع الله لا يوركم ريحة الفصل عطر وثوم
ودرايش فصلنا ماتنفتح ونطلع عند الباب ولا كننا سوينا
شي والبنات يدخلون الفصل كلهم يقولون وش هالريحة
يع يع
وانا وهنوف نقول معهم إيه صح يع يع
الحمدلله راح هذاك اليوم تمام وكانت تقريبا كل
الحصص الاخيرة فراغ يعني 5 و 6 و 7 و 8
وكانت تجلس قدامنا بنت اسمها اروى ماكنا نجلس معها
دايم المهم هذيك الحصص كلها قعدنا نسولف انا
وهنوف واروى...
طول الوقت ضحك وخبآآآل وماينسمع غير ضحكنا
صحيح فيه بنات كثار نتكلم معهم بس مو زي كلامي
انا وهنوف واروى صرنا مثلث برمودا الضاحك
والمتنقل بعد...
وفي يوم وهو يوم الوناسة بحد ذاته كان الاثنين وعندنا
الاولى كيمياء وخلصنا طوابير وحنا نمشي
بالسيب انا وهنوف واروى قدام والابلا ورانا
وباقي البنات ورى مره
هنوف ماكانت تدري ان الابلا ورانا
وقالت بصوت عالي :أنا وحيد
أنا وحيد
لا والاخت ناوية تكمل والابلا ميته ضحك انا حاولت
اسكت هنوف بقولها ان الابلا ورانا ما قدرت من
كثر الضحك قلت لها واستحت وصار شكلها
خطير وهي مستحية هذاك اليوم بالطابور
وقفنا بصفنا بالدور
ومن السهر كنا ندور
ونضحك حيل فالينها مشينا بسيبنا مره
وهنوف خنقتها العبره
وقالت بنبره منكسرة
انا وحيد يازينها ضحكنا ضحكة التعبير
على الموقف بدون تقصير
نسينا ان ورانا تصير
ابلا مريم ياشينها هذيك ايامنا الحلوة
عسانا دوم ع القوة
واللي ماعرفنا توه
جهل الضحك وراعينها أيام حلوة عشناها
بقلبي يبقى ذكراها
وعرفنا الفرحة معناها
واكيد ماحنا ناسينها دخلنا مختبر الكيميا وكنت انا وهنوف واروى اول بنات
قلت بقلبي ليش ما احرج هنوف!!
افراح:ابلا مريم!!!
الابلا:نعم
افراح:سمعتي صوت هنوف... وش رايك فيه؟؟
ضحكت الابلا وكملنا الحصة
طبعاً المواقف الجاية احلا واحلا بس تعبت وانا
اكتب وابي ردود ياحبايب هع هع هع
انتظر الردود وترا هذي بداية
المواقف ... بعدكم ماشفتوا شي هوع